بنوته عايزه تلتزم ( الجزء الثاني )

متنوعه 💜🎀

شاب محترم شاف بنت وعجبته، راح يخطبها وأبوها وافق، لما قعد مع البنت في بيتهم عشان يتعرف عليها كويس حس إن البنت مش مبسوطه، وبتتعامل وهي سرحانه وكأنها بتفكر في حد تاني. (خليك فاكر الموقف ده)
الشاب قالها: إنتي بتحبيه؟
البنت اتخضت وبصت في الأرض وقالت بصوت واطي: أيوه
الشاب قالها: طيب هو ليه مجاش عشان يخطبك ؟
البنت قالت: عشان هو مش لاقي شغل وبابا مش هيوافق
الشاب قالها: هاتي رقمه وانا هحاول أجيبله شغل وبعدين ييجي يتقدملك
البنت من كتر فرحتها دموعها نزلت وهي بتبتسم، جابت رقم حبيبها وأعطته للشاب
الشاب اتصل بالولد وقاله مش عيب تكون بتحبها وتسيبها لواحد تاني؟
الولد قاله غصب عني لأن ظروفي مش كويسه ومش لاقي شغل ... و...و...و...
بعد الموقف ده وخلال يومين بس كان الولد التاني إشتغل في وظيفه كويسه ومرتب كويس من طرف الشاب الأول، وبعد فتره البنت اتخطبت لحبيبها واتجوزوا.
لحظه واحده هنا:
فاكرين لما كانت في الصالون مع الشاب الأول وخلاص هتتجوزه؟
عارفين إيه اللي غير كل حاجه كده فجأه واتجوزت حبيبها بعد ماكانت هتتخطب وتتجوز حد تاني؟
السبب هو إن حبيبها كان بيصلي صلاة الحاجه، اللي بسببها ربنا غير في القدر، ورزقه شغل وفلوس وجعله هو زوج البنت اللي حبها رغم كل ظروفه.
صلاة الحاجة هي الصلاة التي يصليها الإنسان للتوسل إلى الله في قضاء أي أمر يحتاجه.
كيف نصليها:
يقول النّبي: (من كانت له عند الله حاجة أو عند أحد من خلقه، فليتوضأ ويحسن الوضوء، ثم يصلي ركعتين، ثم يقول:
(لا إله إلا الله الحليم الكريم، لا إله إلا الله رب العرش العظيم، الحمد لله رب العالمين، اللهم صلِ وسلم على سيدنا محمد، اللهم إني أسألك موجبات رحمتك، وعزائم مغفرتك، والسلامة من كل إثم، والغنيمة من كل بر، والفوز بالجنه والنجاه من النار، اللهم لا تدع لي ذنب إلا غفرته، ولا عيب إلا سترته، ولا دين إلا قضيته، ولا هم إلا فرجته، ولا حاجة من حوائج الدنيا والأخره هي لك رضا ولنا فيها صلاح، إلا قضيتها ويسرتها لنا يا أرحم الراحمين) -
(ثمّ بعد ذلك تدعو الله وتطلب منه ما تشاء - فإن الله قادر).
إتعرفوا على دين ربنا، واعرفوا إن في صلاه إسمها صلاة الحاجه، اللي يصليها لاااااااازم مصلحته تتقضي مهما كانت الظروف.
لو كملت القصه استغفروا الله

اضحكوا شوويه بقي 😂😂👌

#نصيحة لكل البنات 😂😂😂
..

1- مبدئياً مفيش حاجه اسمها هيشيلك ويلف بيكي الا اذا كان حجمك يساعد او هو يكون متمرن كويس 💪💪

2- وانتو علي الشط بلاش تشوطي الميه في وشه وتعمليلي فيها يسرا وهو محمود حميده عشان الميه الملحه لو جت في عينه رد فعله مش هيعجبك ممكن تاخدي شلوت زي بتاع عادل امام لعايده رياض وساعتها ماترجعيش تعيطي 😪😭

3- فكرة انِك تصحيه بقوالب تلج في قفاه دي مش مضمونه.. غالباً مش هيقوم يضحك ويجري وراكي في الاوضه عشان يزغزغك.. ده كله خيال علمي .. افضل سيناريو لو هو ابن ناس كبيره هينكد عليكي لكن لو عربجي زي اللي بنشوفهم في الشارع حاولي تكوني مبتسمه بقا وهما بيغسلوكي 😂😂

4- لما تكونوا نايمين وتصحي تلاقيه واقف في البلكونه بيشرب سجاره مع كوبايه شاي اتنحنحي او اعملي اي صوت عشان لو اتسحبتي وخضتيه بحضن خلفي زي بتاع الافلام اللي لحست دماغك حاجه من الاتنين ياكوباية الشاي تقع عليه وتجبله تسلخات يا إما وشك كله هيتشوه 😂

5- بلاش تطفي عليه نور الحمام وهو بيحلق دقنه لحد ماتتأكدي انه مش بيخاف عشان لو اتلبس عيشتك هتبقي مطينه بهباب 😒

6- لو وزنك فوق الـ 90 وهو وزنه فوق الـ 100 والنبي بلاش تجرو ورا بعض علي الشط وتعملولي فيها فاتن حمامه وعمر الشريف لان الجري بالاوزان دي مش هتعرفوا تفرملوا وهتقعوا تعجنوا بعض وتعجنوا اللحظه الرومانسيه دي قدام كل المصيفين 😂

7- وانتو في المطعم بلاش تأكليه بايدك عشان لو ايدك اتهزت ووقعت حاجه علي هدومه خصوصاً لو الطقم ده غالي عليه الخروجه هتبوظ واحتمال برستيجك وحياتك كلها تبوظ😂😂😂👌👌

#شقاوووة 😹😹😹