အကြိုနေ့နံနက် ပိတောက်မောင်တို့ နိုးလာကြတော့
" နိုးကြပြီးလား... ဒါနဲ့ မောင်ပိတောက်မောင် ကူဆွဲ့ရော ဘယ်မှာလဲ "
စိုင်းယံ၏ အဘွားဖြစ်သူ မေးသည်ကို ပိတောက်မောင် မျက်လုံးဝိုင်းဝိုင်းလေးက မျက်တောင်ပုတ်ခတ်ပုတ်ခတ်လေးဖြင့် တုံ့ပြန်မိသည်။ သူနိုးလာတော့ အဲ့ဒီလူမှ မရှိပါပဲ။
" သားနိုးတော့ သူမရှိဘူး "
" ဒီကောင်လေး အစောကြီးကို ဘယ်သွားတာလဲ "
အဘွားက သူမေးချင်တာမေးပြီး ထွက်သွားသည်။
" မနက်ဖြန်ကျရင် အင်းလေးရေပေါ်သင်္ကြန်ကို သွားမှာ... စောစောထကြ ကြားလား "
" Yes! "
" လာ မနက်စာ သွားစားကြမယ်... ငါတို့ရှမ်းစာတွေက အရမ်းကောင်းတာ... နောက်ပြီး ဒီနေ့က အကြိုနေ့ဆိုတော့ ငါတို့ ရှမ်းသင်္ကြန်မှာဆိုရင် နှစ်သစ်ကူးပန်းခူးထွက်ရတယ်... ပန်းကို ဘုရားလှူချင်လှူ၊ ဒါမှမဟုတ် ကိုယ်ကြိုက်တဲ့ မိန်းကလေးကို ပေးချင်ပေးပေါ့.. "
" ဘယ်သူ့ကို ပန်းခူးခိုင်းနေတာလဲ "
စိုင်းကူဆွဲ့ ရောက်လာသည်။ လက်ထဲတွင်လည်း ပန်းတွေပိုက်လာသည်။ ဘာပန်းတွေလဲတော့ ပိတောက်မောင်မသိ။
" ကိုစိုင်း... ပန်းခူးထွက်တာလား "
စိုင်းယံက မတွေ့ဖူး မကြုံဖူးသလို အံ့ဩတကြီးနဲ့ မေးသည်။ သူ့ကြည့်ရတာ အတော်ပင် အံ့ဩဘနန်းဖြစ်နေပုံရသည်။
" ဟုတ်တယ်လေ... ဟိုမှာလူတွေတောင် များနေပြီ.. မင်းတို့က နောက်တောင်ကျနေပြီ... သွားခူးမနေနဲ့တော့ "
" မောက်ကူဆွဲ့ပန်းတွေ ခူးလာတာလား... အခုလေ! အကြိုနေ့ ပန်းထွက်ခူးတယ်ပေါ့ "
စိုင်းယံ၏ ထူးခြားဆန်းပြား မယုံကြည်နိုင်ဖြစ်နေပုံကို ပိတောက်မောင်တို့သုံးယောက် နားမလည်စွာကြည့်နေသည်။ ဘာတွေများ သည်လောက်အံ့ဩစရာကောင်းလို့လဲ။
" အရင်နှစ်တွေက ပန်းခူးမထွက်ဘူး မဟုတ်လား "
" ဒီနှစ် ခူးချင်လို့ပေါ့ကွာ "
YOU ARE READING
Fall In Love During THINGYAN ( Completed )
Short Storyသင်္ကြန်မှာ အတွဲလေးသုံးတွဲရဲ့ အချစ်ဇာတ်လမ်းလေး သုံးပုဒ်။ Normal, GL, BL သုံးမျိုးလုံးပါတယ်နော်။ သၾကၤန္မွာ အတြဲေလးသုံးတြဲရဲ႕ အခ်စ္ဇာတ္လမ္းေလး သုံးပုဒ္။ Normal, GL, BL သုံးမ်ိဳးလုံးပါတယ္ေနာ္။
