أحّببتُ فَاطَمَه (الرجل الغامض بسلامته) بعد التعديل بقلمي / فاطمة حمدي

البارت الحادي عشر

البارت الحادي عشـــر

جلست ساره تفكر كيف ستتصرف في هذه الوقعه التي أوحلت نفسها فيها .. شاورت عقلها ومر الوقت حتي عاودت فاطمه الي المنزل ....

فاطمه: يااه ده انا تعبت اوي النهارده والجو كان حر اوي ربنا يرحمنا
صمتت ساره ولن تتحدث 
فاطمه: اي يا ساره في اي مالك صحبتك كلمت الواد ده ولا لا
.. اه كلمته
.. وقالها اي
.. هقولك بس مش تتعصبي عليا انا مليش دعوه
.. انطقي يا ساره في اي
.. قالها عشان يحذف كل الرسايل لازم اروحله البيت
.. نعم ياختي!! البيت لا ده بجد انسان اقذر مما كنت متخيله
.. طب هنعمل اي في المصيبه دي
.. مش عارفه مبقتش عارفه حاجه خالص معرفش اي الحل
.. طب اي رايك اروح مع سها ويحذفها ونخلص
..انتي اتجننتي يا ساره انتي بتقولي اي ده انسان قذر والله اعلم ممكن يعمل اي
.. منا عارفه بس انا مرعوبه انا ولا كان ع بالي اعمل كده ولا كنت متخيله ان ممكن اتحط في موقف زي ده ياربي انا اسفه والله ما هعمل كده تاني يارب استرها معايا يارب
.. استغفر الله العظيم نعمل اي يارب نعمل اي بس
.. انا عارفه انه انسان معندوش ضمير ومش هيسكت وهيوديني في داهيه بس انا ممكن استحمل اي حاجه يافاطمه الا ان بابا يعرف حاجه
صمتت فاطمه في حيره من أمرها لتفكر ماذا تفعل لتنجي أختها
ســاره:. طيب اي رايك لو تيجي معايا ونروح انا وانتي وسها وبكده هنكون مطمنين شويه ببعض
فاطمه : مش عارفه يا ساره انا مضمنش برضو ممكن يحصل اي
.. عشان خاطري يافاطمه مفيش غير الحل ده عشان خاطري ساعديني قبل ما بابا يعرف
.. طب قدري حصل حاجه ياساره واحنا لوحدنا كده ساعتها هيكون اي العمل بقا ها
.. ان شاء الله مش هيحصل حاجه وبعدها هنرتاح من الموضوع ده
.. استر يارب
..ها اكلم سها واخليها تستنانا ونروح قبل ما بابا يجي م الشغل
.. كلميها وربنا الستار
ـــــــــــــــــــ ـــــــــــــــــــ ـــــــــــــــــــ
في "الشركه"
أحس كريم بألم في رأسه فأنهي شغله ونهض متوجها خارج مكتبه فاصطدم بوالده ...
ابراهيم: رايح فين يا كريم انت مروح ولا اي
.كريم:. اه يابابا مروح حاسس بصداع جامد ومش قادر اركز في الشغل خالص
. ابراهيم:. طيب يابني الف سلامه عليك روح اتغدي ونام شويه وارتاح
.كريم:. ماشي يابابا مش عايز حاجه مني
. ابراهيم:. لا يابني سلامتك يلا روح
. ـــــــــــــــــــ ـــــــــــــــــــ ـــــــــــــــــــ
توجه كريم الي خارج الشركه وانطلق بسيارته حتي وصل الي المنزل وترجل من السياره وصعد درجات السلم وفي نفس الحين كانت فاطمه وأختها ساره نازلين وع وجههم الرعب لاحظ كريم ارتباكهما ولكن اتجه الي الشقه بلا مبالاه ودلف لداخل واغلق الباب
ـــــــــــــــــــ ـــــــــــــــــــ ـــــــــــــــــــ

ساره.. يالهوي هو كريم عارف حاجه ولا اي
فاطمه: وهيعرف منين ياهبله
ساره: اصل بيبصلنا بصه غريبه كده
فاطمه: هو ع طول كده يلا بس احنا عشان مش نتاخر
ونزل الاثنان متوجهين للخارج وكانت تنتظرهم سها توجهت معهم الي منزل وائل وصعد الثلاثه الي ان وصلوا الي باب الشقه ابتلعت فاطمه ريقها بخوف وارتجفت ساره بشده فهما الان امام منزل شاب اذا تحدثنا عن النداله سيكون هو بأول القائمه ...
طرقت سها الباب ففتح وائل وما ان رأهم ابتسم بانتصار وكأنه كان في تحدي وهن خضعوا له وانتصر عليهم فقال بسخريه:
.. اهلا اهلا يا آنسه ساره اتفضلو
فاطمه.. لو سمحت ممكن تحذف رسايل اختي دلوقتي قدامنا وتمسح صورها الي عندك بالمعروف وكل واحد يروح لحاله
وائل:. طيب اهدي بس الاول اتفضلو مش هنتكلم ع الباب كده ياقمر
فاطمه: لو سمحت احنا مش هنتفضل خلصنا بدون مشاكل
وائل': وانا مش هحذف حاجه الا لما تخشو جوه انا مش لوحدي متخافوش اوي كده
فاطمه.. لا احنا مبنخافش بس برضو مش هندخل حضرتك خلصنا بقا
وائل.  طيب وانا مش هخلصك الا لما تدخلي وهمسحهم قدامك
سها.. ادخلي يافاطمه متخافيش مش هيعملك حاجه
فاطمه.  انا مبخافش قولت ولو سمحتي اسكتي انتي وسبيني اتصرف
وائل.. خلاص متدخليش وروحي واستني ابوكي بقا يامحترمه انتي واختك لما يجي ويسالك ع الي بنا
توترت ساره من جملته الاخيره وقالت : ادخلي يافاطمه انا معاكي ادخلي الله يخليكي
فاطمه.. طب احنا نضمن منين انك مش هتقربلنا
وائل.. متخافيش وبعدين احنا مش لوحدنا في ناس عايشه حوالينا
فاطمه ـــــــــــــــــــ
وائل.. ها اتفضلو بقا
تنهدت فاطمه بخوف وامسكت بيد اختها ودلفت الي الداخل وتابعتهم سها
وائل.. اتفضلو استريحو هجيب الفون واجي
وتحرك من امامهم وتوجه للداخل وبعد قليل خرج بعد ان اتفق مع صديقه بالداخل ماذا سيفعلو بهن اقترب منهن وقال: وادي الرسايل ياستي حذف وادي الصورحذف اي خدمه ارتاحتو دلوقتي
فاطمه.. اه متشكرين اوي يلا ياساره وأمسكت بيد اختها وهمت بالوقوف وقبل ان يتحركا سمعا صوت شاب وهو يقول : ع فين ياحلوه انتي وهي هو دخول الحمام زي خروجه
ارتعب ثلاثتهم من صوته المرعب وشكله الضايع اتسعت عين ساره وارتجفت بشده ولن يختلف حال فاطمه عن حال اختها ولكنها تظاهرت بالقوه قائله: اه ياندل ياحيوان انا كنت حاسه انك هتعمل كده حاولت ان تركض وتشبثت باختها ولكنهما اقتربا منهن وابتدي بالاعتداء عليهن فصرخ ثلاثتهم وجاهدت فاطمه بكل ما اوتيت من قوه بان لا احد منهما يلمسها هي واختها .... دفع وائل سها اثناء اعتدائه عليها مما جعلها تقع وترتطم بسن الطاوله بشده فسالت الدماء من دماغها بشده وأغشي عليها
صدم جميعهم من منظرها المريب وكأنها فارقت الحياه انتهزت فاطمه الفرصه وامسكت بيد اختها جيدا وركضت مسرعا ولكنهما لاحقوها ولكنها كانت الازكي وركضت نحو المطبخ وبحثت سريعا عن اي شي ينجدها منهما فلن تجد الا برطمان الشطه فتحته بسرعه شديده ودفعته في عين الاثنان فتوجعو صارخين فركضت سريعا هي واختها هاربه ونجت بأعجوبه من تلك الشباب الفاسده .....

ركضت فاطمه هي واختها الي ان وصلو للمنزل وهن في رعب تام مما حصل ...
فاطمه.. ااااه ياقلبي اه قلبي هيقف مستقبلنا كان هيضيع وكنا هنموت وهنعيش مكسورين انا مش قادره اصدق الي حصل
ساره.. بتبكي ومنهاره سها ماتت سها ماتت يافاطمه يالهوي ياحبيبتي ياسها ياتري اهلها هيعملو اي
. فاطمه: ينهار اسود ومش فايت ده احنا شكلنا هنروح في داهيه دي جريمه قتل تعتبر يالهوي يالهوي دي المصيبه بقت مصيبتين
انهارت ساره في البكاء ولم تعد تتمالك فالان الخوف اصبح اكثر من قبل
فاطمه.. يارب ساعدنا يارب المهم مش تبيني عليكي اي حاجه وربنا يستر ويعدي الموضوع ده ع خير
ـــــــــــــــــــ ـــــــــــــــــــ ـــــــــــــــــــ

عدت عده ساعات ورن جرس منزل ابراهيم بشده فتوجه كريم ليفتح ويري عسكري واقف امامه نظر له مستغربا وقال: خير؟
تحدث العسكري قائلا: دي شقه الاستاذ حسين
اصاب كريم الفضول وقال: لا دي شقه اخوه وانا ابن اخوه هو في اي ؟؟
قال العسكري بجديه: طب فين شقه استاذ حسين
تحدث كريم وقال: فوقينا بس عرفني ف اي
العسكري : انا معايا استدعي رسمي لبناته فاطمه حسين وساره حسين
اتسعت عين كريم غير مستوعب ما قاله قائلا: نعمممم !!! استدعي لمين اكيد في حاجه غلط!