Oops! This image does not follow our content guidelines. To continue publishing, please remove it or upload a different image.
Veer, Jeetu aur Jishaan. Teeno dost ghar vapas aaye to aaj teeno ki hi biwiya ek jagah yaani Veer ke ghar par hi thi.
Teeno ki hall me beth apni ek alag khichadi pak rahi thi. Par apne patiyo ko dekh vo ab chup ho gayi.
To Veer ne pucha : Kya hua Bhai. Itna sannaata kyu ho gaya?
To Janhvi ne kaha : Kuch nahi bhaiya. Vo to hum sab saadiyo ki baate kar rahe the.
Ye sun Jeetu ne vahi paas bethte hue kaha : Tumhe in baato ke alawa aur aata bhi kya hai. Ab chalo mujhe bhuk lagi hai.
YN ne uski baat sun kar kaha : Are to bethiye na main abhi khaana lagati hu.
Is par Jeetu ne kaha : Are nahi nahi bhabhi. Aap aaram karo.
To YN ne jhat se kaha : Are..
Veer ne use dekhte hue kaha : Jeetu. Khaa bhi lo. Tumhari bhabhi itne pyaar se jo keh rahi hai.
To YN Veer ko dekh halka sa muskura di. Vo ab Janhvi ke saath kitchen me chali gayi.
Idhar Jeetu aur Jishaan, Viha aur Janav ke saath khelne lage. Vahi Veer vo badi maa aur bade papa ke room ki aur badh gaya.
**************
Raat ke samay,
Veer room me aaya to YN mirror ke samne khadi apne baalo ko suljha rahi thi. Veer ne ek nazar bed par soti Viha par dali. Aur vo ab fir se YN ko dekh muskuraata hua uske paas jaa pohcha.
Usne YN ko peeche se apni baaho me bharte hue behad narmi se kaha : Biwi.
YN muskuraai aur usne dheere se kaha : Ha.
To Veer ne YN ke haath se comb le kar samne dressing table par fekte hue rumani andaz me kaha : I love you so much!
YN ne uski baat sun mirror me use dekhte hue pucha : Hmm. Drink ki hui hai na?
Is par Veer ne apne haatho ko YN ke kandho se le jaa kar uske pet ke paas lapetate hue kaha : Ha. Aaj main bahot khush hu.
YN ne Veer ki taraf mudte hue kaha : Vo to dikh hi raha hai. Aise khush ho rahe hai jaise pehli baar papa ban rahe hai.
Veer ne mohbbat se YN ko dekhte hue kaha : Ha. Dusri baar to ban raha hu na. Aur is baar. Main tumhe promise karta hu ki itna sa bhi aansu ka katra tumhari aankho me nahi aane dunga. Jo maine tumhe Viha ke samay par nahi de paaya vo sab dunga. Aur to aur tumhe itna pyaar dunga ki tum humari sabhi kadvi yaade humesha ke liye bhul jaaogi.
YN ne Veer ki baato ko sun dheere se kaha : Bas.. Viha so rahi hai. Uth jaayegi. Chaliye. Bahot raat ho chuki hai. Aap bhi so jaaiye.
Ye kehte hue YN Veer ke shirt ke buttons kholne lagi to Veer shararat se usko kamar se tham us par jhukne laga.
