ايماجن للجميلة لوچي مع زين❤
باي: شوكة😂✌
______________________________________
لوچي: زين انا عايزة آكل.
زين: و ايه مشكلتي؟
لوچي: مانت اللي هتعملي الأكل.
زين: ليه؟
لوچي: عشان انا قولت كدة يلا!
و قامت زقاه و راح قايم و راح على المطبخ.
زين: طيب اعملها ايه دي؟ مكرونة؟ بطاطس؟ ملوخية؟
لوچي: اعملي بطاطس و خليها مقرمشة معاها فراخ بانيه و كاتشاب.
زين: ماشي ربنا يستر.
و قام جايب الفراخ من الفريزر و البطاطس الجاهزة من الفريزر و حط الزيت على النار.
زين *في سره*: هي التدبيلة بتاعت الفراخ بتبقى ازاي؟ بيض و ملح و فلفل و ايه ده الله البتاع ده شكله و ريحته حلوة نحطه هو كمان ، اه و البقسمات.
و راح حاطط كل حاجة و تبل الفراخ و حطها في الزيت و طلع يجري.
لوچي: ايه ده فيه ايه؟ و ماسك غطا حلة ليه؟
زين: معلش أصل الزيت بيطرطش.
لوچي: متنشف يا زين الله!
زين: انا غلطان!
و قام داخل تاني و حط البطاطس و بعد وقت كتير اوي طلع من المطبخ و حط الأكل قدام لوچي.
لوچي: شكراً يا زين تعبتك معايا.
زين: لا مفيش تعب ولا حاجة بالهنا و الشفا.
لوچي كلت بعد كدة ملامحها اتغيرت.
زين: فيه ايه.
لوچي: انت حطيت ايه في الأكل يا زين؟
زين: في البانيه حطيت بيض و بقسماط و ملح و فلفل و حاجة كدة كانت مطحونة فس الرف.
لوچي: يا نهار!!
زين: ايه فيه ايه؟
لوچي: ده powder من الميك اب بتاعي كنت طحناه عشان اعمل عليه تجربة!
زين: و انا اقول ريحته حلوة ليه!!
لوچي: هرجع مش قادرة بطني!!!
زين: ما خلاص يا لوچلوچ مكانش بتاع يعني!
لوچي: اسكت خالص!!
زين: طب انا اسف مكانش قصدي!
لوچي: خلاص يا زين بس انا لازم اروح اعمل غسيل معدة!
زين: يلا بينا على المستشفى.
______________________________________
أتمنى يكون عجبك يا لوچي و هزاري ميكنش ضايقك :)
انا حاسة اني كنت الخليل الكوميدي و انا بكتب 💔 آسفة جدا على الإيماجن الغريب ده و لو مش عجبك قوليلي اكتبلك واحد تاني😃
على العموم انا حاسة اني في صحراء! 😂😂💔
مش عارفة في بالي فكرة ان لو حد عايز يكتب حاجة كوميدية عن 1D يبعتهلنا و هنزلها بإسمه :) و اللي عايزه يطلبه :)❤ طبعاً ده لو حابين يعني❤
شكراً ليكوا❤
بااي.
YOU ARE READING
1D Imagines | بالمصرى
Humorلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...
