اللي بيتلخبطوا بين التهجد والقيام والتراويح ومش عارفين الفرق بينهم 😄❤
ركزوا معايا في البوست ده ❤
س/ ايه الفرق بين صلاة التراويح ، التهجد ، قيام الليل ؟!
ج/ كلهم واحد .. مفيييش فرق بين التلاته 😃
كلهم #مسميات تطلق علي صلاة #التطوع_من_بعد_العشاء ..
بس الفرق كله في #توقيت صلاتك !
■ يعني لو صليت بعد العشاء مباشرة من غير ما تناملك حبة = تبقي #تراويح ❤
■ لكن لو صليت العشاء ونمت شوية وصحيت في الثلث الأخير من الليل = يبقي #تهجد ❤
■ #والقيام ده مسمي عام معناه = انك تقوم ليلك او جزء منه بين يدي ربك ❤
س/ يعني نصلي انهي واحدة فيهم .. وبأنهي نية ؟!
ج/ صلي التراويح بعد العشاء ..
وناملك شوية مثلا واصحي في الثلث الاخير صليلك ركعتين او اكتر تهجد ❤
يعني مش هتخسر حاجة لو صليت الاتنين 😃
س/ طب هيا كام ركعة التراويح ؟!
ج/ هيا علي الأرجح ١١ ركعة [ ده السنه وممكن تزود ، المهم تكون عدد زوجي ٨ مثلا وبعدها ركعتين شفع وركعة وتر فتصبح عددا فردياً اللي هو ١١ ] . ❤
س/ بنصليهم ازاي ؟!
ج/ ركعتين ركعتين .. بنصليهم [ مثني مثني ] .
- بين كل اتنين ناخد راحة نذكر الله دقيقتين كده ومنها نستريح [ عشان كده سموها التراويح ] 😆❤ .
س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لانها صلاة نافلة مش فرض ] . ☺
س/طب انا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] . 🌸
س/ الناس بتصلي بجزء في اليوم بس انا طاقتي علي أدها ومش هقدر .. ينفع اصلي بسور قصيرة ؟!
ج/ ايووون ينفع نصليها بقصار السور [ لغير القادر علي حمل المصحف او لغير القادر علي قراءة اجزاء كبيرة ] . 💜
س/ طب انا بصراحة مش هقدر أصلي 11 ركعة ؟!
ج/ لغير القادر علي اتمام الـ ١١ ركعة يصلي ركعتين .. صلي اي حاجة المهم تصلي ماتبخلش علي نفسك 🙈💜
KAMU SEDANG MEMBACA
بنوته عايزه تلتزم ( الجزء الثاني )
Fiksi Umumقالوا مستحيل قلت ان الله علي كل شئ قدير فـ ذاب المستحيل و بقي الامل 💙✋ و كلام الله يُتلي { قَدْ اُچِبَتْ دَعْواَتُكُمَا } 💜💛 الجزء الثاني من بنوته عايزه تلتزم ❤
