1D Imagines | بالمصرى

شوال شوكة مع لوي طماطم

أهلاً و مرحباً بكم في حلقة جديدة من البرنامج الرائع و الهايل و الجميل شوال شوكة النهاردة عندنا حلقة مميزة مع ضيف مميز جدا .. لوي توملنسون!!

و نبتدي بإسم الله

-عرفنا بنفسك لو سمحت.
- لوي توملنسون 24 سنة من دونكاستر إنجلترا ، كنت في باند اسمه The Rogue قبل ون دي.

-طب عرفنا بالملجئ اللي عندك لو سمحت.
- ملجأ ايه؟
-اخواتك الأساتذة.
- أخواتي بقوا ملجأ؟

-ايوة ما هما كتير اوي بصراحة!
- جورجيا أوستن ، شاروليت (لوتي) توملنسون ، فيليسيت (فيزي) توملنسون ، دايزي توملنسون ، فوبي توملنسون ، دوريس ديكن ، ايرنست ديكن.
-ما شاء الله هي الحاجة عرفت تخلف دول كلهم ازاي؟
- قدرات.

-طيب ، اخبار فرفيرو ايه؟
- فرفيرو مين؟
-ابنك أبو راس نص سوى.
- كويس بيسلم عليكي.
-و أمه الحاجة بتنجانة عاملة ايه؟
- متنيلة على عينها كويسة!
-هو ابنك ا-لوي ولا متدبس فيه قول قول احنا أخوات مش هفتن عليك!
- متبس فيه؟ لا ابني!

-ايه مواصفات البنت اللي عايزها؟
- عايز واحدة تكون مخلصة و دمها خفيف و طيبة و منظمة و مرتبة عشان انا مش كدة.
-مش معقول اكنك بتوصفني بالظبط!
- يا سبحان الله..

-لو بقيت اكل هتبقى ايه؟
- فلفل حار.

-بتحب البنات تلعب في شعرك؟
- اه.
-ده ازاي ده .. انا مبحبش حد يجي ناحية شعري!
- و انا مالي؟
-مانت كمان هتبقى زيي!
- ليه يعني؟
-مش انا قولت كدة؟
- اه!
-يبقى مش عايز اسمع نفسك!
- حاضر يا معلمة.

-حاجة عملتها في تصوير WMYB؟
- كتبت رسالة و حطيتها في ازازة و رميتها في البحر.

-كان نفسك اول مولود يبقى ايه؟
- انا طول عمري كنت عايز ولد.
-انت من الصعيد ياض؟
- لا ، ليه؟
-يعني أصل هما اللي تفكيرهم كدة.

-حاجة بتحبها في البنات؟
- بحب البنات اللي بتلبس نظارة سواء كانت مش حقيقية أو لا.
-مستحيل يا لوي بجد يعني انت بتوصفني بكل كلامك.
- يا ساتر!

-قولت انك عايز ابنك يبقى اسمه تومي عشان يبقى اسمه تومي توملنسون هيبقى اسم بيضحك صح؟
- اه.
-اومال مين فريدي ده ها؟ الست الحاجة هي اللي ضغطت عليك صح؟ عشان اسم أبوها تلاقي أو عمها أو أي حاجة صح؟
- لا خالص يعني-
-باااس يبقى هما رشوك صح؟ ادوك كام عشان ترجع في كلامك يا لوي؟
- انت متأثرة ليه كأنه ابنك؟
-هو مش ابنك؟ يبقى ابن كل دايركشنر على الكرة الأرضية عيب عليك يا لوي احنا كلنا ايد واحدة!
- حتى في العيال؟
-والله لو في هدومك بردو ايد واحدة!

-بتحلم بمين بليل دانيل؟ بتنجانة؟ فريدي؟ أنا مثلاً؟
- بحلم بنايل و هاري اكتر ناس.
-يبقى لاري أي ريل!
- الله يخربيت لاري اللي ورايا ورايا ده!
-متزعلش يا لوي هنجبلك حقك متخفش!

-آخر كلمة للفانز؟
- محدش يكلم مع البت دي تاني دي مجنونة و اقتعوا علاقتكوا بيها و بحبكوا و شكراً.
-تشكر يا زوق والله!

-و بكدة تكون انتهت حلقتنا التالتة مع شوال الشوكة اللي استضفت فيها واحد من المع الصوبر صتارز لوي طماطم ، شكراً ليكوا و اقبلكوا في حلقة تانية من شوال شوكة و ياريت تقولولي مين الشخصية اللي عايزنها في الحلقة الجاية و رأيكوا في الحلقة التالتة.
بحبكم❤
بااي.