ايماجن للجميلة هنا مع نايل ❤
باى: شوكة😂✌
________________________________________
انت و نايل كنتو بتتمشوا فى الشارع و مسكين ايد بعض و كابل كيوت كدة!
فجأة لقيتى مرجيحة و طفولتك البريئة طلعت.
هنا: نايل .. نايلولتى .. نيلو .. نلانيلو .. نيلة!
نايل: بقى فيه حد يقول لحبيبه نيلة؟
هنا: مش انا عملت كدة؟
نايل: اه!
هنا: يبقى فيه!
نايل: عايزة ايه يا هنا!
هنا *ببراءة*: عايزة اركب المورجيحة!
نايل: مورجيحة؟ و بعدين يا بنتى انت كبرتى!
هنا: متقولش كدة انا لسة صغيرة!
نايل: طيب طيب بس مش اللوحة بتقول انه أصغر من 12 سنة؟
هنا *ببراءة*: مانا أصغر من 12 سنة!
نايل: استغفر الله العظيم يا رب!
هنا: ايه ده؟ يا بركة دعاكى ياما انت اسلمت؟!
نايل: لا حول ولا قوة إلا بالله!
هنا: لا دانت بقيت مؤمن كمان اللهم قوى إيمانك يا حاج نايل!
نايل: هتشلينى!! يلا طيب عشان أخلص!
هنا: متزوقش طه!
و دخلتوا الجنينة بتاعت الألعاب و جريتى على المراجيح بس للأسف مكنتيش لوحدك!
نايل: يلا يا حبيبتى هوبااا! و قام مقعدك على المرجيحة!
هنا: هييييييه هييييييه هيييييه!
نايل: معايا طفلة يا اخواتشى؟ يا بيضة و يا كتكوتة ياغوتشى!
هنا: فيه يا نايل؟!
نايل: اصلى حبيتش الموضوع اوى!!
فجأة عيل سئيل جه و وقف قدامك!
هنا: اوعى يا حبيبى لألطشك!
الولد: طنط هى مش المراجيح دى للصغيرين؟
هنا: طنط؟؟
الولد: ايوة مش انت كبيرة بردو؟
هنا: كبيرة؟ مين دى اللى كبيرة؟! متتكلم يا نايل!
نايل: هش يا حبيبى من هنا لحسن تتحول للعملاق الأخضر!
قام الولد جرى!
هنا: هى مين دى اللى تتحول للعملاق الاخضر؟!
نايل: انا طبعاً!
هنا: اه بحسب!
نايل: لا يا حبيبتى احنا مش فى مدرسة هاهاهاها!
هنا: تصدق انك رخم!
نايل: خلاص يا روحى يلا بقى عشان ازوقك!
و بعدين نايل قعد يزوقك و انت مبسوطة لحد ما جت ست من الأمن و وقفت قدامك تانى!
هنا: يا جدعان فيه ايه بقى!! مش عرفة آخد راحتى!!
الست: لو سمحتشى الموراجيح دى للأطشفال!
هنا: يا ساتر!
نايل: ما هى طفلة!
الست: انت عتهزر يا اوستاذ! يلا يا حبيبى انت و هى عشان عايزين نروق المنطشقة!
هنا: ايه يا ماما ده انت بتتكلمى منين؟!
الست: انا مش هرد عشان انا محتشرمة!
كنت لسة هتردى بس نايل اتكلم!
نايل: يلا يا حاجة من هنا!
و قامت الست مشيت و نايل خد ايدك و خرجتوا!
هنا: بس لو كنت سبتنى عليها!
نايل: خلاص يا هنا انا هجبلك مرجيحة أحلى منها!
هنا: بجد يا نايل؟
نايل: بجد يا حبيبتى ها مفيش حتى بحبك أو أى حاجة؟
هنا: متنساش تجيب شوكولاتة معاها يا نايل.
و بعدين سبتيه و مشيتى قدامه و هو بيجرى وراكى..
______________________________________
يا رب يكون عجبك يا هنا 😃❤ و اتمنى هزارى ميكونش ضايقك :)
ايه رأيكوا؟ حقيقة الموقف ده بالفعل حصل معايا انا اختى مش بنفس الشكل بس شبه شوية! 😂😂
يلا اى حد عايز ايماجن تانى يقول! :)
خلى بالكوا من نفسكوا و متخلوش حد يضايقكوا❤
بنحبكم❤
بااى.
-شوكة❤
-أم الخدود♧❤
أنت تقرأ
1D Imagines | بالمصرى
Humorلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...
