كنتو الحمدلله متجمعين فى بيتك انت و لوى بعد ما اتجوزتوا.
كنتى قاعدة جنب لوى و باقى البويز قاعدين جنبكوا و متنحين و بيقروا عليكوا.
نايل: جماعة انا جعان هو البيت ده مفيهوش أكل ولا ايه.
لوى: لا مفيهوش.
ليام: مانت خلصت الاكل كله. و قام مدى نايل على قفاه.
هارى: يا جماعة بس خلاص هروح اطلب دليفرى.
زين: اطلبلى كوارع.
هارى: كوارع؟ كوارع مين يا عم ، مش كفاية روحت عملت فيديو لامؤخذة مع البت شيشى.
زين: ما خلاص بقى اهرهر المسامح كريم.
هارى: طيب يا اخويا سبنى بقى اروح اتصل قبل ما يقفلوا.
*انت و لوى بقى*
لوى: بقولك ايه يا روحى.
انت: نعم يا قلبى.
لوى: ماتيجى نسيب العيال دى و نطلع ننام فوق بدل الدوشة دى.
طبعا انت وشك بقى أحمر و بصيتى فى الأرض. فجأة لقيتى أربع رؤوس طلعة ما بينك انت و لوى.
ليام: و يا ترى الآنسة مكسوفة ليه؟
هارى: عارف فيلم تايتنك؟
زين: سد ودانك انت يا نايل انت صغير على الحاجات دى. و قام حاطت أيده على ودن نايل.
نايل: لا انا عايز اسمع.
لوى: يلا يا عيال يا زبالة بذكرياتكوا الزبالة. و قام حادف عليهم مخدة.
انت: لوى شيل العيال دى من هنا.
لوى: حاضر يا حياتى.
و فجأة لوى قلب شبه incredible hulk و قعد يضرب فيهم و يضرب فيهم.
هارى: وحياة أبوك يا شيخ و حياة أبوك عااااااااا.
زين: طب و غلاوة ماما جوانا!
ليام: يالهوووووووووووى
نايل: انتو بتسرخوا ليه؟
هارى: طبعا مانت مش حاسس بالضرب اللى عندنا.
ليام: انت مستخبى ورانا ليه يلا.
نايل: مانا مش بحب الضرب بوصوا انتو اضربوا و انا هسرخ.
و قام لوى ضربهم كلهم ماعدا نايل.
و انت قاعدة زى الملكة. و لوى قاعد يضرب فيهم.
بعدين لوى خلص و انت قومتى و حضنتيه.
انت: لوى يا بطلى الخارق.
لوى: حبيبة قلبى.
و البويز هناك مرميين فوق بعض.
زين: ايه القرف ده!
نايل: دول كيوت!
ليام: كيوت ايه يا عم دول شبه تيمون و بومبا.
هارى: و مالهم تيمون و بومبا؟
بعدين سمعتوا جرس الباب بيضرب و فجأة نايل قام قايم و هو بيطنطت.
نايل: الأكل جه الأكل جه هيييييييييييييييييييه مااااااااااء
هارى: هو احنا لو دبحنا نايل فى العيد هيحصل حاجة؟
زين: ابدا بس ده معضم مش هنلاقى فيه لحم.
نايل: سمعكوا يا عيال يا رخمة.*نايل هنا شبه كوثر اوي😂 لامؤخذة كملو😂✋*
بعدين جه الأكل و زين افترس الكوارع و هارى كان عامل نفسه كيوت و بيشرب فى الشربة و ليام بيقزقز فى ورك فرخة و نايل بياكل بطة و ديك فى نفس الوقت.
و طبعا انت و لوى قاعدين بتأكله بعض نونة نونة.
لوى: يلا يا روحى هم يا جمل.
انت: ميرسى يا قلبى.
هارى: يلا انا عايز انام.
ليام: ايوة و انا.
زين: مفيش حتة ننام فيها بقى؟
لوى: ده فى المشمش يا اخويا انت و هو يلا اطلعوا برة.
و قام لوى مسكهم من قفاهم و طلعهم كلهم برة.
لوى: يلا ننام بقى؟
انت: يلا.
نايل *من برة البيت*: يا عيال افتحوا الباب الجو ساقعة عاااااااااااااااااا
بس و انتهت الليلة على أن انت و لوى نايمين فى اوضتكم و ليام و هارى و زين و نايل نايمين برة قدام الباب.
______________________________________
ازيكوا؟ عملين ايه؟ ايه رأيكوا فى ايماشن لوى؟ أنا كاتبة البتاع ده من زمان و حاسة انه مستفز بس يلا! 😂😂
المهم أننا هنمشى بالدور من الكبير للصغير! 😂
خلى بالكوا من نفسكوا و متخلوش حد يضايقكوا❤
بنحبكم❤
بااى.
-أم الخدود♧❤
-شوكة❤
VOUS LISEZ
1D Imagines | بالمصرى
Comédieلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...
