💜💜
Preeti Naman ke haath pakad ne par apni jagah par hi ruk gayi.
Vahi Naina Naman se alag hui to Naman ne Preeti ka haath chhod diya.
Tabhi Naina ne Naman ka haath pakadte hue kaha : Chaliye Bhai. Niche chalte hai.
Naman ne muskurate hue kaha : Tum chalo. Main change karke aata hu.
Naina ne ye sun haa me sar hilaaya aur bas muskuraate hue room se bahar nikal gayi. Uske jaate hi Preeti aur Naman room me akele the.
Preeti ne apni palke utha kar dekha to Naman muskuraate hue use hi dekh raha tha.
Is par Preeti ne apna gala saaf karte hue kaha : Aap. Aap jaaiye niche.
Ye kehte hue vo ab jaldi se jaane lagi to Naman ne uski saree ka pallu pakad liya. Preeti uske aisa karne par jhemp gayi. Aur usne apni aankhe band kar li.
Vahi Naman vo uske karib aaya, usne Preeti ko peeche apni baaho bharte hue kaha : Ready ho jaana. Aaj shaam hum bahar chalenge.
Preeti ne apne pet par kase Naman ke haatho par apne haath rakh dheere se pucha : Kyu ?
Naman : Maine suna hai kisi ko pani puri khaana bahot pasand hai.
Preeti Naman ki baat sun muskuraai usne dheere se pucha : meri taang khinch rahe hai?
Naman muskuraya aur usne Preeti ke kaan ko apne hotho se chhu kar fusfusaate hue kaha : Nahi. Main to pura ka pura tumhe apni baaho me khinchna chahta hu. Magar tum aana hi nahi chahti.
Preeti ne Naman ki baat sun apna sar ghuma use dekhna chaha aur kaha : Aap..
Vo khamosh ho kar apni jagah jadd ho gayi kyunki dono itne karib the ki Preeti ke hotho ne Naman ki naak ko chhu liya tha.
Preeti ghabraai, sharmaayi si usase dur hone ko hui magar Naman ne us par apni pakad majboot kar li.
Naman ne apni aankhe band kar Preeti ki khushboo se romanchit ho kar uske gale par apne hoth rakh use kiss kiya. Uske haatho ne Preeti ki saree me jaakar apni jagah banate hue uske pet ko chhu kar sehlaaya, to Preeti ne apni aankhe mich apna sar Naman ke seene par tika diya. Vahi Naman ke hotho ne uske gale par harkat kar upar aate hue uske chin aur ab uske hotho ko chum liya. Dono ke saanso ke darmiyaa ab koi fasla nahi raha tha. Naman apna pyaar Preeti par lutane ko taiyaar tha. Vo use gehraai se chumne laga tha. Ki tabhi dono Naina ki awaz sun ek jhatke me ek dusre se alag ho gaye.
Room me ghusi chali aayi Naina ne Naman se kaha : Bhai mama ji......
Vo ye kehte hue apni jagah par hi ruk gayi aur usne samne ka nazara dekh hairaani se apne khule muh par haath rakh liya. Preeti ne apni bhaari ho chuki saanso ko kaabu karne ki koshish ki. Uska chehra laal pad chuka tha. Vo ab bin kuch kahe bathroom me chali gayi.
Vahi Naman vo jhemp gaya tha. Aur muh fer kar khud par control karne laga.
Idhar Naina ne apne haath niche kar dheere se kaha : Sorry Bhai.
Ye kehkar vo ab jaldi se bhaag nikali.
Naman ne ab jaldi se apna huliya thik kar liya. Aur fir kapde badal kar ek nazar bathroom ke band door ko dekh room se bahar nikal gaya.
Niche aaya to dekha sab living hall me bethe hue the.
Naman ke papa ne kaha : Aao beta.
Naman unke bich jaa kar beth gaya.
Tabhi vaha bethe mama ji ne Naman se kaha : Beta. Nikhil ke liye rishta laaya hu. Ladki bahot padhi likhi hai. Aur ijjatdaar ghar se hai. Tum jeeja ji chal kar dekh lo ladki ko. Sab settle ho chuke hai ab Nikhil ko bhi ho jaana chahiye.
