Cindereluh And The Alien Hunks

CHAPTER EIGHT

Dear diary, 

Mas nisamot ka maldita ang mga kontrabida nako. Natural, kontrabida gani, 'di ba? Hayst, kung kinsa pa tong mga daginuton og hitsura, mao pa to'y maghilas-hilas og minaldita. Asa'ng hustisya diary oi? Pasabta kuno ko bi.

Yawa! Dobleng-pasakit ang ilang gihatag nako tungod kay gitubag-tubag nako sila. But well, gipasagdan na lang nako. Naanad naman sad ko ana ilang kasalbahis. Anyway, kahibaw man sad kong insecure lang jud sila sa akong ka-gwapa.

Kung mangutana ka, diary, kung asa na si fairygod alien, ambot og asa na siya gibutang sa Ginoo. Missing-in-action ang ferson, este, ang alien. Ambot og asa na kaha to s'ya nilupas. Hasta ang gisakyan niyang spaceship nga naka-parking sa among luyo kay nikalit lang og kahanaw. Wa man lang nibayad og parking fee. Pabaga pa more.

Akong conclusion, ni-uli na siguro sa ilang planeta. Basin naa'y ni-text og emergency maong wa na s'ya kahuwat nga mobalik ko. Ay wait, naa'y cellphone sa ilang planeta? Ah, kiber oi. Maypa'g atimanon ko ni akong pag skwela kaysa mag-huna-huna niya. Mag-focus ko, diary, focus! Education is the key to success!

"Dapat jud ta mangadto ana ha! Wa baya ta kadayon sa party ni Prince. Diri ta mobawi," ana si Aurorah. Naa mi sa library pero saba kaayong animal, mura'g nakatulon og microphone. 

"O oi, syempre! Free admission ra bitaw na!" Dali pud kaayo naka-second the motion si Arieluh.

"Unsa man na ba?"

"Concert sa The Drained." 

Usa ka sikat nga banda sa eskwelahan namo ang ilang gihisgutan. Mura'g naa bitaw ko'y nabantayang mga ads nga gipapilit sa bulletin board about ana ilang band concert. If I'm not mistaken (pak! English!) ugma na s'ya sa gabii i-held, didto mismo sa oval. Saturday night na, ting-warak sa mga estudyante. 'Di na lang ko mahibong kung magbaha ang tawo ana.

Sikat kaayo ang The Drained gud. Pero, diary, ayaw nalang ko'g pangutan-a kung nganong mao na ilang band name. Basin gipang-yopak na pud na sila's ilang life. Same, guys, same. Chos! Pero one thing's for sure: haskang lamia sa band members! Dios mio, diary, matangkas ang hook sa akong bra nila. Chariiiz! Pero syempre, number one jud si Prince sa akong heart. O, pak! Sino ka d'yan?!

"Hoy Cindereluh, uban, siszt ha!" ana si Arieluh.

"Nah, 'di pa ko sure ana, 'day."

"Ka-arte oi! Mura'g gwapa! Puti ka, siszt?"

"O, kagwapa ra gani ang gistoryahan, naabot na sad sa color. Personalay nanang imo ha!"

"Charot! Basta, kuyog ta oi! Ayaw sige'g inarte kay 'di ka artistang animala ka!"

Diary, kahibaw na jud ka nga wala ko'y hilig anang night life. Ambot lang, 'di man sad sa ingon nga old-fashioned ko nga pagka-babaye. 'Wa sad ko nagpaka-Maria Clara kay pang-SPG man ni akong ka-daring. 'Di lang jud ko hilig og party.

Anyway, balik ta's akong ka-igat og ka-delulu. Sige japon ko'g hinuktok, diary, kay sige ko'g huna-huna sa mga nahitabo sa party ni Prince. Gisayangan ko sa chance nga magka-development among lovestory.

Pero ang mas gihuna-huna nako kay kung asa na si fairygod alien. Namiya lang og kalit ang anak sa debil. Wa ko na-inform nga uso pud diay ang ghosting sa mga parehas nilang taga-laing planeta. Pero sige na lang. At least iya kong gitabangan, 'di ba? 

Naglakaw nako ato gawas sa eskwelahan padung uli, when suddenly, naa'y niaging awto sa akong kilid. Susmaryusep, diary! Hapit ko maligsan. Maayo gani kay nakalikay dayon ko. Syempre, action star baya ko, paspas jud ko'g moves. Pero syempre, tao lang ako kahit 'di halata, nakuratan sad ko's nahitabo. Tungod ana, nabuhian nako akong gidalang mga libro. Nanga-shoot sa kalapokan. Hinampak! Mas baga pa to's akong nawng mga libroha. And yes, pwerting mahala ato nila. Libu-libo to, diary.