💜💜
YN ke samne se hi to teeno ladke vaha se nikal kar chale gaye to YN bhi ab kuch had tak shant ho gayi. Aur usne Veer ka haath pakadte hue kaha : Sorry!
Veer ne gusse me YN ka haath dur jhatakte hue kaha : Sorry se kya.? Aur kab tak is tarah darti rahogi. Khud ko thoda to badlo.
Ye kehte hue Veer ne car start ki ab vo parking se nikal gaye. Veer ka ek baar fir mood kharab ho gaya tha. Vahi Veer ko YN par chilaate dekh Viha rone lagi to Veer ab shant ho gaya.
Vo bhool hi gaya tha ki Viha un dono ke saath hai.
YN ne Viha ko chup karaate hue ab Veer ko taunt karte hue kaha : Chup ho jaao mera baby.
Aaj kal aap ke papa ke mijaaj kuch thik nahi rehte unka dhyaan ab sirf sarpanch banane par hai.
YN ki baat sun Veer ne use ek nazar ghur kar dekha to YN sakpaka gayi aur ab shant ho gayi.
Vahi Veer use abhi bhi YN ki bewkoofi par gussa aa raha tha.
***********
Dusri taraf,
Janhvi ki mummy janhvi se Jeetu ki tarif karte nahi thak rahi thi.
Unhone Janhvi ne Jeetu ki tarif karte hue kaha : Tujhse bahot pyaar karte hai damaad ji. Tere liye ho to banaya hai ye soup.
Janhvi ne apni mummy ki baat sun apne paas rakha soup dekha aur muh fer liya.
Sabko uski aankho me uske liye pyaar dikhta hai.
Khud vo bhi jaanti hai ki Jeetu usase bahot pyaar karta hai. Par naa jaane kehta kyu nahi.
YN ne use bataya tha ki jab usko goli lagi to Jeetu pagal sa hogaya aur rone laga tha. Vo use sabke samne apni god me utha seedhe hospital ke liye bhaaga tha.
Apni mummy ki baate sun Janhvi ne apna soup pi liya to vo ab bartan le kar vaha se chali gayi. Vahi Janhvi ahista se let gayi.
Tabhi Jeetu ab rote hue Bittu ko le aaya aur usne Janhvi se kaha : Thoda sambhaalo ise.
Janhvi ne haa me sar hilaaya to Jeetu uske paas aaya. Aur usne bahot hi dheere se Janhvi ke paas Bittu ko leta diya.
Janhvi ne apni night gown ke upar ke 2 buttons khol ab dheere se Bittu ke sar par haath fer use apne aanchal me chhupa liya. Ki tabhi uski nazar almaari se blanket bahar nikaal rahe Jeetu par padi.
Janhvi ne hairaan ho Jeetu se pucha : Kaha jaa rahe ho?
Is par Jeetu ne blanket nikaal, almaari band karte hue kaha : Kahi nahi. Main bas hall me sone jaa raha hu.
Uski baat sun Janhvi ne jhat se pucha : Kyu?
To Jeetu ne halke se muskuraate hue kaha : Kyu kya to aur kaha jaau? Tumhare paas abhi so nahi sakta. Tumhe chot lag sakti hai. Agar main hila dula to.
Jeetu ki baat sun Janhvi ne turant mana karte hue kaha : Nahi. Mujhe nahi pata. Tum yahi mere paas hi so jaao.
Ye sun Jeetu ne kaha : Par tum samajhti kyu nahi ho..
Janhvi : Achi tarah samajhti hu me. Mujhse dur bhaagne ke bahane chahiye tumhe.
Janhvi ki baat sun Jeetu ne apna sar pakad liya. Aur vahi chair par blanket fekte hue kaha : Acha thik hai. Par agar tumhe chot aayi to main kuch nahi jaanta.
Is par Janhvi ne khush ho apna sar hilaa diya.
Kuch der baad Bittu so gaya tha. To aaj Jeetu ne use Janhvi se dur kar uske cradle me sula diya.
Jeetu ab room ka door lock kar Janhvi ke karib hi bed par aa gaya to Janhvi ne khush ho kar use jaldi se apne chote se haatho se pakad liya.
Usko dekh Jeetu has diya. Aur usne Janhvi se kaha : Jada uchhal kud mat karo. Jakham abhi bhi hara hai.
Janhvi : Mujhe aaj naa roko. Tumhe pata nahi ye ek hafta maine kitna miss kiya tumhe!
Janhvi aaj apne form me thi. Aur Jeetu se aur pyaari baate karne lagi.
Jeetu ne uski baat sun muskuraate hue kaha : Acha. Itna pyaar.
To Janhvi ne ahista se Jeetu ke seene par apna sar rakhte hue kaha : Pyaar to bahot chota sa alfaz hai. Meri to jaan basti hai tum ne. Goli lagi mujhe. To laga. Ab tum dono ko kabhi naa dekh paaungi.
Janhvi ki baat sun aur uski awaz me aaye bhari pan ko mehsus kar Jeetu ne uska chehra apne haath me le upar uthaya to Janhvi ki aankho me numi aa chuki thi.
Janhvi ne Jeetu se ab lagbhag rote hue pucha : Mera jawab to sun liya. Ab tumhari baari. To bolo.
Tum..! Tum nahi karte mujhse pyaar.
Janhvi ki baat sun Jeetu ek baar fir khamosh tha. Usne janhvi ko ek nazar dekh apna muh ferte hue kaha : Kitni baar samjhaau ki main is pyaar vyaar ko nahi maanta. Par ha jo tumse hai vo kisi aur se nahi.
Is par Janhvi ne jaldi se apna sar hilaate hue kaha : Naa. Aaj ye jawab nahi chahiye mujhe. Mujhe aaj har haal me sahi jawab sunana hai. Bolo! pyaar hai ki nahi.
Jeetu ne Janhvi ki baat sun chidhte hue kaha : Janhvi. Kal exam hai tumhara.!
To Janhvi ne jhat se kaha : Ache se jaanti hu. Aage bolo.
Jeetu ne Janhvi ki baat sun uski taraf apna chehra palat kar kaha : To ab ye lo.
Itna keh kar Jeetu ne Janhvi ke hotho ko apne hotho se chhu kar use kiss karna chaha par Janhvi ki to is sab se rulaai futi padi. Aur vo rone lagi.
Jeetu uske aisa karne par ghabra gaya. Vo usase dur hata. Aur usne ghabraate hue pucha : Janhvi, Janhvi.. kya bachpana hai ye.. ro kyu rahi ho?
Is par Janhvi ne rote hue kaha : Mujhe prapose kar rahe hai ya nahi jaldi bataaiye?
Jeetu uski baat sun hairaan ho use dekhne laga.
Ek praposal ke liye vo bachho ki tarah ro rahi thi.
********
To kya lagta hai FAMMY.. is baar Jeetu Janhvi se apna pyaar confess karega yaa nahi?
===============================
