أحّببتُ فَاطَمَه (الرجل الغامض بسلامته) بعد التعديل بقلمي / فاطمة حمدي

البارت السابع

ساره وسها صحبتها مع بعض في المدرسه
سها: مالك يا ساره فيكي اي شكلك متغير
ساره؛ اختي فاطمه عرفت كل حاجه عن علاقتي بوائل
سها: ياخبر عرفت ازاي وامتي
ساره: شافت كل رسايلنا ع الفيس وكان شكلي وحش اوووووي قدمها
سها.. واتصرفتي ازاي
..وعدتها اني مش هكلمه تاني ومليش دعوه بيه
..وهتقدري تبعدي عنه بالسهوله دي
..اختي فهمتني ان كده غلط ولو بابا عرف هتبقي مصيبه وبصراحه معاها حق وانا وعدتها خلاص
..بس ياتري وائل هيعمل اي لما يعرف انك مش هتكلمي تاني
..هيعمل اي يعني انا عارفه انه بيحبني وممكن يجي يتقدم ويخلصني من العيشه دي
.. هههههههههههه
..بتضحكي ع ايه ياسها !!
..لا ولا حاجه عادي ..
...................................................استغربت ساره م ضحكه سها وسرحت
.............
هاله .. بابا حبيبي الف سلامه عليك
ابراهيم.. الله يسلمك يا هاله متبكيش يابنتي انا كويس متخافيش
هاله.. قلقتني عليك اوي يابابا ربنا يخليك ليا وميحرمنيش منك ابدا
ابراهيم.. مسح ع ظهرها بحنان وقال ويخليكي ليا يابنتي
كريم.. الف سلامه عليك يابابا خضتنا عليك
ابراهيم.. بنظره عتاب الله يسلمك يا كريم
كريم. . انت زعلان مني ولا اي يا بابا
ابراهيم.. مانتا مش راضي تريحني يا كريم ولا تعمل الي بقولك عليه عشان خاطري انا بس
هاله.. في اي يابابا
ابراهيم.. اخوكي راكب دماغو ومش عايز يتجوز بنت عمه ولا حتي عشان خاطر ابوه
كريم.. طب وانا فين يابابا انا فين فين خاطري انا يعني انتو كده بتحكمو عليا بالتعاسه طول العمر الي بيحصل ده ميرضيش ربنا
هاله.. طب جرب مش هتخسر حاجه وريح نفسك والي حواليك
كريم.. لا هخسر كتير هخسر حياتي كلها يا هاله
ابراهيم.. طيب ريح عمك دلوقتي عشان يبعد عنا وبعدين انت حر ابقي سيبها
هاله.. اه ده حل كويس يا كريم عشان خاطري وافق بقي بابا مش حمل تعب تاني

شرد كريم في حيره من أمره فقد كان اخر توقعاته ان ينجبر ع شئ لا يريده فهل من الممكن ان يتنازل ! ويخضع لأمر عمه ولكن همه الاكبر هو والده فانه يخشي عليه من ان يصيبه اي مكروه فلن يملك غيره هو وأخته ؛

هاله.. ها يا كريم قولت اي
كريم.. استغفر الله العظيم هفكر في الموضوع ده والي عايزه ربنا هيكون
ابراهيم.. بس متتاخرش عليا عشان اسكت عمك
كريم.. حاضر يابابا
ابراهيم.. هو الدكتور قال هخرج امتي م المستشفي انا خلاص حاسس اني كويس
كريم.. قال النهارده بليل هروح اشوف شغلي واجي نروح مع بعض وخلي هاله معاك لحد ما اجي
ابراهيم.. ماشي بس وانت جاي تكون جايبلي قرارك الاخير عشان نخلص م الموضوع ده
كريم.. بخنقه حاضر يابابا
....................................ً.ــــ
جلست جميله وتركت لدموعها المجال لتنساب من عيناها لعلها تزيل عنها تلك الهموم التي اثقلت عليها ... تخشي من والدها ومن رد فعله فكل ما عليها انها سلمت امورها للذي لا يغفل ولا ينام       

فاطمه.. جميلتي زعلانه ليه في حد يبكي وهو هيتجوز خلاص )اختها بتهون عليها بضحكه مرسومه وماهي كمان موجوعه وبتحاول تخفف الامها )
جميله.. ياتري مكتوبلي اي وايه مستخبيلي تاني في الدنيا دي
فاطمه.. كل خير ان شاء الله وعسي ان تكرهو شيئا وهو خير لكم انتي سلمتي امورك لربنا يعني لازم تطمني ومش تبكي ابدا
جميله.. مسحت دموعها ونعم بالله العلي العظيم.. وانتي قررتي تعملي اي في موضوعك ؟
فاطمه.. تنهدت ووضعت يديها ع خدها مش عارفه يا جميله مش عارفه انا حاسه اني هموت من التفكير
جميله.. اسمعي كلامي ووافقي يا فاطمه مهما كان حياتك هتبقي اي برضو هتبقي احسن من العيشه الي عايشنها دي خلصي نفسك من تحكماته وظلمه لينا انا مش مرتاحه للجوازه دي وممكن حياتي تبقي تعيسه بس انا موافقه بس عشان اخرج من هنا وابقي حره ولعل ربنا بينجيني
فاطمه.. انا حاسه ان كريم مغصوب عليا لاني انا عارفه انه مش بيطيق البنات ولو هو مغصوب هتبقي عشتي معاه مرار
جميله. . كريم اه صعب وعصبي بس راجل وعنده اخلاق شوفتي بيعامل اخته ازاي وحنيته عليها وبيعامل عمي ابراهيم ازاي ده لو وحش من جواه مكنش يحبهم بالطريقه دي انا بحسد هاله انها عندها اخ زيه وانا حاسه انك لو عرفتي تتعاملي معاه هيحبك اوي صدقيني
فاطمه.. يحبني اي بس يا جميله ده انا بخاف منه والله ولو صدفت ولمحني بس بيبصلي بصه غريبه بصه بترعب اه والله
جميله.. هههههههههههه ياستي متخافيش دي عقده وبكره تتفك ويبقي كويس
فاطمه.. لا يا جميله انا خايفه اوي مش عارفه اعمل اي
جميله.. سلمي امرك لله ووافقي وبطلي مجادله مع ابوكي ده لا عنده شفقه ولا رحمه وبعدين ياستي دي خطوبه لسه ومحدش عالم هتكمل ولا لا
فاطمه.. خايفه يا جميله وانتي هتتجوزي وتسبيني
جميله.. انا هتابعك ع طول وبعدين معاكي ساره وماما وهاله وبكره كريم هيبقي ضهرك وسندك وهو الي هيحميكي من بابا كمان وبكره تشوفي قولي موافقه وريحي نفسك
فاطمه.. ربنا يستر ع ايامي الي جايه 😞
..................................................
رن هاتف ساره فنظرت الي الشاشه لتجد اسم (وائل) 
ساره.. الو
وائل.. مش بتردي عليا ليه
ساره.. انا هقولك بصراحه اننا مينفعش نكمل مع بعض بالشكل ده وكده علاقتنا حرام وربنا هيحاسبنا
وائل.  ومن امتي الكلام ده ان شاء الله
ساره.. م دلوقتي وياريت متتصلش بيا تاني لاني بجد مش عايزه مشاكل
وائل.. بس انا مقدرش اعيش من غير ياساره وبحبك
ساره.. لو بتحبني تعالي اتقدملي ويبقي كله ف النور
وائل.. هههههههههههه
ساره.. بتضحك ع ايه
وائل. . انتي اتجننتي يابت انتي ياحتت عيله لا راحت ولا جات اتقدم لمين انا يوم ما اتجوز هختار ست البنات مش واحده لمؤاخذه
ساره.. انهارت م الكلام يعني انت كنت بتتسلي بيا بقا يا زباله ياعديم الاخلاق
وائل.. ايوه ايوه اعملي بقا الشويتين بتوع البنات الفكسانه دي ياسافل ياوطي انت معندكش اخواتي بلاستك والاسطوانه المشروخه دي
ساره.. انت واطي وربنا هينتقم منك اشد انتقام وانا غلطانه اني كلمت واحد زباله زيك ومتورنيش وشك تاني
وائل.. استني يا حلوه هو دخول الحمام زي خروجه اوعي تفتكري نفسك ناصحه لا دنا لسه هوديكي ف داهيه لما اوري لابوكي الرسايل بتاعتك وصورك الي كنتي بتبعتهالي وكلام الحب والرومانسيه ياقطه واوريها بالمره لابن عمك الي عملي فيها راجل حمش واوريهم بنتهم بتعمل اي
ساره.. كل ده يطلع منك انت حرام عليك اتقي الله وابعد عني احسن ليك هتستفاد اي من ده كله
وائل.. هههههههههههه وقفل السكه ف وشها
وجلست ساره تبقي وتقول يا خساره ....
.............ً.......................  

ذهب ابراهيم الي منزله بصحبه كريم وهاله وما ان دخل وجلس قال ع الفور

ابراهيم.. ها يا كريم يابني فكرت
كريم.. فكرت يابابا
ابراهيم.. ها
كريم.. بدموع محبوسه موافق