If I Can: Hide This Feeling (Book 1 of If I Can Trilogy)

Kabanata 5

Kabanata 5
Who is she?

----------

Papalabas palang ng gate si kuya at ang mga pinsan ko, narinig ko naman ang pagtunog ng cellphone ko.

Nagmamadali kong tinignan sa screen ang tumatawag. I thought it was Forseti, but I felt a little dissapointed ng pangalan ni Lav ang makita ko sa screen ng phone ko.

"Yes, Ms. Lavender Elizconde. What can I do for you?"

"Mall tayo, nakakaboring dito sa bahay eh."

Tama. Nakakaboring nga sa bahay, wala si mommy, wala si daddy at ngayon wala narin si kuya. Si Eira at ang mga katulong lang ang kasama ko dito.

"Sunduin niyo 'ko dito, tapos sama natin si Eira."

"Okay. We'll be there in twenty minutes. Ciao!"

Tinext ko si Cheska kung sasama ba siya sa amin pero ang sabi niya ay may ginagawa raw siya. I also texted Forseti kasi gusto ko siyang makasama pero may project daw siyang gagawin ngayon.

May project pala sila pero ang mga pinsan ko at si Jethro, nakuha pang maglaro ng basketball. Akala ko ba priority nila ang pag-aaral? Buti pa ang Forseti ko, napakasipag.

Thirty minutes na ng dumating dito sa bahay si Lav, Prima at Ern.

"Sorry natagalan ng kaunti, ang tagal kasi maligo nitong si Ern, daig pa babae. Dumating kami ni Prima sa kanila, one hour na yata siyang naliligo." Paliwanag ni Lav.

"Grabe ka! Half hour palang yon." Protesta naman agad ni Ern.

"Whatever, tara na nga!" Pang-aaya naman ni Prima na nauna ng lumabas ng gate kasama si Eira.

"Yaya Belinda, pasarado po ng gate." Pasigaw ko namang utos sa isa sa tatlong katulong namin dito sa bahay.

Pagdating namin sa mall ay agad kaming pumasok sa kung saan-saang boutique.

Ilang blouse na ang nabibili ko sa akin at kay Eira ng mahagip ng paningin ko si Forseti na nakatayo sa isang tabi sa harap ng isang shoe shop at busy siya sa pagpindot ng kanyang cellphone.

What is he doing here? Akala ko ba may project siyang gagawin?

"Uy! Si For yon diba? For!" pagtawag ni Ern.

Nag-angat ng tingin si Forseti at inilibot niya yon sa kanyang paligid hanggang sa tumapat ang paningin niya sa amin.

Palapit na kami sa kanya habang siya naman ay tila napako sa kinatatayuan niya, hindi kumukurap ang mga mata habang nakatingin sa amin, nanlalaki pa nga ang mga yon at tila naubusan din siya ng dugo dahil mukha siyang namumutla, nakikita ko pa nga ang sunud-sunod niyang paglunok.

Bakit ganyan ang reaction niya? Daig pa niya ang nakakita ng multo.

"Forseti, akala ko ba may gagawin kang project?"

"Ha? Oo. Gagawa palang ako ng project, hinihintay ko pa yung ka-partner ko. Ka-tetext nga lang sa'kin at sabi niya na ako nalang daw ang bumili ng materials." Ngumiti siya sa akin, pero sa haba na ng pinagsamahan namin, alam ko ang natural sa hindi.

"Hindi naman siguro babae ang kapartner mo, huh?" Tanong ko sa kanya habang nakahalukipkip at taas ang isang kilay ko sa kanya.

Ngumiti siya at hinapit ako sa baywang. "Don't worry, lalaki yon." Malambing niyang sabi.

"Good."

"Hoy kayo! Tigil-tigilan niyo ang paglalandian dito, pwede? Eww...public place." pananaway sa amin ni Prima na tinawanan lang naman namin ni Forseti.