Ye dekh Jeetu ne use cake khilaate hue kaha : Aaj hi ke din to tum mujhe mili thi. Aur tumne mujhe mitti se bhare gaddhe me gira diya tha. Bhul gayi kya?
Jeetu ne jaise hi ye kaha to Janhvi hasne lagi. Use yaad aa gaya tha ki kaise un dono ne uske baad ek dusre se jam kar mitti ki holi kheli thi.
Jeetu bhi use dekh hasne laga,
Kuch der baad, dono hi cake side rakh vahi bistar par let gaye. Aur ek dusre ka haath pakad kar baate karne lage. Bittu un dono ke bich lete hua alag hi apne dhun me khud se baate kiya jaa raha tha.
Aaj dono ki ye raat kuch alag thi. Sajavat se khile us room ko dekh Janhvi ne Jeetu se pucha : Ye sab kuch kab kiya tumne?
Jeetu ne Janhvi ke chehre par ungali ferte hue kaha : Tumhare saath hue hadse se pehle hi main tumhe apne dil ki baat batana chaah raha tha. Magar jo socha vo hua hi nahi. Tabhi se ye sab karke rakha tha. Par mauka aaj mila.
Jeetu ki baat sun Janhvi hairaan ho gayi. Kuch der baad use dekhte hue ab vo dheere dheere uske karib aane lagi par bich me Bittu se takra kar ruk gayi. Bittu un dono ko milne nahi de raha tha. To Bittu ko dekh ab dono hi hasne lage.
****************
Idhar, Veer room me aaya. To YN ne usase pucha : Kaha the ab tak? Phone call bhi pick nahi kar rahe the mera!
Oops! This image does not follow our content guidelines. To continue publishing, please remove it or upload a different image.
Veer ne shirt nikaal kar side me fekte hue narmi se kaha : Kuch kaam tha to jaana pada. Aur tum to aise pareshan hoti ho jaise me koi chota bachha hu.
YN ne uske baal bikharte hue kaha : Aap un se bhi gaye gujare ho. Chote bachhe aap se jada samajhdaar hote hai.
Ye kehte hue vo jaane ko hui ki Veer ne uska haath pakad peeche le jaa kar modte hue kaha : Kya kaha?
YN ke muh se ek aah nikali aur usne Veer par halka sa naraz hote hue kaha : Viransh. Kya kar rahe hai. Mujhe dard ho raha hai.
Veer ne uski baat sun uska haath chhod agale hi pal use apni god me uthaate hue kaha : main samajhdaar nahi hu. huh?
YN ne haa me sar hilaaya. To Veer ne YN ko dekhte hue kaha : Hmm.. to tum hi bataao. Kaise samajhdaar banu?
YN ne Veer ke gaal khinchte hue kaha : Ye apni faltu ki zidd chhod kar.
Veer ko YN ki baat sun kar samajhne me der nahi lagi ki vo kis baare me baat karne wali hai. Isliye usne ab use koi mauka diye bagair hi bed par laa kar use bethaate hue kaha : Bas karo biwi. Ab us baare me koi baat nahi hogi. Ye bataao Viha kaha hai?
YN ne muh fulaaye hue kaha : Badi maa ke paas!
Ye sun Veer khushi se uchhal pada. Aur usne jaldi se YN ke dono gaal ko chumte hue kaha : Ye ki na tumne samajhdaaro wali baat.
