Cindereluh And The Alien Hunks

CHAPTER THIRTY ONE

Dear diary,

Agay! 'Di nako mousab, promise. Mura'g gi-martilyo akong ulo pag mata nako. Mao ni akong gilikayan. Hangover. Pero tungod sa akong ka-amaw, nahitabo 'nuon akong mismong gilikayan. Nagpataka ra ko'g inom gabii jud.

"Shunatay! 'Di lalim!"

Naa'y nanuktok sa akong kwarto.

"Cindereluh, nagmata naka?" ana si Dylan.

"Mura."

"Huh? Unsa'y mura?"

"Naa'y nag sige'g pokpok sa akong ulo. Sakit kaayo."

Nisulod siya sa kwarto while nagngisi.

"Tagay pa more." Iyang giablihan ang kurtina sa bintana. "Isirado na bi. Suwaw kaayo."

"Kanus-a pa ka na-bampira?"

"Huh?!"

"Wala oi. Hubog pa man tingali ka."

"Dili na oi. Labad lang jud akong ulo."

Iyang gi-on ang stereo. Sakto kaayo nga ang tukar sa radyo kay Hangover by Psy. K-Pop man oi. Pisting kantaha, wala ko'y nasabtan except sa word nga "Hangover" nga, I swear, halos ka-sinto baynte gi-balik-balik. Unli. Gipamukha jud sa ako ang consequence sa akong kaboang.

"I-off kuno na bi! Samot kalabad akong ulo!"

"Ha-ha! Yes, boss." Iyang gi-off ang music. "Unsa ma'y nahitabo nimo gabii?"

"Obviously, nahubog. Duh."

"Pero niana baya ka nga 'di ka pwede mahubog kay klase. Nahibong na lang mi nga tunga's botilyang hard drink na imong nahurot. Kung wala pa ka napugngan ni Trent, mahurot jud siguro to nimong usa ka botilya."

Trent... Trent...

Pagkadungog nako sa iyang pangalan, ni-flashback ang mga nahitabo gabii.

"Shiiit!"

"Ngano ka?"

"Cindereluh! Cindereluh! Naunsa ka? Okay ra ka?" ana si Spike nga naratol na nisulod sa akong kwarto. Naa siya'y gidalang tray nga maayo gani wala natagak sa iyang pagdali-dali.

"Ambot og naunsa ni siya oi, ni-shagit lang og kalit. 'Wa man ko ni unsaa," ana si Dylan nga nahibong na jud nako.

Wala nako sila tagda, as if 'wa sila nag-exist. Na-stress pa ko, diary. Ako na jud ang pinaka-shunga. Nganong ako man tong gisulti ni Trent gabii oi? Karong nahuwasan nako, unsa pa mang nawng akong ika-atubang niya? Awkward!

"Cindereluh, naunsa ka?" ana sila, concerned.

"Where's Trent?"

"Nilakaw."

"Asa?"

"Why are you asking?"

"Basta!"

"Ambot lang. Wala mi kahibaw og asa to silang Allaine. Basta sayo man to nilakaw."

Allaine na sad? Bwisit! Buwis-buhay na kaayo ko'g maoy confession gabii, unya kang Allaine lang japon iyang bagsak? Hustisya!

"O, pamahaw na. Gidad-an tika'g pagkaon og Aspirin for your hangover. I'd suggest nga ayaw na lang og eskwela 'ron. Di na madala sa imong lawas for sure," ingon si Spike.

After ato kay nanggawas na silang duha. Tibuok adlaw kong nagmukmok sa akong kwarto. Natulog sad ko para ma-okay gamay akong pamati. Pero pag-abot sa gabii, dili na jud nako sila pwedeng likayan.

"Cindereluh, mag-dinner na! Pagdali kay mintras init pang pagkaon!" ana si Dylan.

Oh, noes! Unsaon man nako ni diary oi? Everytime na mahuna-hunaan nako si Trent, ang nahitabo last night ra ang masulod sa akong utok. Shiiit! 'Di nako mousab, promise.