الثقة والإثارة
( الحلقة الخامسة عشر )
عامر بأعين متسعه من الصدمة : كام ؟!
ملك بإبتسامة صفراء : زي ما حضرتك سمعت 10 مليون جنيه
عامر : بس ده كتير اوي
ملك بنبرة تحمل الامبالاه : its ok براحتك احنا كده عملنا اللي علينا وخلاص الاجتماع انتهى
عامر بضيق : استني يا ملك بس
ملك وهي ترفع إحدى حاجبيها : اسمي ملك هانم
عامر وقد اخفض بصره في خجل هو فتنحنح قائلا : سوري ملك هانم خلاص انا موافق
فأبتسمت ملك إبتسامة خبيثه من زواية فمها واردفت : كويس جدا اتفضل وقع العقد
وبالفعل اخذ منها الورقة والقلم ودون امضته عليها ففارس وزياد نظروا لها بإعجاب شديد وعندما غادر ارتمت بتنهيدة على المقعد تبعها وقالت بإنهماك
Oh كان بجد يوم متعب
زياد وهو يصفق لها : براڤو براڤو ايه الحلاوة دي
ملك بثقة : طول عمري يا زوزز
زياد : طبعا هو في زي القمر اتنين
ملك : لا أكيد مفيش
وضحكوا سويا
*****
في فيلا سالم وبالتحديد في غرفة شاهي كانت تتحدث مع حمزة في الهاتف : حمزة بجد متتصورش انت غيرت في حياتي كتير جدا .. هههههههههه تسلم يارب .. اه والله وكم وقاطعها دخول اخيها إليها فارتبكت كثيرا واردفت : طيب انا لازم اقفل وأغلقت الخط
فجلس أمامها على طرف الفراش قائلا
بتسائل : كنتي بتكلمي مين ؟
شاهي بإرتباك : صاحبتي
ادهم بعدم اقتناع : صاحبتك برضو
شاهي وكان الإرتباك بادي على وجهها : ايوة
ادهم : صاحبتك بتقوليلها انت غيرت في حياتي كتير
فاتسعت عيني شاهي : ها
ادهم بإبتسامة : يلا يلا احكيلي كل حاجة
شاهي وتنهدت بيأس وقصت كل شئ عليه
*****
كانت ملك تجلس ع مقعدها الوثير وتتفحص الأوراق التي أمامها بإهتمام فوجدت آحد يطرق ع الباب فهتفت دون ان تتطلع إلى الباب : ادخل
فدلف زياد للداخل وجلس ع المقد اللي أمام المكتب وهتف : ملوكتي
فتتطلعت إليه وقالت بتهكم : ملوكتك اخلص اكيد عايز مصلحه
زياد : ياااه يا ملوكة دايما فهماني بالظبط هو ده اللي عايزة
ملك بتأفف : طب انجز يلا
زياد : انا عايزك تشوفي سلمي
ملك وقد عقدت حاجبيها في إسغراب : سلمي مين
زياد : سلمي يا ملك اللي كانت زمان زميلتي في الجامعه وانتي كنتي تعرفيها
ملك بتذكر : اااه افتكرتها واكملت بإبتسامة : مالها بقى
زياد : انتي غيية ابت ما انا لسه قايلاك عايزك تشوفيها وهي كمان عايزة تشوفك
ملك وهي تشير نحو عينيها : عيوني الاتنين انا عندي كام زياد
فنهض من مكانة و ذهب إليها وقبلها من وجنتها واردف : روحي أنتي فدلف فجأة فارس واكمل بطريقة كوميدية : زي ما انتو
فالتفتو له وانفجرا في الضحك فاكمل
فارس : وكمان بتضحكو ماشي
فهتف زياد : طب يلا عشان متاخرش همشي وهبقى ابلغك بالمعياد يا ملوكة ماشي
ملك بإبتسامة : ماشي يا حبيبي
فقال فارس : وانا مليش
فرفعت ملك إحدى حاجبيها : ليك ايه ؟؟
فارس وهو يغمز لها بطرف عينيه : بوسة ولا زياد بس
ملك وهي تخرج لسانها له بنبرة مثيرة : تؤ زياد بس
فارس : ماشي انا قايم
ملك : بالسلامة ورفعت كوب النسكافيه الخاص بها وتجرعت قليلا منه
فكان فارس ع وشك الخروج فاكملت : اه فارس
فالتفت لها بإبتسامة : كنت عارف انك هتحني عليا وتتديني البوسة
ملك وهي تشبك اصباعها : ههههههه لا يا فروستي انا بقولك انك بس تاخد الباب وراك
فنظر لها بغيظ : ماشي ماشي يا ملك
فلوحت له لتثير غضبه : Bye
فكان وجهه أحمر اللون من كثرة الغيظ فدلف للخارج واغلق الباب خلفه واردف : ماشي يا ملك برضو هخليكي تحبيني
فضحكت ملك كثيرا وقالت : Yes هو ده ولسه يا فارس واطلقت ضحكة عاليه
*****
عودة مرة أخرى إلى شاهي وادهم فبعت ان قصت شاهي عليه كل شئ فصمت ادهم لعدة ثواني وكانت شاهي دقات قلبها تعلو وتهبط وهي منتظرة ردة فعله فقضمت اظافراها وهتفت : ايه يا ادهم ساكت ليه
ادهم ونظر لها نظرة ذات مغرى واردف : طيب ايه هيجي يطلبك منا قريب
فضحكت شاهي وقذفته بالوسادة : تصدق بقى انك رخم
ادهم : ده اللي هو انا برضو
شاهي : ههههههههه لا خيالي
ادهم : ماشي وانا هستناه
شاهي : بس لسه بدري يا ادهم ع الكلام ده
ادهم : لا يا قمورتي من ورا قلبك الكلام ده
شاهي ونظرت بخجل له : ها
ادهم بضحك : ها طيب يلا نامي
شاهي : ماثي يلا تصبح ع خير
ادهم وقبل جبتها : وانتي من أهله يا قلبي
*****
بعد ان انتهى مواعيد العمل لملمت ملك أشيائها ودلفت لخارج غرفة مكتبها وكانت ع وشك الخروج من باب الشركة حتي وجدت شخص ما يوقفها فنظرت له فاردف : مساء الخير يا ملك هانم انا مجدي شغال هنا معاكم
ملك : نعم يا مجدي خير
مجدي : بصراحة عايزة اقولك لحضرتك ع حاجة مهمه
ملك : خير ؟
مجدي : نادية
ملك : نادية مين ؟
مجدي : نادية زميلتي في العلاقات العامه
ملك بإيجاز : ماشي مالها
مجدي : بتخون حضرتك
ملك بسخرية : هه بتخوني ازاي يعني
مجدي بجدية : اقصد انها بتلعب من ورا حضرتك وبتحاول توصل اخبارك واخبار الشركة لحد برا
ملك بصدمة : نعم !!
مجدي : زي ما قولت لحضرتك كده
ملك : طب تعالى في مكتبي عشان مش هينفع هنا
وبالفعل ذهبو إلى مكتبها فأغلقت جيدا الباب واكملت : كمل وعرفت ازاي
مجدي : بصراحة دايما بشوفها بتتكلم في التليفون ومع حد غريب وسمعت انها بتقول للشخص ده اخبار عن الشركة
ملك وابتدا الدم يغلي في عروقها : الزبالة وانا هعرف ازاي اوريها شغلها
مجدي : لا يا ملك هانم بلاش تعملي حاجة لان مفيش لسه دليل قوي عليها
ملك : هو هيكون في دليل اكتر من اللي قولته
مجدي : بلاش برضو وخلينا نستنى ونحطها تحت المراقبة اكتر عشان حضرتك لما تيجي تمشيها يكون بدلائل قوية
ملك بتأفف : اوووف ماشي
*****
كان يسير بغضب شديد في مكتبه ليردف بنبره عاليه : يعني ايه انت عبيط كده يعني في الاخر خدت اللي عايزاه ولبستنا احنا في الحيط
عامر وهو يحاول ان يهدأ من روعه : يا آسر بيه للأسف هي حطتني قدام الأمر الواقع وبصراحه معرفتش اتفاوض معاها كتير من صدمتي
آسر وقد استشاط غضبا : عشان واحد غبي اصلا مشغله معايا وحمار يلا برة من هنا انت مرفوض بررررة
ليدلف عامر للخارج وهو يجر اذيال خيبه الأمل خلفه
فضرب آسر بقبضتا يده فوق سطح المكتب بغضب
ليردف وهو يتطلع أمامه بنبرة تحمل الغل والحقد
: ماشي يا ملك لسه الطريق في اوله وهنشوف مين اللي هيوصل في الاخر .......!
يتبع ..
