Rowdy's love story! Book2

Ch. 220 Barabari ki jung

💜💜

Janhvi ko operation ke baad normal ward me shift kar diya tha. Jeetu Bittu ko lekar uske paas aaya to vo abhi behosh thi. Aur kuch ghante anesthesia ki vajah se behosh hi rehne wali thi. Use is tarah se dekh Jeetu ki aankho me aansu chhalak aaye. Vahi Bittu vo to jaise mehsus kar chuka tha ki vo apni maa ke paas hai. To bas awaz karne laga.

Jeetu ne Janhvi ko dekhte hue kaha : Jaan. Jaldi utho. Dekho Bittu ki kya halat ho gayi hai..

Asal me vo keh hi nahi paa raha tha ki, dekho tumhe is tarah dekh meri kya halat ho gayi hai.
Kitna dar gaya tha vo Janhvi ko khoon se lathpath dekh. Agar use kuch ho jaata to... Vo kya karta.

Apne aansu poch usne apne ek haath se Janhvi ke sar ko sehlaate hue kaha : Tumhari is halat ke liye main us Raghuvendra ke pille ko vo saza dunga ki vo dusra janam lene se pehle 100 baar sochega.

Ye kehte hue Jeetu ne ek baar fir Janhvi ka sar sehlaaya.

Idhar bahar Janhvi ki mummy ke aane par Veer ne YN aur Viha ko bade papa ke saath ghar bhej diya.

Tabhi Jeetu bahar nikal kar aaya aur usne Bittu ko Janhvi ke mummy ko de kar Janhvi ke bhai Mahender se kaha : Bhai sahab khayal rakhiyega apni behan ka. Abhi aate hai hum.

Is par Mahender ne apne haath jod jaldi se sar hilaaya.

Vahi Jeetu ne Veer ko ishara kiya to Veer ne use bahar chalne ka ishara kiya. Dono hospital se bahar nikal kar car me jaa bethe. Veer ne car start ki aur vo dono vaha se nikal gaye.

*************

Lagbhag aadhe ghante baad, Veer ki car uske godown par aa kar ruki. To Jeetu ab bina deri ke car se nikal gaya. Aur godown ke andar aaya. To dekha Raghuvendra aur Madhav ko vaha unke aadmiyo ne pillar se baandh kar khada kiya hua tha.

Veer ne andar aate hi apne aadmiyo se kaha : Tum sab ab jaa sakte ho.