فاطمه: يالهوي يا ساره اهو ده الي كنت خايفه منه هنتصرف ازااااي ياربي ازاي
ساره: مش عارفه اعمل اي انا هموت م الخوف ممكن في اي لحظه يروح لبابا او كريم
فاطمه.. وكمان كريم يادي الفضيحه الي احنا فيها استر يارب
ساره.. انا بفكر اخلي سها صحبتي تكلمه وتقنعه ميعملش كده ويحذف رسايلي من عنده
فاطمه.. وتفتكري ممكن يسمع الكلام
ساره.. مش عارفه
فاطمه.. شوفتي وصلتينا لحد فين يا ساره شوفتي اي ممكن يحصل ليه كده يا ساره هو احنا ناقصين ده ابوكي بيتلككلنا من غير حاجه وواقفلنا ع الواحده ما بالك بقا لما يعرف العمله السوده دي !
ساره.. ارجوكي يافاطمه انا مش مستحمله حاولي تساعديني والنبي عشان خاطري
فاطمه.. لا اله الا الله طيب روحي نامي دلوقتي وبكره ابقي كلمي صحبتك تكلم الزفت ده وابقي قوليلي اي الي حصل وربنا يستر
ـــــــــــــــــــ ـــــــــــــــــــ ـــــــــــــــــــ ـــــــــــــــــــسافرت جميله مع زوجها الي شرم الشيخ التي يوجد بها عمل زوجها فسوف تستقر وتأتي كل حين الي القاهره... والان توجهو الي فندق كبير ليقضوا فيه شهر العسل ... صعد الاثنان الي الجناح الخاص بهما وما ان دخلت جميله أصابتها الرعشه والخوف وابتلعت ريقها بتوتر وجلست ع طرف الفراش
اقترب منها إسلام زوجها وقال: انا ممكن اسيبلك الاوضه كلها لو مش حابه وجودي وابات في اي حته تانيه
جميله: ـــــــــــــــــــ
اسلام: طيب هتفضلي ساكته كتير كده.
جميله: ـــــــــــــــــــ
اقترب منها اكثر وجلس بجوارها فانتفضت هي وابتعدت بسرعه عنهاستغرب إسلام وقال .. ياااه لدرجادي خايفه مني اومال اتجوزتيني ليه ووافقتي عليا ليه ؟
نظرت له بتوتر قائله: أنا مش خايفه
. إسلام:. لا انتي خايفه اوي مني بس انا عايز اطمنك واقولك اني جوزك مش جلادك ولا عمري هأذيكي
ابتدي الخوف يقل داخل جميله نظرت الي الارض وظلت صامته
إسلام.. برضو هتفضلي ساكته هو انتي متجوزاني غصب عنك ولا اي
نظرت له بدموع وقالت : لا انا عشان اول مره ابعد عن اخواتي و آآ ...
اسلام: وايه؟ خايفه مني صح
ابتلعت جميله ريقها وأومأت برأسها بمعني آه
اسلام بابتسامه: انا مقدر احساسك كويس وعارف اننا ملحقناش نتعرف ع بعض لكن انا اول ما شوفتك حسيت اني مرتحلك جدا وطلبت من ربنا انك تكوني مراتي اي رايك بقا
نظرت له باستغراب وقالت: ها
اسلام .. اه والله زي ما بقولك انا ارتحتلك جدا من اول مره
. جميله:. يعني انت مش متجوزني غصب عنك ؟
اسلام.. انتي بتقولي كده عشان انتي متجوزاني غصب عنك وفاكراني زيك صح
.. ع العموم ياستي انا هريحك وهحكيلك اي الي حصل بالظبط انا والدي قالي ان في عروسه بنت صاحبه واداني مواصفات عنك كتير مش هكدب عليكي موافقتش في الاول لكن والدي اقنعني اني اروح معاه وقالي كده كده مش هتخسر حاجه وبعدين قول رايك واقتنعت بكلامه ورحت شوفتك وبصراحه مخسرتش خالص انا كسبت واتجوزت احلي بنوته اهو
اطمئن قلب جميله وتنهدت بارتياح لكلماته معها وأحست انه انسان محترم وسيكون زوج صالح
اسلام: انا عايزك تطمني ومتخافيش مني وانا هسيبك ع راحتك خالص لحد ما تخدي عليا وتطمني اكتر ولو عايزني اسبلك الاوضه كلها واحجز اوضه تانيه انا معنديش مانع
جميله بارتباك: لا
اسلام بابتسامه:طيب يلا قومي غيري واتوضي عشان نصلي وربنا يباركلنا في حياتنا
جميله: حاضر
YOU ARE READING
أحّببتُ فَاطَمَه (الرجل الغامض بسلامته) بعد التعديل بقلمي / فاطمة حمدي
Romanceظن أن كل النساء صنف واحد ظن أنهن خائنات وأخذها قاعده في حياته أنهن لا يحببن الا أنفسهن فقط والخيانه تجري في دمهن ولكن.. ببرائتها كسرت هذه القاعده ببرائتها حطمت أسوار كبريائه وعشقها رغما عنه فهي خطفت قلبه وأصبحت حبيبته (أحبّبتُ فَاطَمَه) ......