ايماجن للجميلة: @Remas525252 إسمك جميل🙈❤
باي: شوكة.😂✌
______________________________________المدرس: أهلاً بيكوا يا حبايبي عندي في السنتر احنا عايزين نبدأ سنة حلوة سوا كدة و انتو شكلكوا شطار و جمال.
زين: طبعاً ا-مصطر ده احنا الشطارة كلها!
المدرس: ا-مصطر؟ طيب يا ..؟
زين*بيديه الكارت بتاعه*: محسوبك زين .. زين العابدين مكنيكي سيارات إنما ايه يتحل من على حبل المشنقة.
المدرس: مكنيكي؟
زين: اه يا بيه بساعد الحاج الوالد.
المدرس: و ماله يابني حلو بردو ، و انت يا انسة يا جميلة ياللي قاعدة هناك؟
ريماس: انا؟
المدرس: اه ، اسمك ايه؟
ريماس: اسمي ريماس.
المدرس: شكلك شاطرة يا ريماس و مش هتتعبيني.
ريماس: شكراً يا مستر.
زين راح لافف و بص عليكي و هو بينزل نظرته و تنح شوية قام المدرس هزه.
المدرس: مش هنا يا بابا احنا في سنتر محترم.
زين: يا مصطر انا بشوف الديسكات اللي ورا بس!
المدرس: اه طبعاً.
زين: كدة تشك فيا؟ مكانش العشم ا-مصطر!
المدرس: هنبتدي ندرس التفاعل الكيميائي بين الأكسجين و الهيدروجين عشان نكون مياه.
كل الفصل متنح.
ريماس: لو سمحت يا مستر خالتي بتسلم عليك و بتقولك واحدة واحدة.
المدرس: واحدة واحدة ايه يا بنتي احنا لسة مشتغلناش أصلاً.
زين: الا هو فيه شغل غير كدة؟
المدرس: اه طبعاً اومال انت فاكر ايه.
زين: لاا انا اروح عند امي لا تقولي تفاعل اكسجين مع هيدروجين ولا غيره.
المدرس: طب اتفضل اطلع برة.
زين: تشكر يا عم الحاج.
ريماس: مستر ممكن اروح الحمام؟
المدرس: اتفضلي.
و خرجتي من الفصل لاقيتي زين بيبص على ناس اللي في صف الرياضة.
ريماس: انت بتعمل ايه؟
زين: بلعب باليه.
ريماس: ايه؟
زين: آكل بانيه.
ريماس: فيه ايه يا عم انت؟!
زين: مفيش والله بتشمس.
ريماس: انا غلطانة اني جيت اتطمن عليك!
زين: ايه ده؟ جاية تطمني عليا؟
ريماس: ايوة.
زين: طب شكراً والله.
ريماس: العفو..
زين: طب ممكن رقمك؟
ريماس: ليه؟
زين: مفيش هتصور معاه.
ريماس: اكتب زيرو ونين خمناشر.
زين: ايه الرقم ده؟
المدرس: انتو بتعملوا ايه هنا؟
زين: يا نهار منيل بطين.
ريماس: مفيش يا مستر!
زين: والنعمة ما عملنا حاجة!
المدرس: متحضروليش حصة تاني أبداً!!
زين: خلاص يا عم متزعقش!
و خلص الموضوع أن زين خد رقمك و مشيتوا من عند المستر ده و ابتديتوا تتعرفوا.
______________________________________
يا رب يكون عجبك يا ريماس و آسفة لو هزاري ضايقك❤
آسفة جدا على التأخير المبالغ فيه ده عارفة انكوا هتضربونا بس والله كان عندنا ظروف كتيرة احنا اسفين 😢❤
إن شاء الله هحاول أنزل النهاردة ايماجن تاني عشان اعوضكوا❤❤
خلي بالكوا من نفسكوا و متخلوش حد يضايقكوا❤
بحبكم❤
بااي.
![](https://img.wattpad.com/cover/72975918-288-k193914.jpg)
YOU ARE READING
1D Imagines | بالمصرى
Humorلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...