أهلا و مرحباً بكم في حلقة جديدة من البرنامج الرائع و الهايل و الجميل شوال شوكة النهاردة عندنا حلقة مميزة مع ضيف مميز جدا .. زين مالك!!
و نبتدي بإسم الله.
-أهلاً يا زين ، عامل ايه؟
- تمام الحمدلله و الشكر لله و-
-خلاص انت جاي تتوب هنا!
- لامؤخذة!
-طيب تحب نبتدي بالأسئلة على طول؟
- يعني يا ريت.
-اوكي عرف نفسك بالكامل.
- اسمي زين جواد مالك عندي 23 سنة من برادفورد في إنجلترا و مغني كنت في فرقة سابقاً و حالياً انا سولو.
-بالنسبة للكلام عن انك سولو انت سبت خسوس ليه يا زين؟
- خسوس؟ احم لا خسوس هي اللي سابتني.
-هل ارشوك؟ هل دسولك السم في الاكل؟ هل للموديست يد في ذلك؟
- لا خالص انا بس مكنتش مرتاح مع ون دي فا-
-و مكنتش مرتاح ليه ها؟ كانوا بيحشروك في آخر السرير و ياخدوا المكان كله؟
- يا ستي لا دي حاجة ليها علاقة بيا انا مش حد تاني!
-طيب ده مش موضعنا اصلا نبتدي في الأسئلة اللي بجد بقى؟
- يا ريت!
-قولت انك عايز تتجوز قبل سن ال30 هل ده صحيح؟
- بصراحة لفترة معينة يعني بعد انفصالي الأخير انا مش عايز اتجوز خالص!
-يعني الموديل المحتشرمة جيجي حديد مش عايزة ولا انت اللي مش عايز؟
- والله لا يعني انا مش بفكر في الجواز دلوقتي و حاطت كل تركيزي على الاغاني بتاعتي!
-لما كنت في ون دي ربنا يرجعهم بالسلامة من البريك كنت أنت اكتر واحد لو فان ادتكوا رقمها تكلمها صح؟
- اه لأنهم عيلتي!
-اومال سبتنا ليه ما دام احنا عيلتك ها؟!! .. احم معلش انفعلت شوية!
- انا مروحتش في حتة والله
-بتعرف ترسم اكيد؟
- يعني زي مانتي شايفة اه.
-طب ارسمني والنبي!!
- حاضر بعد البرنامج
-بيقولوا انك نضيف
- يعني هكون معفن ما اكيد نضيف!
- رحت الكولونية اللي انت حطيتها مألوفة دي من عند أبو نسيم للعطور الفواحة؟
- عطور فواحة؟! لا دي جيجي جابتهولي هدية
-احم طيب بتجوجل نفسك؟
- اه لما ببقى زهقان.
-و بتشوف ايه؟
- حاجات أستغفر الله العظيم..
-بيلو تووك يعني!
- اه بيلو توك!
-لو شفت بنت حلوة زيي كدة في الاوديانس بتعمل ايه؟
- يعني لو حلوة اوي بفضل ابصلها و ساعات بتلغبط في الكلام في الأغاني.
-يبقى محضرش أي كونسرت ليك بقى لأضيع مستقبلك هيهيهييي!
- انت فعلاً هتضيعي مستقبلي!
-قولت أن من غير الفانز مكنش هيبقى فيه سبب لون دي.
- اه ده زمان!
- ايوة يعني هو احنا اختفينا؟!
- لا مختفتوش ولا انا اختفيت!
- بتحب البنت الطويلة ولا القصيرة؟
- القصيرة كيوت بس بنجذب للطويلة.
-اه طبعاً ما هو واضح!
- ليه بتطلع لسانك و انت مركز؟
- خلقة ربنا!
-و روحت للداية؟!
- لا أصله مش مرض!
-ليه كنت فاكر و انت صغير أن مفيش بنت هتحبك؟
- عادي يعني مكنتش حاسس اني وسيم للدرجة دي!
-حضرتك فيه اكتر من مليون بنت حول العالم هيموتوا عليك و تقولي مش وسيم!
-أتعرض عليك انك تبقى موديل؟
- كتير اوي و رفضتهم!
-انت غيور على الجيرلفريند بتاعتك؟
- جدا ، يعني ممكن اقتل أي حد يبوصلها بالمطوة!
-عايز ايه في البنت؟
- عايزها تكون ذكية و تكون متعرفش أنها حلوة فأنا أعرفها كل يوم..
-للأسف يا زين مننفعش مع بعض أصل انا متأكدة اني قمر 14!
- القدر بقى..
-انت الوحيد اللي مكنتش عامل فولو لون دايركشن على تويتر هل دع كان تلميح انك هتسيب الباند ولا؟
- لا عادي.
-أول جواب غرامي كتابته امتى؟
- و انا عندي تلت سنين
- يا! يا زين انت بدأها بدري اوي!
- كنت طفل صايع انا!
-ايه اكتر مادة كنت بتحبها في السكول بتاعتك؟
- دراما و اينجلش!
-انت ليه مصترياص يا زين ده انت في برنامج جميل!
- لا انا مش مصترياص ولا حاجة!
-و بكدة تكون انتهت حلقتنا الأولى مع شوال الشوكة اللي استضفت فيها واحد من المع الصوبر صتارز زين العابدين ، شكراً ليكوا و اقبلكوا في حلقة تانية من شوال شوكة و ياريت تقولولي مين الشخصية اللي عايزنها في الحلقة الجاية و رأيكوا في الحلقة الاولى.
بحبكم❤
بااي.
ملحوظة: انا طريقة اللقاء ده فيه واحدة بتعمل لقائات مع الكتابات على الواتباد بتكتب بيها و عجبتني فا خدت الطريقة :)
أنت تقرأ
1D Imagines | بالمصرى
Humorلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...
