ايماشن للجميلة @ArwaJBR مع لوي
باي: شوكة 😂✌
______________________________________
الشرير: لو مقلتيش الفلوس فين هفرغ الفرفر في دماغك!
أروى: يا عم الحاج بقالنا سنتين هنا و انا بقولك معرفش حاجة عن الفلوس دي! لو كنت أعرف هخبي عليك ليه؟!!
الشرير: لع .. ميكلش معايا الكلام ده!
أروى: خلاص خليه يشرب تن ترا را رن تن تن!
الشرير: ولا يا ميزو انت جبت الخليل الكوميدي هنا؟
أروى: يا عم لا خليل كوميدي ولا زفت انا عندي عيال عايزة ارجع احطلهم الأكل!
الشرير: مين دول؟
أروى: شيكو و شوشو.
الشرير: عيالك اسمهم شيكو و شوشو؟!
أروى: لا هما عصافير!
الشرير: يولعوا العصافييير!!! احنا هنهزر؟!!!!
أروى: لا مش هنهزر .. انا آسفة!
الشرير: طيب احنا هنبتدي بإننا هنشيل ضوافرك و بعدين نقطع جلدك شرايح عشان تقولي الفلوس فين!
أروى: لا والنبي بلاش ضوافري!!
الشرير: هاع هاع هاع!
أروى: لااااااااا
الشرير: هاع هاع هاع!
أروى: ماله ده؟! أنت هنجت يا حاج؟!
الشرير: لامؤخذة!
أروى: معلش يا اخويا! .. فينك يا لوي!!
الشرير: مين لوي ده؟!
أروى: ده المدعو بخطيبي!
الشرير: و ده هيعملك ايه؟!
أروى: ولا أي حاجة .. هيتفرج و يشمت فيا و يمكن يساعدك كمان!
الشرير: لا أصيل أبو رحاب!
أروى: اوي .. طب احكيلك على حاجة عملها قبل كدة!
الشرير: قولي!
أروى: يوم الخطوبة كان متفق إنه يجيلنا الساعة سابعة و صدقناه بس بعد كدة جت الساعة تسعة جينا نكلمه لقيناه نايم و جه آخر المعازيم!
الشرير: ده معفن اوي!
أروى: دي حاجة بسيطة .. ده لما بيتفق معاك على حاجة تأكد أنها مش هتحصل .. طب احكيلك على موقف تاني؟
الشرير: احنا هنهزر؟!! هات يا ميزو مياه سنة مولعة نسلقها بيها!!
أروى: لا والنبي يا اخويا!! وحياة عيالك!!!
...: إبعد عنها!!
أروى: لوي!!
لوي *بيشيل القماشة من على وشه*: انا النمر المقنع!! *صدى صوت*
أروى *بصوت واطي*: يا اهبل ده الكرتون!!
لوي *بصوت واطي*: اومال ايه الحقيقي؟
أروى *بصوت واطي*: النمر الأسود!
لوي: احم لامؤخذة ،، انا النمر الأسود!!
الشرير: و عايز ايه يا سي النمر؟
لوي: مشيها فلوسك معايا..
الشرير: مش قبل ما اعذبها قدامك!
لوي: إياك تيجي نحيتها!
الشرير: ميزو تعالى نقلعها ضوافرها و متنساش مياه السلق!
أروى: و النبي كفاية بلاش ضوافري!!
لوي: يعني ده اللى معترضة عليه؟ أما يسلوقوكي عادي؟!
فجأة لوي ضرب الراجل و راح فك الحبل اللي ربطك و خرجتوا!
أروى: انت كنت فين يا منيل؟!!
لوي: كنت بجهز المالية اللي فصلتها عند أبو نسمة!
أروى: و مالك عامل فيها سوبر مان كدة ليه؟!
لوي: عشان انا ... سوبرماااااااااااااان *زي ما بيقولها في ال diaries*
أروى: وداني الله يخربيتك!!
لوي: لامؤخذة يلا نمشي بقى!
______________________________________
يا رب يكون عجبك يا أروى 😃❤ قبل ما ابدأ الصراحة اسم أروى عجبني اوي ❤❤ و يا رب يكون هزاري مضايقكيش و آسفة انه قصير حبتين و مش بيضحك 💔
ايه رأيكوا؟
خلي بالكوا من نفسكوا و متخلوش حد يضايقكوا❤
بنحبكم❤
-شوكة ❤
-أم الخدود♧❤
أنت تقرأ
1D Imagines | بالمصرى
Humorلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...
