لا حظت العمه رجاء عدم وجود كريم فقالت
:اومال فين كريم ؟
ابراهيم. عنده شغل قال لازم يخلصه ف الشركه
حسين. مممم ابنك ع طول هربان كده يا ابراهيم ماشي بس لما اشوفه
ابراهيم. انت عارف ان كريم بيحب الشغل ومديله كل وقته
حسين . احنا مخلضين الشغل كله امبارح ياابراهيم ابنك بس الي ديما يخلع ما علينا لما اشوفه هملصله ودانه
ابراهيم . هههههه براحتك ما هو ابنك برضو
حسين. ااااه كان نفسي ياابراهيم يكون ابني فعلا بدل خلفه البنات دي
ابراهيم. ومالهم خلفه البنات ياحسين ربنا يباركلك فيهم انا عندي هاله بنتي بالدنيا وما فيها
حسين. ياعم دول بلوي م بلاوي الزمن ممنهمش منفعه لكن الولد هو الي بيشيل اسمك بعدكده ومن بعد ه ولاده كمان
ابراهيم.. الكلام ده كان زمان ياحسين وكله نعمه من ربنا وكريم ابنك برضو ولا ايه
حسين. اه طبعا وعشان كده انا عايزك ف موضوع مهم
ابراهيم. خير
حسين . بعد الغدا ان شاء الله نشرب الشاي واقولك
....... ...................!...............
العمه رجاء: الواد كريم ده وحشني اوي الواد ده براوي مبيسالش ع حد
ابراهيم. شغل يارجاء وانتي عارفه كريم حياته كلها شغل وبعدين احنا هنقضي القعده كلها ف سيره كريم ولا اي يلا كلو بقا بسم الله ...
بعد الغداء اتجمع حسين وابراهيم مع بعض
والعمه رجاء ووزوجه حسين مع بعض وباقي الفتايات مع بعضهن .....
مني: ازيكم يابنات احكولي بقا اخباركم اي انا انشغلت عنكم الفتره الي فاتت بسبب الامتحانات بس خلاص فضيتلكم بقا
جميله: بخير الحمدلله طمنينا انتي عملتي اي ف الامتحانات
مني: والله يعني كانت صعبه شويه تعرفي ياجميله انتي ف رحمه والله خالي عمل فيكي معروف انه خلاكي تعدي ومتكمليش ده الجامعه والدراسه ده حاجه تقرف
شردت جميله في تلك اللحظه التي حرمها والدها ان تكمل تعليمها وتحقق ذاتها وكأن مني داست ع جرحها فكم من أمنيه أضاعها من بين يديها كم من دموع انهمرت من عيناها كم تألمت هي وإخواتها وما السبب في ذلك ! إنه الاب ! الاب!!!!!! يا له من جبروت يأمر وينهي ثم يعيش طبيعي بعد ان حطم ودمر من حوله......
تحدثت فاطمه وقالت: ومين قالك يامني ان الدراسه قرف جميله كانت بتتمني تكمل تعلميها وتحقق ذاتها لكن القدر بقا هنعمل اي
مني: بس غريبه اوي ان انتي يا فاطمه تكملي تعليمك وجميله لا نفسي اعرف ليه خالي فرق بينكم كده اشمعنا
فاطمه: كل واحد مش بياخد غير نصيبه بس الفرق اني مسكتش واصريت وقلت باعلي صوتي هكمل يعني هكمل اما جميله اختي فهي حاولت لكن سكتت ف الاخر لارضاء بابا بس عوض ربنا ليها هيبقي اكبر مكافاءه ان شاء الله
ساره: تؤ تؤ اي الدراما قومي ياختي انتي وهي يلا نرقص ونفرفش يخربيت النكد وعبو شكلكو يلا بس
مني: ههههههه اهو البت اللمضه دي الي فيكو ضربه الدنيا صرمه ،، فاطمه:ههههه اه والله يابختها بدماغها
هاله: عن اذنكم انا هقوم اقف شويه ف البلكونه
فاطمه: وانا هاجي معاكي يالولو استني
........ .......... ................
فاطمه: مالك ياهاله ليه ديما سرحانه ووحيده كده
. انا فعلا وحيده يابطه انتي عارفه اني خسرت اعز الناس وسابت وجع ف قلبي كبير اوي صعب يداوه
. عارفه وحاسه بيكي والله ياحبيبتي بس الدنيا مش هتقف ولازم تمشي وبعدين انا جنبك ومش هسيبك ابدا
. بس الدنيا عندي وقفت يابطه ومش راضيه تمشي انا اتكسرت بعد موت امي وفرحتي ضاعت ومبقاش ليا احلام هي كانت دنيتي واديها راحت وخلاص
. مسحت فاطمه دموعها بحنين وقالتلها انتي كده بتعذبي نفسك وتعذبي ماما معاكي لازم تبقي اقوي من كده
. مش قادره كل ما افتكر اليوم ده بيجيلي انهيار مش مصدقه الله يرحمك يااعز الناس
. هاله حبيبتي انتي اقوي من كده ده قضاء ربنا وانتي مؤمنه وعارفه كده كويس
. ونعم بالله
. ايوه كده فين بقا الضحكه الحلوه
. ابتسمت هاله ابتسامه حزن وقالت: ربنا يخليكي ليا يابطه انتي بجد اختي ربنا ما يحرمني منك
. ولا منك حبيبتي ياغاليه عليا
....................................................
ابراهيم :ها خير ياحسين كنت عايزني في ايه ؟
حسين: خير ان شاء الله انت عارف ان كريم ده ابني الي مخلفتوش فعشان كده انا هاخده لبنت من بناتي ايه رايك .....
نظر له مستغربا وقال: هتاخده !! طيب نشوف رأي كريم اي !
حسين يعني اي المهم انت توافق وبعدين نشوف راي كريم
ابراهيم : انا معنديش مشكله بس هي مين بقا ف البنات
حسين : جميله في ناس متكلمين عليها وساره لسه صغيره ومفيش غير فاطمه...........
YOU ARE READING
أحّببتُ فَاطَمَه (الرجل الغامض بسلامته) بعد التعديل بقلمي / فاطمة حمدي
Romantikkظن أن كل النساء صنف واحد ظن أنهن خائنات وأخذها قاعده في حياته أنهن لا يحببن الا أنفسهن فقط والخيانه تجري في دمهن ولكن.. ببرائتها كسرت هذه القاعده ببرائتها حطمت أسوار كبريائه وعشقها رغما عنه فهي خطفت قلبه وأصبحت حبيبته (أحبّبتُ فَاطَمَه) ......
