Cindereluh And The Alien Hunks

CHAPTER TWENTY SIX

Dear diary,

I closed my eyes and then nag-ampo'g lima ka Our Father og napulo ka Hail Mary. Dili ko pwedeng magpadala sa akong kahadlok, diary. Prayer is my strongest weapon against evil forces.

"Cindereluh, naunsa man ka?" Dylan asked, mura'g wala kasabot kung nganong ing-ato akong reaction.

"Feeling ninyo kusgan na kaayo mo. Pero mas kusgan ang Ginoo ninyo. Dili mo kalupig Niya. Maong palayo mo nako, mga ungo!"

"Gwapo ra kaayo mi para mahimong ungo oy!" Nakatawa si Spike.

"Cindereluh, calm down," Trent said.

"Calm down?! Naa ko'y kaubang mga ungo, unya gusto ninyong mokalma ko?!"

"Dilli mi ungo, okay?"

Nikalma ko gamay, diary. Gamay ra, ha. Gibuka nako akong mata pero nagpalayo japon ko nila.

"Kung 'di mo ungo, unsa mo? Engkanto?"

"You need to calm down if you want us to explain everything."

"O-okay."

"Let's talk over a cup of coffee."

"Huh? Nganong mangape pa man jud oi? Nerbyuson ra ko'g samot."

Pero niuna na'g gawas si Trent sa kwarto. No choice, nisunod na lang ko.

Didto mi nagpundok sa may sala. Naa na'y kape para namong lima nga gitimpla ni Dylan. 'Matic man oi.

"Okay, start explaining," I demanded.

They exchanged glances. Nagtinukmoray pa kung kinsa'y mo-istorya'g una. Si Trent ra ang kalmado nilang upat.

"Trent, explain. Since ikaw ra'y mura'g dili amaw ninyong upat," ana ko.

"Oy, grabe ka! Amaw jud?" Ni-reklamo si Hendrix.

"Kay 'di diay?"

"W-well... At least, gwapo."

"And hot," Dylan added.

"And smart," ni-hirit pa jud si Spike.

"Shut up," seryosong badlong ni Trent. "Okay, we'll tell you everything."

"Every detail, okay? Walang labis, walang kulang. Please."

"But you have to prepare yourself."

"H-huh?"

"This is going to shock you. Big time."

Nipaspas akong heartbeat. Ganina,  excited kong makahibaw sa tanan. Karon, 'di nako sure.

"Inom 'sah og kape oh," suggestion ni Spike pero gidakol syang Hendrix.

"Amaw! Gusto kang nerbyoson s'ya?"

"Aw, o diay. Unya na lang na inoma imong kape, Cindereluh"

"Diretsoa ko ninyo bi. Sultihi na lang ko dayon para mahuman na ta. Daghan kaayong commercial."

"Okay."

Nibarog si Trent.

"O, nganong nibarog ka?"

"Tan-aw og tarong ha. Ayaw'g pamilok."

"H-huh?"

Wala ko kasabot niya, diary. Pero sige, go!

He lifted his right hand og iyang gitudlo ang flower vase. Seryoso kaayo siya tan-awn. Concentrate kaayo. Diyos ko, nisiga akong mata sa akong sunod nga nakita. Nilutaw ang vase! Ang iyang movement kay nag-agad pud sa movement sa kamot ni Trent!

"Maybe you're thinking nga superpowers ni. But the truth is, normal na ni namo."

"Normal?!"

"Yeah, we were born with this kind of ability. Tanang tawo sa among lugar, makabuhat og mga ing-aning butang. So we never considered ourselves as powerful."

"Asa man diay na inyong lugar? Mo-adto ko bi para magka-special powers sad ko. Asa na? Sa North? South? Luzon, Visayas or Mindanao?"

"None of the above."

"Abroad? Asa man, sa US? Japan? Korea? Sultihi ko."

"Not in this planet."

Nahunong ko, diary.

Loading... Buffering...

"U-unsa?"

"We're not humans."

"Unsa man diay mo, unggoy?"

"Ouch! Ka-gwapo's imong unggoy ha," reak ni Spike.

"Cindereluh, this planet is not our home. We're just here for a mission... And to save you."

"Are you saying nga..."

"Yes." Niginhawa' og lawm si Trent. "We're aliens."

Didto ko nanggahi, diary. Mura'g nituyok og sobra ka-paspas akong world. Gi-unsa ni pagka-posibleng mga butanga? Fantasy na kaayo. Reality pa ni? Or basin nagdamgo ra ko? Joke time ni?

"S-so, kauban mong fairygod father..."

"No, we just came from the same universe. Pero lahi mi'g planeta. Mga selfish ang mga tawo sa ilang planeta. They don't believe in the existence of God. That's why they want to own your universe. Of course, including your planet. Mao nang naa mi diri... To help you."

Gitutokan nako silang upat. Mao ni mga alien? Pakshet! Wala man mo mag-saba diary nga ingon-ani diay ka gwapo og ka hot ang mga alien. Dili man diay mura'g si Kokey ang fez ani nila.

"Nganong sa kadaghang tawo sa Earth, ako man ilang gi-tripan?"

"Ang imong lola..."

"O, ayaw ninyo'g damay-damaya akong lola ha. Hagbay ra tong ni-check in sa dakong kuros. Kalagon jud mo ato."

"She fell in love with the king from Raphael's planet. And believe it or not, she became the king's mistress."

"U-unsa?!"

No Other Woman: Alien Version ang peg sa akong lola?

"Mao nang ikaw ang gustong ipakuha sa ilang reyna... For revenge. She's going to make you a slave in their planet forever. And when she's done with you, patyon ka niya."

Nanlimbawt akong balahibo sa akong nahibaw-an, diary. Diyos ko!

"That's why kihanglan natong makuha ang panty kay mao to ang source sa ilang strength og power."

Labad sa ulo.

Dili japon ko katuo nga alien ning mga naa's akong atubangan. Wala pa ni-sink in tanan sa akong utok. Information overload.

Wala nako kahibaw unsa'y buhaton, diary.

Tabang!

Naglibog,

Cindereluh