Movie shuru ho chuki thi par Viha ab bhi nahi soyi thi vo andhere me hi Veer ki god me khade ho kar uske chehre to kabhi uske baalo se khel rahi thi.
Vahi YN uska dhyaan ab movie par tha jo ki Veer ko bilkul pasand nahi aaya. Usne ek haath se Viha ko thaame hue ab dusre haath se YN ka haath pakadna chaha magar Viha ki uchhal kud me Veer ne ab use apne dono haatho se pakad liya.
Tabhi YN ka dhyaan Veer par gaya aur usne dheere se kaha : Laaiye. Mujhe dijiye.
To Veer ne jaldi se YN ki god me Viha ko dete hue kaha ; Lo. Aur ab sula do. Bahot khel liya isne.
YN Veer ko dekh hasi. Aur usne Viha ko apni god me betha, apni saree ka pallu thoda hata kar uska sar apne seene se laga use feed karvaa ke sulaane lagi. Dono corner me bethe the Veer ne bhi YN ko ek side se cover kar diya. Par Viha use to aaj jaise sona hi nahi tha. Vo YN ki god me se uth kar ab niche utarne ke liye zidd karne lagi. Vahi Veer vo ab free tha to thoda jhuka aur usne YN ke kandhe par apna sar rakh uske ek haath ko apne dono haatho me pakad liya.
To YN ne Viha se pareshan ho chidhte hue kaha : Kya kar rahe hai.? Seedhe bethiye.
Veer, YN ki awaz sun jhemp kar seedhe beth gaya aur usne hairaani se YN ko dekha.
Par YN Viha me busy thi.
Veer ne apna sar pakad ab badbadaate hue kaha : kaha tha ki ise badi maa ke paas chhod do. par nahi.!
YN ne Veer ki baat suni to Veer ke haath par apne nails chubha diye. Veer ki aah nikalne ko thi par usne khud ko shant kar, YN par naraz hote hue kaha ; Pagal ho gayi ho kya?
YN : To aap apna muh kyu chala rahe hai. Badi maa ko de aati.. matlab bachha humara. Aur idhar udhar chhod de. Kyu kyunki hume romance chahiye.
Idhar YN ko Veer par bhadakte dekh Viha ab shant ho un dono ko tukur tukur dekhne lagi thi
Oops! This image does not follow our content guidelines. To continue publishing, please remove it or upload a different image.
ki jaise hi YN ne uski taraf gusse me dekha ye dekh usne jaldi se apna chehra uske seene me chhupa liya. Shayad vo samajh chuki thi ki agla number uska hi hai. Bhai uski mumma lady boss hai jinke samne uske body builder papa ki nahi chali to vo to nanhi si jaan hai. Uski kya majaal.
Par uski is harkat par ab YN ko hasi aa gayi. Aur use apni baaho me bhar pyaar se uske sar ko chum YN ne Veer se kaha : Apki vajah se meri baby dar gayi.
Veer ne dono maa beti ko dekh chidhte hue kaha : Lo.. ek to khud uske samne chudail ban kar mujh par chadhi jaa rahi ho aur iljaam mujh par laga rahi ho.
YN ne Veer ki baat sun jhat se pucha : Kya bola.. chudail...
Veer ne haa me sar hilaaya aur ab YN se muh fer kar screen par apni nazare gada di.
Idhar Viha ab thak kar dheere dheere shant ho chuki thi. Aur shayad neend ki aagosh me jaane lagi to YN ne bhi pyaar se use thapki dete hue sulaana chaha. Usne ek nazar Veer ko bhi dekha jo ki shayad usase naraz ho gaya tha.
