Cindereluh And The Alien Hunks

CHAPTER TEN

Dear diary,

Trent Fuentabella's identity is still a mystery to me.

Pak! English jud dayon akong pambungad noh? Uh-huh! Ni-level up nako, diary. Don't touch me. Charot! Balik ta's Bisaya bi kay ni-aksyon nako'g nosebleed. Anyway, nganong kaila si Trent nako? Nganong daghan kaayo s'yanh nahibaw-ang information about me? 'Di man sad daw s'ya stalker. So, unsa man diay s'ya? Tao? Bagay? Hayop? One word? Two words?

Wala pa nako dawata ang job offer niya for me. Ana ko, huna-hunaan 'sah nako. 'Wa ko nag-inarte og 'di sad ko choosy. 'Wa pa lang jud ko'y salig niya, maong 'di pwedeng basta na lang mo-grab sa iyang offer nga too-good-to-be-true.

"Wooh!" shagit ni Aurorah pag-abot namo sa open field para sa band concert sa The Drained.

"Excitiiiing!" ana pud si Arieluh nga naglayat-layat na's kalipay.

Mura jud og gipang-silihan ang lubot sa akong mga beshy oi. Pero sige na lang, support ta's kalipay nila, diary.

Daghan kaayong tawo. As in, huot much na ang world. Wala pa nagsugod, pero heavy na'g shagit ang mga igat sa palibot. Excited na kaayo nga mogawas ang banda.

"Hoy, kahilom ba nimo dira. KJ, ha! Naa ka'y pinagdadaanan, siszt?" ana si Arieluh nako. 

"W-wala oi." 

Aside from the fact nga 'di jud nako feel ang nightlife, mas busy ko'g pangita kung asa si Prince dapit. Nag-hope ko nga naa s'ya para  magka-storya ming duha. Ako s'ya ingnon nga ako 'tong babaeng nakauban niya sa iyang birthday party og nidagan pag-alas dose. I know it would be hard for him to believe me, pero if i-explain lang nako'g bonggang-bongga, motuo ra jud na s'ya eventually. Ako pa ba? Best in Explanation baya ko.

Positive ko, diary, nga parehas mi'g na-feel. Na-crush pud s'ya nako. 'Di ko feeler diary ha, just stating the obvious lang. Yawa! Nakahinumdom na pud ko's giingon ni Trent nga delulu daw ko. Excuse me? Delulu diay na'ng aware ka's imong self nga gwapa ka? Duh, whatever.

Few minutes later, nakig-dinutdotay nami sa daghang mga tawo. Naningkamot mi nga makaabot sa pinaka-atubangan. Jusko, diary, nag-abot na akong singot.

"Ka daghan ba'g bahong ilok oi!" reklamo ni Auroruh.

"Korek, siszt! Hoy, kamo ba, pang-tawas pud mo before mo-attend og concert oi! Nalipong nami's inyong baho!" ni-shagit si Arieluh.

"Saba mo dira oi, sige mo'g reklamo, basin kamo jud diay ang nanimaho," ana ko while nagkatawa.

"Basher man ka dzaee!"

Finally, nakaabot na jud mi's pinaka-atubangan. Duol na kaayo mi's stage. Naa nami dapit sa may barikada. Grabe, wild kaayong mga ferson diring dapita, diary!

"Good evening!" Nisaka ang host sa stage. "I know you guys are very excited for The Drained. Pero before that, we would like to introduce a new band. Sila atong guest performer tonight. Ladies & gentlemen, please welcome... Exhaustion!" 

Ni-dim ang lights og nisaka sa stage ang upat ka lalaki. Naa'y mga lights nga ni-flicker with matching smoke effects. Palina ang peg?!

Pero, diary, unsa'y trip sa mga banda diri's among school oi? Naa'y The Drained, nya karon, Exhaustion na pud? Pagod na pagod na ba sa buhay ang all? Ha-ha-ha! I feel you, guys. Same here, same!

Ni-pwesto na ang Exhaustion atubangan sa mga instruments na ilang i-play. Then ni-focus ang spotlight nila.

Holy shit!

Nag-shinagitay ang audience, makabungol, diary. Can't blame them, though. Kay kung gwapo ang The Drained, mas gwapo ang members sa Exhaustion. As in, labaw sila og mga 10 points. Kana ganing kung sa tubig pa, nag-awas-awas ilang sex appeal. Makaboang! And no, wala ko nag-exaggerate, diary. Kung makakita pa lang ka nila, you'd understand me.