If I Can: Hide This Feeling (Book 1 of If I Can Trilogy)

Kabanata 29

Kabanata 29
Emergency

----------

Dahil last night na namin ngayon dito sa naga, cebu at pagbalik namin ng mandaue ay maghihiwalay-hiwalay na naman kami, magkakaroon ng ibat-ibang mapagkakaabalahan sa natitirang mga araw ng bakasyon.

Nag-decide kaming lahat na tabi-tabing matulog sa living room.

Pagkatapos kong maglinis ng katawan at makapagpalit ng pantulog ay 'tsaka ako bumaba papunta sa living room, dala ang isang kumot at unan. Pero pagdating ko roon ay madilim na at tumambad sa akin ang mga pinsan kong mahimbing na sa pagtulog.

Marami pa kasi akong ginawa sa itaas kanina. Kanina ko lang din kasi inimpake ang mga gamit ko at inayos ko narin ang mga gamit ni Eira, natagalan din ako sa banyo dahil parang ayoko ng umalis sa bathtub, nag half bath kasi ako at dahil sa init ay parang halos doon ko na gustong matulog.

Tinignan ko ang malaking antique na orasan sa gilid ko at nakita kong alas-onse na pala.

Isa-isa kong pinasadahan ng tingin ang mga pinsan ko.

Mga walang suot na pang-itaas ang mga pinsan kong lalaki, maliban kay Westly na nakaitim na sando.

Si Timothy ay nasa mahabang couch at humihilik, sa lapag naman sa right side ay naroon ang kapatid ko na yakap ni Prima, sa tabi ni Prima ay si Lav and then si Ern. Katabi ni Ern si Tommy at sa huli ang naka dapang si Jethro. Sa uluhan nila ay nakahiga naman si Easton at Westly na hindi talaga mapaghiwalay.

"Saan ako pu-pwesto rito?" Tanong ko sa sarili ko.

Malaki pa ang space sa tabi ni Jethro pero ayoko ngang tumabi sa kanya! Nilalayuan ko nga yung tao, tapos ngayon tatabi pa ako. Hindi porque nag duet kami kanina ay okay na kami.

Nakakainis naman kasi 'tong sila Lav, hindi man lang ako binigyan ng space para tumabi sa kanila o baka naman talagang plano nilang pagtabihin kami ni Jethro?

Bumuga ako ng malalim na hininga at naupo nalang dito sa single chair na malapit kay Jethro. Hinigpitan ko ang yakap sa hawak kong puting unan at napahikab pa ako, nagluluha na ang mga mata ko dahil sa antok at kapag talaga hindi ako nakahanap ng hihigan ko rito, aakyat nalang ako sa taas at doon matutulog sa kwarto.

Ramdam ko na ang bigat ng talukap ng mga mata ko at unti-unti ko ng nararamdaman ang pagbagsak nito.

"EA?" Tila bahagyang nagising ang diwa ko ng marinig ko ang namamaos na boses ni Jethro na tinawag ang pangalan ko. Nakatagilid siya ng higa at nakaharap sa akin, nakatukod ang isang kamay niya sa kanyang unan at salo ng palad niya ang kanyang ulo.

"Don't you have plan to sleep? May pwesto pa rito."

"I don't wanna sleep beside you."

"Why not? Mabango naman ako, huh?"

Napanguso ako. "Ang sabi mo hindi mo na ko papansinin. Then why are you talking to me now?"

"You know what, Emilia? Sometimes, you say something, you didn't mean to do it." Kasunod ng muli niyang pagdapa. "Matulog ka na." Dagdag niya pa habang nakasubsob ang mukha niya sa kanyang unan.

Because I have no choice and there's not enough space, inilapag ko ang unan ko at dahan-dahan akong humiga sa tabi ni Jethro.

Muli siyang gumalaw at ipinilig niya ang ulo niya paharap sa akin. Hindi ko naman mapigilang pagmasdan siya. Pagmasdan ang maamo niyang mukha.

I want to hold and touch him, pero laging ipinapaalala ng utak ko na hindi pwede at para pigilan ang mga kamay ko na gustong dumampi sa pisngi niya, tumagilid nalang ako patalikod kay Jethro at ipinikit ang mga mata ko kasabay ng mainit na luhang tumulo rito.