Cindereluh And The Alien Hunks

CHAPTER TWENTY NINE

Dear diary, 

"Ladies and gentlemen, The Exhaustion!" 

And because medyo famous na jud ni silang Trent, ni-request ang mga tawo nga mo-perform sila. Okay ra man pud sa banda nga nag-gig, kay mura'g  ganahan sad sila makadungog sa performance. Pero ana sila Trent nga two songs ra ilang i-perform kay they're here to party, not to work. Char! Sana all, famous.

Excited kong makadungog nila'g balik. Pero napuno jud ko'g nega vibes. Kay ngano man, diary? Diri sa table namo nilingkod si Allaine. Nagapil-apil ang animal bisa'g way labot sa budget. 

"Gwapo kaayo's Trent, no?" ana s'ya nako. 

"Hmm? Sakto lang."

Pero syempre, bakak ra to. Si Trent? Pwerting gwapoha oi! Makabugto og bra! Pero secret na lang na nako.

"Seriously? That's an understatement."

OA pud kaayo ni's Allaine diary, 'sah? May'ng ihandos. 

"If you say so," ana na lang ko.

"Don't you like him?" 

"Huh?" 

"Trent. I mean, he's super hot and handsome. Close pa jud kaayo mo. Sa sige ninyo'g kuyog, never kang na-attract niya?" 

Na-in love naman gani ko, 'day. Kaso lang, niabot man ka's eksena! Asa naman lang ko i-put ani?! 

"Never, friends ra jud mi." 

Plastik kaayo ko diary, 'no? Ha-ha! 

"Good. At least, di ta mag-ilog. Because I really like him. Very much." 

Lami kaayong kumuton iyang nawng oi. Nagpugong ra jud ko's akong self.

"Good for you." 

"Good evening!" Pag-greet ni Trent sa audience. The girls screamed. "Our first song is a rendetion Night Changes by One Direction."

Gikilig ko pagkadungog nako sa tingog ni Trent. Manly kaayo, diary. Kanang maka-awweee na lang jud ko ba. Si Allaine kay mas obvious ang pagkakilig. Nag-heart-heart ang mata sa igat. Feeling kaayo oi, mura'g siya'y bida aning istoryaha, cast ra baya. Pwe! Ako'y lead star dzaee! Pagpuyo dira! 

Ang second nga gikanta nila kay rock song. As expected, 'wa ko kahibaw og unsa to. Unsa may alam nako anang rock song tawn oi. Pero wild kaayo ang mga tawo. Nag-shinagitay, headbang, namarog og nag-inambakay. Nag-uyog gud ang venue sa ka-kiat nila. So, naki-join na lang pud ko para 'di ingnon nga KJ. 

After sa ilang song kay nibalik na sila sa among table. 

"Woooh! That was amazing! Gimingaw na sad ko'g patukar 'dah!" ana si Hendrix then niinom og beer. 

"Yeah. Best birthday ever!" ana pud si Spike og nag-high five sila. 

"Mas hot pa jud ka tan-awn basta mag-perform Trent," ana si Allaine. "You looked so sexy! My gosh!"

"T-thanks." Obvious nga gi-awkwardan si Trent kay niduko ra s'ya.

"Nag-imagine na gud ko kung pila kabuok babies atong mahimo." 

Unsa daw? Babies?! Pugngi ko, diary. Opawan ko ning bayhana ora mismo. Igat kaayo! Niginhawa na lang ko'g lawm, or else, basin mahimo kong dinosaur sa atubangan nilang tanan.

True to their words, wala ko nila paimna og maayo para 'di ko mag-hangover. Every after duha ka tuyok akong shot. 'Wa jud na nipalya kay gibantayan sa akong tupad nga si Dylan ang every shot nako. 

"Mag-hard drinks na ta?"

Around 9:30 PM, pila na ka-botilya among nahurot. In fairness wala la man sad mi nangahubog. Except ni Allaine nga saba na kaayo's tanan. Nadala na's tama ang bwakanabitch. Weak kaayo.

Nag-hard drink nami, diary. Game na game japon kaayo sila. Ana si Dylan, duha ka baso ra daw akong imnon ani until mahurot ang usa ka botilya. Caring kaayo sila nako, as in. Maka-touch. Na-feel jud nako akong pagka-Disney Princess.

"Guys!" Nikalit og barog si Allaine og nishagit. "Please listen to me!" 

"Allaine, what are you doing? Lingkod kuno," badlong ni Trent niya pero wa siya naminaw.

Unsa'y show aning bayhana? Attention seeker kaayo, naa ju'y Main Character Syndrome.

"Kinsa'y ganahan i-body shot nako si Trent?! Raise your hand!" 

"Woohhh!" Nanyagit ang mga tawo og nipasaka sa ilang kamot. Ang uban kay nagdrum-drum pa sa ilang table. 

"Body shot! Body shot! Body shot!" chant nilang tanan. 

"Allaine, you're drunk," ana si Trent, naulaw na's nahitabo. 

"No, I'm not! C'mon Trent, let's not disappoint your fans." 

"Allaine..." 

"C'mon!"

Nag-shinagitay ang mga tawo kay iyang gibutanga'g lime og asin ang liog ni Trent. 

"Body shot! Body shot!"

Wala sila kabantay nga pila na ka baso akong nahurot samtang nagtan-aw nilang Allaine kay na-bwisit ko. Selos na kaayo ko, diary. Di na madala! 

"Wooo!" 

Nakita jud nako ang process. Allaine licked his neck... Then sucked it. Dugay kaayo nahuman, diary. Longer than necessary. Mura'g nagplano na s'yang mobuhat og lovebite. 

"Shit..." I muttered.

"Perfect!" ana si Allaine after niyang magpaka-bampira og ni-shot dayon.

Sa akong kalagot, gikuha nako ang usa ka botilya og gitungab to.

"Hey, Cindereluh, what are you doing?"

"Stop that!"

Wala ko naminaw. Pero animal, kalain sa panglasa ani oy. Mura'g maluto akong tutonlan og tiyan. Isog kaayo. It tasted so awful, especially kay wala ko naanad. Pero, kiber.

"What's wrong with you?!" ana si Trent og giilog ang botilya. Natagak og nabuak to sa sawg.

"None of your business!"

Akong panan-aw, mura'g nituyok. Tabang, diary. Mura'g nagmahay nako's akong desisyon. Naa jud ko'y gilukdo ay.

"Trent... Trent..."

"Oh?"

"Naglinog?"

"Wala."

"Mura lagi'g niuyog. Mura ko'g nagtuyok."

"Natural, tunga sa botilyang hard drink imong gihurot. Gihimo man nimong tubig."

"N-ngano man ni?! Shit!"

"Let's go."

Iya kong gikuptan og gipabarog. Hapit ko madagma, diary, pero gikuptan ko niya. Iya kong gi-akbayan. Shit, kahumot!

"Ako 'sah ning ihatod si Cindereluh, ha. Balikon ra ta mo diri."

"Trent, biyaan ko nimo?" reklamo ni Allaine.

"Sorry, she needs me."

Kana, Allaine, merese nimo. Very good, Trent. Ipamukha jud sa kontrabida nga ako imong priority. Kinsa pa man diay laing Disney Princess diri? 'Di ba, ako ra man?!

Palahubog,

Cindereluh