Isla Verde #4: Too Far Away

Kabanata 38

Cute!

Kabanata 38

Normal ang mga sumunod na araw pagkatapos ng kaarawan ni Jella ay kinailangan naming bumalik ng Maynila dahil sa aking trabaho. Sobrang kinukulit ako ni Cali na manatili muna sa Isla Verde dahil sinabihan naman raw niya si Rocket tungkol sa bakasyon.

Ayaw ko lang talaga, bukod sa hindi fair iyon para sa mga katrabaho ko ay masyado na akong nasasanay sa gawaing lumiban sa trabaho. Hindi talaga tama iyon, hindi ako nagtapos para tumambay.

Kailangan ko pang mag-ipon, babayaran ko si Cali. Ayaw kong tanggapin ng buo ang bahay at lupang iyon na siya ang gumastos, hindi ko sigurado kung magkano ang kailangan ko pang maidagdag sa binayad ko.

"Cali, nakakainis ka na talaga!" halos pasigaw at nanggigigil kong sinabi.

Pinasadahan ko ng tingin ang lahat ng nakakalat na paperbags at supot sa sahig ng apartment ko.

"I told you, I won't accept money from you. Ang kulit mo rin, baby..." naiinis pero banayad niyang sabi.

"Pero hindi mo ako naiintindihan! Kung ayaw mo sa pera ko, ibigay mo sa Nanay mo. Tutal ay siya naman ang bumili ng lupang 'yon!"

His eyes darted at me.

"I won't let you live there if she owns it! I bought it for your 21st birthday, that's my gift."

"Birthday!" I exclaimed in disbelief. "Nababaliw ka na ba?"

"Oo, sayo. Matagal na."

"Where the hell did you learn that, Caspian!?" pagalit kong tanong. "Napaka-jejemon mo! Ang corny!"

He laughed heartily and went closer to me. Hinila niya ang kamay ko at pinaupo ako sa kanyang hita. Nag-init ang pisngi ko pero nanatili ang tingin ko sa limpak-limpak na paperbags ng branded at imported na kagamitan sa sahig.

Halos pinuno niya ang buong living area, I'm not even sure if those would fit me! Alam niya ba ang size ng mga damit ko? Sapatos at kung ano pang pasok sa panlasa kong mga damit o bags? Lahat na yata naroon, e.

"Tss, selos. Luma na ang line na 'yon." he said, chuckling.

I rolled my eyes.

"Alam ko, Cali. Kaya nga ang jeje mo, e. Hindi ko alam na ganyang klase ka," patuyang sabi ko.

"Alam mo? Bakit mo alam? May mga gumamit na sayo noon?" he said hoarsely.

Sa panggigigil ko, kinurot ko ang ilong niya. He scrunched his nose and hugged my waist tightly, napahalakhak ako. Nagpatak siya ng maliliit na halik sa balikat ko at pisngi.

"Oo, marami na." pang iinis ko.

Umirap siya at pabirong tinulak ako kaya napatili ako dahil sa takot na malaglag sa sahig. Tumawa siya at agad ulit akong niyakap.

"Marami, huh? Sino? Si Rekta? Raleon? Bronson? Bentong? Ran? Matthew?"

Suminghap ako at matalim siyang tiningnan, hindi ako makapaniwala na seryoso ang kanyang mukha ngayon at bakas ang inis dahil sa tanong.

Wow, Cali. Wow.

"Seriously? May asawa na si Bronson at matalik kong kaibigan! Si Matthew ay kaibigan mo, ano ba naman 'yan, Cali?"

"They liked you! Anong gusto mo, matuwa ako na may nagkakagusto sa'yo? Ikaw ang baliw."

Nanlaki ang mga mata ko, I laughed mockingly and slapped him. He just frowned, lumuwag ang pagkakayakap niya sa akin kaya lalo akong nainis. Hinawakan ko ang braso niya at muling pinulupot sa aking baywang.