بنوته عايزه تلتزم ( الجزء الثاني )

ذكر الله 🌸

بقيت بتفضل #الوحده
مش لانك حابب دا لا ..... لانك #مضطر لده !!
بتحس انك خايف علي سلامك الداخلي من #عالم_مخيف
الناس من حواليك بقيت مش علي الفكره عادتاً و كأنك في لعبة resident evils منهم شياطين في شكل بشر بيوسوسو للشر و الفتنه و منهم اكلي لحوم اخواتهم بشكل معنوي بشكل بيوصل للبشاعه
لف و دوران و غش و مخالفات رهيبه في الدين و افكار و تصرفات وصلت لحد الفجور !
حتي اقرب الناس ليك بقي بيصدر منهم تصرفات مش مقبوله من فطرتك الطيبه ... !! سواء دا في حقك او في حق نفسهم فإنت من جواك بتحس بوجع قلب علي نفسك و عليهم و علي حال الامه
بقيت مستغرب نفسك وسطهم !! انا ايه اللي جابني الزمن ده ! بصعوبه اصلاً تقدر تلاقي حد شبهك ف فطرتك دا لو قدر الله و لقيت ... !!
و الفتن و الافكار السيئه و الذنوب بقت عامله زي الفيرس بتتنقل بسرعه مخوفاك تتحول زيهم
#الاغرب ان الصراع الخارجي ده اتنقلت ليه صوره مصغره جواك ... !!
بصراع اشد ما بين شهواتك و رغباتك و مبادئك و ايمانياتك !! لدرجة وصلت بيك انك بتصبح علي حال مع الله يفرحك و ع اخر الليل في اليوم نفسه حزين علي حالك اللي بيتقلب من ساعه لساعه ... !
جواك سؤال دايماً بتسأل نفسك انا مين فيهم ؟! هاتف قوي جواك بيقولك انت مستحيل تبقي وحش !! و هاتف تاني بيقولك صعب تبقي كويس ؟!!!
متخبط .... متحير زهقت من حالك حاله وصلت بيك لمرحله ما قبل اليأس و الاكتئاب اللي بيؤدي للإنتحار الحتمي !!!
خليني اقولك حل اللغز جواك !!!
انت مشكلتك انك فاهم معاني الالتزام غلط !!
الالتزام معناه انك تتقي الله .... و معني تقوي الله برضه فاهمه غلط ؟!! تقوي الله تعريفها ربنا قاله في القرٱن بشكل واضح لما قال " وَ سَارِعُواْ اِلَي مَغْفِرةٍ مِنْ رَبِكُمْ وَ چَنَةٍ عَرْضُهَا اَلْسَمَاوَاتِ وَ الارْضِ اُعِدَتْ للمُتَقِينْ " ( 133 )
طيب مين هما المتقين يارب
" اَلَذِينَ يُنْفِقُونَ فِي اَلْسَرَاءِ وَ اَلَضَرَاءِ وَ اَلْكَاظِمُينَ اَلْغَيْظَ وَ اَلْعَافِينَ عَنْ اَلْنَاسِ وَ اَلَلهُ يُحِبُ اَلْمُحْسِنِينْ ( 134) وَ اَلَذيِنَ إذَا فَعَلُوا فَاحِشَةً اَوْ ظَالَمُوا اَنْفُسَهُم ذَكَرَوُا اَلَلَه فَسْتَغْفَرُوا لِذُنُبِهِم وَ مَن يَغْفِرُ اَلْذُنُوبَ اِلَا اَلَلَهُ وَ لَمْ يَصِرُوا عَلَي مَا فَعَلُوا وَ هُمْ يَعْلَمُون "
معني كده انك ممكن تكون بتغلط و تكون من المتقين ؟!
اه ممكن ؛ بس بشرط " وَ لَمْ يَصِرُوا عَلَي مَا فَعَلُوا وَ هُمْ يَعْلَمُون " بإنك تكون متمسك بإنك تكون من جواك صدقاً مش عايز تذنب و ماشي في الدنيا مش بتتصيد الفتن و الذنوب !! و لو ضعفت في يوم لانك مش معصوم و خطاء تكون خير الخطائين التوابين زي ما قال النبي !! تندم علي الذنب .... تندم انك عملته تتمني انك تكون معملتوش اصلاً و لو حسيت الاحساس ده اعرف ان ربنا اصلاً غفرلك
و خليني اقولك الوحده مش هي الحل ... ربنا مخلقش المؤمن عشان ياخد جنب من الدنيا و الناس لا .... ربنا خلقك حتي عشان تعمر ما افسده الناس .... اخرج للدنيا و واجه الناس خليك اقوي من مواجهة الفتن و تقدر تنتقي الصالح من المفسد و تختار تصاحب مين ... بطل نغمة اصلها صاحبتي من زمان و هي اللي جيت في طريقي فـ صاحبتها ولا لا اصل هو وحش في كذا بس دمه خفيف و بحب قعدته مين هيعرفك " يوم يفر المرء من اخيه " مين هايعرفك يوم " الاخلاء يومئذ بعضهم لبعض عدو "
ربنا فهمك و النبي من بعده ( المرء علي دين خليله فالينظر احدكم من يخالل ) يعني لازم تدور بتصاحب مين الموضوع مش هزار صاحبك بيسحبك مهما قولت مش بتأثر والله هيأثر فيك مع الوقت و انك تألف معاصيه قدامك بيخليك انت نفسك بتألفها لنفسك و تضيع فطرتك و مبادئك ....
#ترمومتر ايمانك مش ثابت فـ اوعي تعتمد عليه انه دايماً هينقذك وقت الفتن ... !!!
خلي ربنا معاك دايماً و انت معاه دايماً والله هايحفظك من كل فتنه و وسواس و من شر الدنيا و مفاتنها
و عشان ربنا يكون معاك هو قالك " و انا معه اذا ذكرني " اكثر من ذكر الله فـ صلاه فـ قرٱن فـ درس تسمعه يذكرك ما نسيت " فإن الذكري تنفع المؤمنين "
ماتعتمدش علي معلوماتك و مبادئ التزام اتعلمتها من زمان الانسان مع الوقت بينسي و دايماً محتاج من وقا للتاني يسمع دروس تفكره بـ الدين و مبادئه و صفات الله و اخرته ..... محتاج تكثر بذكر الله بلسانك و قلبك ... ربنا انر المؤمن في اشد مواقف حياته صعوبه بذكره وقت لقاء الجيوش موقف صعب فيه لحياتك لدينك متخيل ... !! ربنا امرك ساعتها " فأثبتوا و اذكروا الله كثيراً " ذكر الله خير معين علي الدنيا والله و سبب توفيق و حفظ و اطمئنان قلب " الا بذكر الله تطمئن القلوب " ذكر الله هيكون سبب تغير جذري في حياتك اقسم بالله للأفصل في كل حاجه شغل و بيت و صحاب و كمان سبب تغير اخرتك للجنه ان شاء الله 😊
#كومنت بذكر الله 😄🌸
#طعم_المرار_جوه_الروح_ملوش_حل_غير_ذكر_الله 🌸