Unicode
"အဖေကြီး ရှင့် လက်စွပ်ကရှင်သိမ်းထားတာနော်"
"ဟုတ်တယ် ဗီရိုထဲမှာ"
"အဲ့တာပဲဝတ်မှာဆို ဒါကိုထုတ်မထားတော့ဘူး"
"အေး အေး"
"ဒီမယ် တိုက်ပုံရောထုတ်ထားခဲ့တယ်နော် ပုဆိုးနဲ့ရှပ်ကိုလည်းအတူတူတွဲထားတယ်"
"ငါ့ဟာငါသိပါတယ် မင်းတို့သားအမိတွေအတွက်သာလုပ်စမ်းပါ မနက်အစောကြီးထသွားရမှာ... ပြီးမှဟိုကျန်ဒီကျန် ကျန်နေခဲ့မယ်"
"ပြီးတာပဲ လုပ်မပေးရတော့ကျုပ်တောင်သက်သာသေး"
အခန်းပေါက်မှာရပ်နေရင်း ဖေဖေနဲ့မေမေစကားပြောလို့ပြီးတဲ့ထိစောင့်နေပေမယ့် အထဲကပြောတဲ့စကားသံတွေတိတ်သွားတဲ့ထိဝင်ဖို့မရဲသေးတာနဲ့ ပြန်လှည့်လာကာ ဧည့်ခန်းကထိုင်ခုံမှာဝင်ထိုင်လိုက်သည်။
"ကဲ!! ကြောက်နေလို့မပြီးဘူး...ခုမပြောလို့လည်းရမှမရတာ နက်ဖန်ဆိုရင်ကိုရောက်နေပြီ .... fighting ရှား fighting"
လက်သီးဆုပ်လေးထောင်ကာ ကိုယ့်ကိုယ်ကိုယ်အားပေးလိုက်ရင်း ထိုင်ရာမှထ၍ မေမေတို့အခန်းဆီထပ်သွားလိုက်ပေမယ့် အခန်းရှေ့မရောက်ခင် တစ်ခါပြန်တပ်ခေါက်လာခဲ့မိပြန်သည်။
"မေမေကလည်း ဘာလို့ဒီနေ့မှအပြင်ထွက်မလာတာလည်းမသိဘူး... ဘာတွေထုတ်နေလို့အဲ့လောက်ကြာနေတာလဲ"
ကိုယ့်ဘာသာကြောက်လို့မဝင်ရဲတာကို မေမေ့အပြစ်လွှဲချလိုက်ရင်း ဂနာမငြိမ်တဲ့စိတ်တွေနဲ့လက်သည်းကိုကိုက်ကာ နံရံမှာကပ်ထားတဲ့တိုင်ကပ်နာရီကိုတစ်ချက်ကြည့်လိုက်သည်။
၁၀နာရီတောင်ထိုးနေပြီလား....။
မဖြစ်သေး...ဒီတိုင်းဆို ရှားဖုန်းကိုစောင့်နေတဲ့ ရိုးရာလည်း နေမထိထိုင်မသာဖြစ်နေလောက်ပြီ။"ကဲ ဒီတစ်ခါတကယ်ပြောပြီကွာ... ဖေဖေရှိရှိမရှိရှိ"
........
"အဖေကြီး ဆေးသောက်ပြီးပြီလား"
"အေး ဟုတ်သား မသောက်ရသေးဘူး မေ့နေတာ"
"ဒါပဲ... နေရာတကာလိုက်ပြောတော့လည်းပြောတယ်ဖြစ်ရတယ်.... မပြောရင်လည်းဟိုမေ့ဒီမေ့နဲ့"
YOU ARE READING
ကမ္ဘာမြေအဆုံးထိ
Romanceအချိန်တွေအကြာကြီးအတူကုန်ဆုံးကြတဲ့အခါရန်ဖြစ်တဲ့ရက်တွေလည်းရှိမယ် ကြည့်မရတဲ့မမြင်ချင်တဲ့ရက်တွေလည်းရှိတယ်.... အဲ့လိုနေ့တွေရောက်လာခဲ့ရင်တောင် မပြောင်းလဲတဲ့အချစ်တွေနဲ့ချစ်နေပါမယ်.... အခ်ိန္ေတြအၾကာႀကီးအတူကုန္ဆုံးၾကတဲ့အခါရန္ျဖစ္တဲ့ရက္ေတြလည္းရွိမယ္ ၾကည့္မရတဲ...