💜💜
YN ne dar se budbudaate hue kaha : Bhavna didi.
YN ne apne muh par haath rakh liya taaki uski sisaki yaa awaz bahar naa nikale.
Bhavna didi ka ye roop usne pehle kabhi nahi dekha tha. Vo apni hi sagi behan ko berehmi se maar rahi thi. YN ghabra gayi.. use kuch samajh nahi aa raha tha ki vo kya kare kaise Mayra didi ko bachaaye?
Bed ke paas jaa kampte hue haatho se usne Veer ko call kiya par uska phone band jaa raha tha. YN ne ab jaldi se Jeetu ka number dhundh use call kiya. Vo aisi halat me bhool hi gayi thi ki Jeetu to yaha tha hi nahi.
YN dard se tadapti hui ek baar fir door par aayi. Bhavna didi abhi bhi Mayra didi par vaar kiye jaa rahi thi.
Ye dekh YN ke haath se phone chhut gaya aur vo chilaayi : Mayra di...
Uski awaz sun Bhavna didi ruk gayi. Aur agale hi pal YN ki taraf mudi to YN ki saans gale me atak kar reh gayi.
Usne dar ke maare apne pet ko apne haatho se chhupana chaha tha ki,
Bhavna didi ne gusse me ghurarte hue apne haath me pakda hua danda ab YN ke pet par maarna chaha magar usase pehle kisi ne unka haath peeche se pakad unhe ghumaate hue muh ke bal patak diya.
YN ne jaldi se apni aankhe kholi to Veer ko apne samne dekh jaldi se uske paas jaane lagi.
Vo kuch kehne lagi thi ki Veer ne use apni god me utha liya. YN ne Veer ke gale me apni baahe daal use pakda, magar kuch geela mehsus hote hi apne haatho ko samne kiya to use pata chala ki Veer ke sar se khoon beh raha tha.
YN ne rote hue Veer se kaha : Mayra di...
Par Veer khamosh raha. Aur usne YN ko jaldi se bahar laa kar apni car me betha car lock kar di.
Aur jaldi se ek baar fir ghar ke andar gaya.
Ghar ke andar pohchte hi Bhavna ko Mayra didi ke paas khada dekh Veer aage badhne se ruk gaya. Bhavna ke haatho me is baar bada chhura tha.
Ye dekh Veer ne gusse me kaha : Kyu? Kyu kiya ye sab? Aap ko apni badi behan maana.. chhod do unhe.. mar jaayengi vo..
Samne khadi Bhavna muskuraai aur unhone haste hue kaha : Badi behan maana hai Veer. Par main badi behan hu nahi..
Veer, Mayra didi ki jaan bachaane ki khatir apne ghutno par beth gaya aur usne Bhavna se kaha : Kya chahti hai aap? Jo bolengi sab karunga. Bas didi ko chhod de. Chote chote bachhe hai unke.
Bhavna Veer ki halat dekh hasne lagi. Aur unhone haste hue kaha : Ye kya Veer.. Mumbai ka dada.. itni jaldi haar maan gaya. Mujhe laga tha ki tum thoda josh me aaoge. Haath pair chala kar mere saath ladoge par tumne to pehle hi hathiyaar daal diye.
Veer ne unki baat sun ek nazar Mayra didi ko dekhte hue pucha : Aakhir chahti kya ho aap? Kya hai ye sab? Kyu itne saalo se acha hone ka dhong racha aapne? Aakhir kya kami reh gayi bade papa ki parvarish me..?
Veer ki baat sun muskuraati hui Bhavna ke hotho ki muskurahat gayab ho gayi. Vo chup ho gayi uska dhyaan bhatakte dekh, Veer ne ek jhatke me Bhavna ka pair pakad unhe muh ke bal uchhal diya. Aur jaldi se Mayra didi ko apni god me uthaya. Ki tabhi Bhavna ne Veer ke peeth par chhure se vaar kiya magar Veer ruka nahi.
Bhavna ne gusse me kaha : Ruk jaa Veer. Varna be-maut maara jaayega.
Veer ne jaldi se Mayra didi ko ek side se apni god niche rakhte hue vaha rakha showpiece, hall ki jalti light me de maara jiske chalte hall me puri tarah se andhera fail gaya.
Veer hairaan tha jo bhi uske saath ho raha tha vo uske samajh se bahar tha. Bhavna didi aise kaise...? Ye sab ho kya raha tha. Vo bilkul akela pad chuka tha. Bahar YN ki halat bhi thik nahi thi.
Veer Mayra didi ko car tak le kar aaya aur usne unhe bhi andar YN ke paas bethaya ki YN ne ghabraate hue kaha : Badi maa... Badi maa kaha hai?
Ye sunte hi Veer ne apna sar pakad liya. Badi mushkil se vo Mayra didi ko bahar nikaal kar laaya tha. Aise me ab badi maa ko lekar aana ye uske liye kisi bade khatre se kam nahi tha.
Veer ne jaldi se ab kisi ko call kiya tha ki tabhi achanak se ek car vaha aakar ruki.
Car me se nikali us ladki ko dekh Veer ki jaan me jaan aa gayi.
Aur usne jaldi se kaha : Shivani.. badi maa andar hai.
Shivani ne car me bethi YN aur Mayra didi ko dekhte hue kaha : Veer. Tum in dono ko hospital le kar jaao. Main badi maa ko kuch nahi hone dungi.
Veer ne car se bahar nikal kar kaha : Shivani. Vo bahot khatarnak hai. Bilkul kisi jaanvar ki tarah vaar kar rahi hai.
Shivani ne apni gun nikaalte hue kaha : Fikra mat karo. Abhi tum inhe lekar jaao. Main alert rahungi.
Veer ki aankhe bhar aayi aur usne Shivani ko ek nazar dekh apni car ki driving seat jaa kar sambhaali.
Vahi YN vo Shivani ko yaha dekh bilkul hairaan thi. Par filhaal dard se karah rahi thi. Isliye kuch naa to bol saki naa samajh saki.
Idhar Shivani ne ab Veer ke ghar ka door open karne se pehle aas pados me rehne wale logo ko jagaaya. Vo akele Bhavna ka mukabla nahi kar sakti thi.
Bhavna insaan ke bhes me bhediyaa thi.
Jisne Singh pariwaar ke ehsaano ka badla is tarah se chukaya tha.
Badi mushkil se Shivani ne aas paas ke 4 ladko ko apne saath shaamil kiya tha. Aur ek baar fir Veer ke ghar ke bahar jaa khadi hui thi.
Dar se uske haath me paseena aane laga tha par Veer se kaha tha usne ki vo uski badi maa ko kuch nahi hone degi..
===============================
