فلنتصارع إذا

الفصل الأول

في صالة تدريب المصارعة....
كان ' كابتن حسام' يتكلم مع بعض الشباب على أشهر المصارعين العالميين، بينما كان بعض الشباب يتدربون على حركات الهجوم و الدفاع، البعض الآخر يجلسون يتسامرون قليلا.. ولكن صوب الجميع أبصارهم عندما سمعوا صوت باب الصالة ينفتح.. في عادة تلك الصالة التدريبية لا يجب مقاطعة التدريب.. يتم إغلاق البوابة لحين انتهاء التدريب..
نظر الجميع لذلك الشاب (او هكذا ظنوا) ذو بدن ضئيل مقارنة بهؤلاء الحيتان البشرية.. كان يرتدي طقم رياضي كامل، كاب يغطي على ملامح وجهه وشعره..
دلف الشاب الي الداخل حتى صار أمام كابتن حسام
حسام: انت مين يابني.!
انطلق صوت غير مألوف اهو أنثوي ام ذكوري.؟ إذا كان ذكوري فهو صوت رفيع كثيرا، وإذا كان أنثوي فهو ثقيل كثيرا ايضاا.!
- المفروض ان مستر مدحت بلغك بمجيئي هنا.
- مستر مدحت.!! لا م....
ولم يكمل جملته حتى تذكر حديث زميله كابتن مدحت مدرب كرة السلة.
__________________
حسام: لا يا مدحت انا مش باخد تدريب بنات معايا انت عايزني اتشل ولا ايه يا راجل
مدحت: ياحسام البت ناشفة جدا دي اكتر واحدة كفاءة في البنات كلهم و كلهم مستواهم ميجيش حاجة جنبها
حسام: بردو يا عم مانت عارف الي بدربهم عاملين ازاي ياكلو الازاز لكن دي تجيلي واحدة التمرين تقولي متضربنيش في وشي عشان بتوجع ولا بلاش تدريب النهاردة عشان ضوفري بيوجعني مش ناقص انا.!
مدحت: معقولة ياحسام بقى اول طلب اطلبه منك ترد كدة، جربها ياعم أسبوع ولا حاجة و شوفها البنت اساسا متعرفلهاش سكة مسترجلة وملهاش في شغل البنات يعني شايف الاخ ده اهو في انوثة عنها
( ولد كان معدي لابس بنطلون مقطع و تيشيرت واسع وسلسلة لغايت بطنه و شعره طويل عشرين سن فوق )
حسام: طب ماتروح تمرين ستات ايه الي يحشرها وسط رجالة
مدحت: جربت كل التمارين و بتتفوق على كل الي فيهم، وهى واخداك قدوة ياخي و نفسها تتعلم على اديك.
تنهد حسام تنهيدة طويلة وهو يفكر في ذلك الطلب
مدحت:عشان خاطري يا حسام انا اول مرة اطلب منك طلب متكسفنيش
حسام:ماشي بس هو أسبوع واحد ولو صدر منها اي حاجة هتطرد
_________________
حسام: اهاااا هو انت الي عايزة تشتركي معانا في التمرين
البنت: مظبوط يا كابتن
علت همسات الاستنكار بين الحاضرين، منهم مستنكرين من كونها فتاة، ومنهم مستنكرين من كون فتاة تتدرب معهم
تنهد حسام وهو ينظر متصفحا إياها من أعلاها لاخمص قدميها
حسام: طيب، مبدئيا في تعليمات لو خلفتيها هيتم طردك، اولا ممنوع اكيد التأخير. الباب ده لو اتاخرتي خمس دقائق بس هتلاقيه مقفول، وقتها تروحي احسنلك عشان مش هتخشي
ثانيا : هنا تنسى تماما امر انك بنت انت هنا دكر زيك زينا.!
أحد الشباب: تنسى ايه يا كابتن ما هى ناسية لوحدها اهى
علت الضحكات الساخرة بين الحاضرين بينما نظرت لهم الفتاة نظرة استحقار جانبية ولم تعطي للامر أهمية
حسام : هشششش سكوت.! انت اسمك ايه.؟
كاميليا يا كابتن.
حسام: طيب يا كاميليا تقدري تقوليلي تعرفي ايه عن قوانين المصارعة
كاميليا: اعرف كل حاجة عن المصارعة.
حسام: والله.! طب تمام.. ممكن تورينا اي حاجة من الي تعرفيها.! ثم أشار بيده الي الحلبة وهو ينده على أحد الشباب
حسام: تااااااممرر
تامر: امرك يا كابتن
____________________
صعدا كلا من كاميليا و تامر الي حلبة الاشتباك
بقت كاميليا على وضعها على الحلبة شابكة كلتا يديها معا. تنظر ببرود ولا مبالاة الي تامر الواقف أمامها يتنطط على الحلبة في مختلف الجهات مبتسما بسخرية وهو يمد يده في حركة مباغتة ليضرب كاميليا إمام وجهها ويتراجع..و في لحظة غير محسوبة باغتت كاميليا بضربة قوية في فك تامر السفلي اسقطته أرضا...
اندفع على اثرها المتواجدين قليلا.
نهض تامر وهو يمسح الدم المتساقط من فمه، واقترب بسرعة من كاميليا ليرد لها اللكمة، مسكت كاميليا بيده التي تكورت لضرب وجهها و بيدها الأخرى لكمته ثانية و بقدميها اليمنى عركلته بحركة معاكسة فانكسرت قدمه اليسرى .. لم يتمالك نفسه ف صرخ صرخة ضعيفة ضامما قدميه لبعض
تامر: اهااااااا يابنت ال*****
اندهش جميع المتواجدين من ضرب كاميليا، تامر كان من المصارعين المتميزين بينهم، وها هو ذا يندب على تلك الضربة التي من الميسر ان تصيب بمستقبله..حتى الكابتن حسام اندهش و أعجب بقوة كاميليا
________________
كانت على وشك النوم عندما اقتحمت غرفتها اخوتيها.." ملك" و " ليلى"
ملك:كيمووو، عامل ايه يا وحش
ليلى: موتيلك كام واحد النهاردة يابرنس
كاميليا: اهاااا انتم فايقين ورايقين بقى وهتروشنو عليا دلوقت.!
ليلى: اكيد
ملك: مش هنسيبك في حالك غير لما تحكيلنا عملتي ايه النهاردة بقى
كاميليا: ملكوش دعوة روحوا اتخمدو انا مصدعة وعايزة انام
ملك: دي عايزة تنام وتسيبنا.!
ليلى: دي مجنونة ولا ايه يلا يابت يا ملك نعرفها احنا ممكن نعمل ايه.!
كاميليا: اطلعو برا بدل ماوريكو انتم الاتنين انا ممكن اعمل ايه.!(قالتها وهى تحرك سبابتها مشيرة إليهم في تحذير )
ملك: اوباا لآ انا هخلع
ليلى:طب يادوبك بقى مزعجكيش، يلا تصبحى على خير يا حب.!
وفر الثنائي "ملك و ليلى" سريعا
إذا،، هذه هى "كاميليا مختار" بنت اللواء "مختار السيد" -رحمه الله- الكبري، توفى ابيها وهى في ال12 من عمرها، تركها هى و امها( التي أصيبت بحادث -و كاميليا في 17 من عمرها- أدت إلى عدم قدرتها على المشي ) و اخوتيها " ملك" و " ليلى في المرحلة الدراسية الثانوية ، أما كاميليا ذات ال24 من عمرها وانهت مرحلتها التعليمية بعد التخرج من كلية'التربية'
ولم تعمل بعد.
كاميليا مثل مافهم البعض لا تربطها علاقة بالأنثى سوى التكوين السيكولوجي فقط، من يراها ولا يعرفها يظن انها ولد ليس بفتاة ابدا، لقبها الشهير"كابتن كيمو" ذلك لمظهرها الذكوري و احترافيتها في 'المصارعة' أكثر من الشباب أنفسهم..
____________