أحّببتُ فَاطَمَه (الرجل الغامض بسلامته) بعد التعديل بقلمي / فاطمة حمدي

البارت السادس

فاطمه: اي ده يا ساره ينهار اسود ومنيل ينهار اسود
ساره: اهدي يا فاطمه ارجوكي وانا هفهمك بس اسكتي لبابا يسمع والنبي
..بابا اي هو ده كل الي همك ده لو عرف هيقتلك والله هيقتلك
..بكت ساره وارتعشت وانهارت
..استغفر الله العظيم يارب معقوله يا ساره انتي تعملي كده معقوله بتكلمي شباب وكلام حب ورمانسيه انتي يالي متلعطيش م البيضه دنا طول عمري بوعيكي وبخاف عليكي وكنت خايفه لتعملي كده ليه يا ساره ليه عملتي كده ردي عليا
..غصب عني والله مكنتش عارفه اني هتمادي ف السكه دي ولا كان ع بالي كده
..انا حقيقي مش قادره اصدق ازاي عملتي كده
..اوعي تقولي لبابا يا فاطمه والنبي اوعي تقوليله عشان خاطري
..ياريت كان ينفع اقوله لو كان اب عاقل زي بقيه الابهات لكن انا عارفه انه ممكن يموتك ف ايده مش عارفه اعمل معاكي اي يا ساره حرام عليكي
..ببكاء شديد انا اسفه والله انا غلطانه
..مين الي انتي بتكلمي ده من ع الفيس ؟
.لن تجيبها بل ظلت صامته
..انطقي مين ده
..منا خايفه اقولك
..يبقي حد نعرفه صح
..نظرت لها وأومأت رأسها بإيجاب
..يادي المصيبه السوده مين يا ساره انطقي
..ساره بخوف اسمه وائل
..وائل!! مين اوعي تقوليلي الواد الفرفور ده الي ساكن في العماره الي قصادنا ابن الناس الاغنيه
..أومات برأسها بمعني آه
.. يالهوي يادي الفضيحه يادي المصيبه ازاي جالك قلب تعملي كده ازااااي دول يابنتي ناس معندهاش اخلاق ولا ادب ولا حيا دول ناس ميعرفوش ربنا بمعني الكلمه هان عليكي منظرنا قدام الناس هانت عليكي سمعتك وسمعتنا عايزه الناس تقول علينا اي
..ازدادت ساره بكاء وقالت : انا اسفه يا فاطمه والله ما كان قصدي كل ده
..اتعرفتي ع الواد ده ازاي وامتي وازاي عرف يوصلك ويكلمك
..بقالي فتره كبيره وكان ديما يكلمني وانا راحه المدرسه انا وسها صحبتي وهي الي خلتني اكلمه وقالتلي كل البنات بتعمل كده وعادي
..وانتي طبعا زي الهبله اي حد بقولك حاجه تعمليها ما علينا الواد ده تنسي خالص وتعمليله حظر من عندك ولو شوفتي تمشي ومتكلمهوش خااالص فاهمه يا ساره فاهمه
..حاضر اوعدك هعمل كده بس متجبيش سيره لحد
..مش هجيب بس لازم تعرفي ان انا زعلانه منك جدا وانتي غلطتي غلطه كبيره يا ساره بس الاهم انك تصلحي الغلط وتدعي ربنا يسامحك ويستر ومفيش حاجه توصل لابوكي
.. حاضر يا فاطمه حاضر
.،،،،،،،،،،،،،،،،،،،،،،،،،،،،،،،،,,,,,,,,,,,,,,,,,,,,,,,,,,,
كريم ،، خير يا بابا مالك شكلك تعبان
ابراهيم،، مش عارف يابني حاسس بدوخه كده اظاهر كده السكر عالي عليا
كريم.. سلامتك يا بابا الف سلامه طب قوم اوصلك للبيت ترتاح
ابراهيم.ً لا يا كريم انا متعود ع كده متقلقش المهم انا عايزك تفكر كويس ف الموضوع بتاع الجواز وتحكم عقلك بدل ما نخسر بعض انا وعمك يابني ويبقي في بنا عداوه
كريم.. استغفر الله العظيم يارب لا يا بابا بجد حرام عليكو الي بتعمله ده انت كمان هتضغط عليا ارجوك يا بابا انا مش ممكن اتجوز مش هجوز اصلا سبوني ع راحتي بقا
.. يا كريم عمك ممكن يعمل حاجات انت متتخيلهاش وهنخسر كل حاجه اسالني انا عليه ده مبيحبش الا نفسه
..ولا يهمني يا بابا يعمل الي يعمله المهم انه ميمشيش كلامه عليا انا مش عيل صغير يعني هيعمل اي يعني
..انت ناسي ان كل حاجه باسمه وممكن يخسرنا كل حاجه
..اي الظلم ده هو الجواز بالعافيه وبالغصب اي الافتري ده
..عشان خاطري يا كريم يابني وافق وريح ابوك م كل ده انا كبرت يابني ومش حمل بهدله
..احتار كريم بس مش قادر يوافق مش متعود ان حد يجبره ع حاجه
..كريم اسمع كلامي يابني انا رغم كل ده برضو مش عايز اخسر اخويا ابويا وامي ف اخر ايامهم وصونا ع بعض وانا لحد دلوقتي مش عايز اخلف الوعد
..ياسلام يا بابا اومال الي هو بيعمله ده اي ده ظالم ومفتري
..هو خان الامانه لكن انا عمري ما هخونها وبقولك لاخر مره عشان خاطري انا وافق يا كريم
  ..معلش يا بابا مش هقدر واعلي ما في خيله يركبه ومش هيقدر يعملك حاجه طول منا موجود
..كده يا كريم ماشي
..ارجوك يا بابا متزعلش مني
..نهض الاب من مقعده متوجها الي الباب وما ان وصل أحس بدوخه ورعشه فتهاوا جسده ولم يعد قادر ع ان يتمالك..

أسرع كريم نحو والده بخوف شديد قائلا : بابا ف اي رد عليا بابا ارجوك تجمع موظفين الشركه كلها وع راسهم عمه حسين 😡
وتم نقل  ابراهيم الي المستشفي فورا بسياره  الاسعاف
....،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كريم ،، خير يا دكتور طمني والدي في ايه وايه الي حصله
..اهدي خير ان شاء الله متقلقش والدك زي الفل بس جاله هبوط نتيجه انخفاض السكر في الدم وواضح انه مكلش اي حاجه م الصبح وده غلط جدا ع مريض السكر فمتقلقش علقناله محاليل وان شاء الله هيبقي كويس
..يارب ان شاء الله شكرا يا دكتور وادار رأسه للاتجاه الاخر فوجد عمه فنظر له بغضب ولوم وعتاب
.
.حسين.. اي يا كريم الدكتور قال اي
..ويهمك في اي خايف عليه مثلا؟؟
..اي ال انت بتقوله ده انت اتجننت يا كريم
..لا متجننتش لسه بس انا ممكن اوريك الجنان الي ع اصوله لو ابويا جراله حاجه بسببك وعايزك تعرف انك مشترتناش بفلوسك ولا تقدر تشترينا
...لا ده انت بجد عايز تتربي انت بتتحداني وبترد عليا كمان
..لو هضيع مني اغلي  ما املك فانا هتحداك بكل ما عندي من قوه وانت م ش ه ت ق د ر عليا فاهمني !!!!!
وتحرك بعيدا عنه حتي لا يصب عليه غضبه ويفعل ما لا يحمد عليه .....
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طرقت هاله باب منزل عمها بشده  وفتحت فاطمه ..
هاله : فاطمه لو سمحتي ترني ع عمي تسالي بابا مش بيرد عليا ليه ولا كريم
..طب اهدي يا هاله متقلقيش في ايه
..لا انا قلبي مقبوض من بدري ومش بيردو عليا انا خايفه اوووي
..طيب ياحبيبتي تعالي اعدي هرن ع بابا حالا مسكت الفون ورنت برضو مش بيرد تؤ مبتردش انت كمان يا بابا خير يارب
..استر يارب خير وبداءت تبكي من الخوف وفجاءه اتصل كريم ردت بلهفه اي يا كريم ف ايه مبتردش لا انت ولا بابا انتو كويسين
..بابا تعب شويه يا هاله ووديته المستشفي
... يالهوي تعب ازاي يا كريم كان كويس قبل ما ينزل يا حبيبي يابابا انا جايه
..استني يا هاله جايه فين بابا كويس الدكتور طمني عليه متخافيش وعموما انا هاجي اخدك بالعربيه عشان تطمني جهزي نفسك
..بسرعه يا كريم الله يخليك
.. حاضر