Cindereluh And The Alien Hunks

CHAPTER FORTY NINE

Dear diary,

Dili maayo ang mangutang labi na kung wala ka kahibaw kung asa ka mokuha og ikabayad. Pero kung desperada na jud kaayo ka, maahat jud ka. Og mao na akong case ron. Wa ko'y laing choice kundi ang mangutang ni Prince. Wa ra man sad ko naglisod kay gipa-utang man ko niya dayon. Sobra jud to siya ka-in love nako, haba akong hair.

So, here I am, nag-linya gawas sa venue sa concert nilang Trent. Grabe kadaghan ang mga taw. In fairness nila, grabe na sila ka sikat. Di ka magtuo nga normal ra sila nga banda sa campus kay ang linya sa mga manan-aw sa ilang concert, mura'g concert jud sa mga sikat nga artists. Kanya-kanya og pakulo ang mga taw. Bisan unsa ra'y sanina. Napa'y mga light sticks og posters. Ako intawn, nagdala ra'g cartolina nga naa'y nakasuwat nga "SAVE MY OVARIES, TRENT!" Kiber na kung SPG kaayo basta mapansin lang ko niya.

"Bigaon lagi nang negraha, 'no?" Kadungog ko nga sulti sa usa ka babaye sa linya nga nagtan-aw nako.

"Mao jud. Save my ovaries daw? Pwe. Sinultihan diay na'g tarong nga babaye?" ana pud to iyang kauban.

Wa na lang nako sila gipatulan. Shut up na lang ko aron wala'y gubot. Ngano jud kahang manghilabot, 'no? Kanya-kanya man ta'g trip sa kinabuhi mao nang di magbuot.

Siguro duha ka oras sad ming nagpaabot ngadto's gawas before ming gipasulod. Nagdinaganay pa gani mi kay free seating ra man. So, kihanglan abtik jud aron makakuha'g nindot nga pwesto. In my case, di lang basta nindot nga pwesto akong gipangita. Gusto ko'g kanang duol jud kaayo's tanan nga ultimo pagtulo sa ilang singot, maklaro nako.

Luckily, nakapwesto jud ko's pinakaatubangan. Nakauban nako ang usa ka fans club nga nanobrahan kaadik, mura na'g kulto ang level. Jusmio nga bat-ana! Kahibaw ba kaha'ng mga ginikanan sa kaboang ani nila? Kaloka!

"Te? Te?" tawag sa usa ka babaye nako nga obvious kaayong menor de edad pa.

"Unsa man geng?" ana pud ko in a very nice tone. Syempre, dapat role model ta's mga kabatan-unan. Charot.

"Unsa'y lotion nimo te?"

Nangatawa iyang mga kauban. Wa ko kasabot og ngano kay wala ma'y kataw-anan.

"Ngano man unta, geng? Mangayo ka'g recommendation nako sa lotion?"

"Di te oi. Mangutana ra ko'g unsa'y imong lotion para di namo gamiton."

Mas nisamot sila'g pangatawa. Kusog na kaayo. Lipay kaayo ang mga hinampak sa ilang pagpaka-uwaw nako. I rolled my eyes. Patience, Cinderelax. Patience. Dili pwedeng basta-basta na lang kang mopatol sa mga pabebe girls kay mas maguwang ka ani nila og mas naa ka'y buot.

Maayo na lang gani kay ni-dim ang lights before pa kong ma-tempt nga panglaruton ilang mga buhok. Magsugod na ang concert, so, kiber na sa mga bashers.

Wilid kaayo ang crowd sa opening pa lang. Lively ang song nga ilang gi-perform. Wa ko'y idea unsa'y title ato tungod kay wa jud ko'y alam anang mga banda-banda ngara. Igat-igat ra jud tawn ni akong nahibaw-an. Pero ayaw pagsaba ana diary ha. Ulaw kaayo og mahibaw-an nila nga medyo igat ko. Di ra man sad kaayo tanto gud.

Daghan pa sila'g gi-perform nga mga kanta. Ang audience mura'g di mahutdan og energy. Shagit, pakpak, ambak og unsa pa na ngara. Pinaka-pasabog kay naa'y naglabay og bra sa stage. Gubot kaayo ang mga taw gud.

"You're naughty, huh?" ana si Trent nga mao'y naka-catch sa bra. He winked at the audience. Shet, abi nako'g makuyapan nako's iyang gibuhat. DMD.

"Trent, marry me!"

"Bisa'g one-night stand lang!"

"Buntisi ko! I need your genes!"

Grabe. Di ko makatuo sa ka-igat ani nila. Mao na'y saktong binuhatan sa usa ka babaye? Asa naman intawn ang mga Dalagang Pilipina rong panahona oi? Char, nagsalita ang hindi igat diary, 'no? Pero bisan na. Ako ra'y pwedeng mag-inigat kay ako'y bida aning storyaha. Unhan pa ko nilang Trent nga akoa man ng leading man. Extra ra silang tanan.

"Guys, before we proceed to our next song, ato ng buhaton ang pinaka-exciting nga part sa concert. The raffle draw."

Mas nisamot og kasaba ang crowd. Syempre, kaming tanan nga naa sa concert kay hopeful nga among pangalan ang mabunutan. Jusko, dapat lang nga ako ang mabunutan, 'no. Nangutang baya ko'g ten thousand ni Prince para lang ani. Kung di ako ang mabunutan, unsaon na lang? All or nothing ni, diary.

Naa'y gidala ang usa ka staff nga fish bowl sa stage. Naa'y mga naka-roll nga papel sa sulod sa bowl. Nikuot si Trent ngadto while naa'y drum rolls. Kulba-kulba my heart na kaayo, diary. Nakuha na niya ang papel og gihinay-hinay niya'g abli.

Pero wap-a gani na-reveal kung kinsa ang winner kay nagkagubot na. Naa'y something nga nibuto maong nag-shinagitay ang mga tawo. Na-rattle na sad ko sa nahitabo. Na-pawng ang suga og nikalit og kabuslot ang kisame. Gikan ngadto kay naa'y ninaog nga lalaki og babaye nga naglutaw.

Shit. Si Tah Ler og Raphael!

"Buhi pa diay na ang mga hinampak?" nakaana ko's akong kaugalingon.

Namugnaw ko sa kahadlok. Kahibaw ko nga naa sila'y bati nga plano. Mga kontrabida baya. Gibayran sila para himuong miserable among kinabuhi. Pero di pwede nga magpalupig na lang kay ako baya ang bida aning storyha. Ako ganing pangalan ang naa sa title, remember?

"Hi, guys! Missed us?" ana si Tah Ler katong nakanaog na sila sa stage.

"Tah Ler? What are you doing here?" ana si Trent.

"We have an unfinished business. Wap-a nahuman atong fight scene. Wa pa ka namo napatay," ana si Raphael while naka-smirk.

"Buhi pa jud diay mong duha?" ana si Dylan.

"Ataya, gahia gud ninyo," Hendrix added.

"Mangamatay na lang unta mo oi para wa na lang mo'y labot sa budget," ana pud si Spike nga iritado na.

"Kami, mangamatay? Kamo lang. Og ayaw mo kabalaka, kay karon nana namo buhaton. Mamatay namo karong gabhiona. Dapat gani hagbay ra ni, daghan lang jud pakialamera. But tonight, we're going to be successful," ana si Raphael, hambogero kaayo'g tingog. Mura jud og si kinsa ang minatay oi. Feeling gwapo! Aw, hinuon, gwapo man sad siya. Pero bisan na.

Before pa silang magkagubot, nakisuksok nako sa audience og naningkamot nga maka-saka sa stage. Daghan nireklamo sa akong pag-insert pero kiber nilang tanan. Way hadlok-hadlok nga nisaka ko sa stage.

"Cinderelax!" Tah Ler exclaimed. "You're here!"

"Ay, di, di, di ni ako."

"Di man gud halata. Labi na kay nanga-off baya ang suga. Unya imong skin, ni-adapt pud sa ka-ngitngit sa palibot."

"Ay, hard ha!"

"I'm glad to see you again. What a pleasant surprise!"

"Plastik."

"Of course not. I'm really happy that you're here. Aron kausahon na lang ta mo'g patay ni Trent, aron mas tipid sa effort."

Nahibong na lang ko nga naglutaw nako sa hangin while naa'y mura'g kusog nga force ang nituok nako sa akong liog. Shet, naglisod ko'g ginhawa. Nooo!

In danger (again),

Cinderelax :-(