1D Imagines | بالمصرى

اللمبي ft. دوري (هاجر و زين)

ايماچن للجميلة هاجر مع زين ❤❤
*آسفة جدا جدا على التأخير💔*

ملحوظة: بما انه كوميدي فا انا و مريم قررنا نخش في الإيماچنز لأن ساعتها بيجلنا أفكار😂💔
باي: شوكة😂✌
____________________________________

كوثر: هو ده البيت؟
مريم: ايوة.

كوثر: يعني زين و هاجر عايشين هنا؟
مريم: ايوة.

كوثر: بي شيرمن ٤٢ شارع ولاباي سيدني؟
مريم: ايو- نعم؟!

كوثر: آسفة معلش اندمجت شوية..
مريم: المهم يعني نعوم و نتمختر جوا- قصدي نخش جوا..
كوثر: يلا بينا.

******

زين: طب والله العظيم يا هاجر لو مخرجتيش دلوقتي هموت نفسي.
هاجر: ماشي يا زين مش فارقة معايا.

زين: يا هاجر ممكن تخرجي و نتفاهم؟
هاجر: لا.

زين: طب بصي انت حرة يا هاجر.

الجرس بيرن و زين راح فتح الباب لقى مريم و كوثر في وشه.

زين: يا فتاح يا عليم يا رزاق يا كريم .. اتفضلوا.
كوثر و مريم: مشكرين.

و دخلوا ورا زين و وقفهم عن اوضة هاجر.

كوثر: هي دي الأوضة؟
زين: ايوة.

مريم: لا وحياة أغلى حاجة عندكوا خلاص انا حفظت الفيلم!
كوثر: طيب نخش بشحتفة شوية.

مريم: ازاي؟
كوثر: قلبي عندك يا هاجورة .. مكنش زين ده هو اللي يضايقك يا حبيبتي..

مريم: خليك برة يا زين.
زين: ليه يعني؟

مريم: انا مش قولت خليك برة؟ يبقى تخليك برة!
زين: ماشي.

و دخلوا كوثر و مريم عند هاجر و زين واقف ورا الباب بيسمعهم.

كوثر: مالك يا مرهوفتي زعلان؟
مريم: عارفة لما الدنيا تكشرلك تعملي ايه؟

هاجر: هو انتو جيتوا ليه؟
كوثر: احم ايه الإحراج ده..

مريم: يعني جايين نصلحك على الكائن زين.
هاجر: و انا مش عايزة اصالحه!

كوثر: يعني خلاص خلاص؟
هاجر: ايوة خلاص خلاص.

زين: اعملوا حاجة بقى!!
مريم: انت بتخش اوضة فيها 3 بنات ليه؟ كنت بنت معانا؟ يلا اتفضل أخرج برة!

زين: ماشي يا مريم حسابك معايا بعدين.
مريم: لا خليه دلوقتي يا زين يا مالك!!