بنوته عايزه تلتزم ( الجزء الثاني )

حب شكلك 😉💪

أعرف من أنا ؟! 💛
انا بنت قبيحة الشكل جداً يعني ✋ ، كنت عارفة ، من غير ما حد يقولي ده انتي ولا اخوكي 😒 ، ولا ده شكل بنت  😂 ، مش عاوزه اكلمكم عن الوجع ،  ، انا امبارح حصل معايا موقف ، قابلتني بنت بتقول عن الحواجب وكده ، رديت قولتلها انا ماليش دعوة بالخاجات دي وبضحك 👈!! بصتلي قالت انتي يعني من البنات !! ، لتكوني فاكرة نفسك انثي اصلاً..
بصتلها ومشيت .. هي كانت بتهزر ولكن انا اتوجعت بجد ، و الصبح كنت بعمل صورة في الاستوديو كانت واقفه جنبي واحدة بصت لصاحبتها قالت ايه القرف ده دي فيها ملامح يعني !!

حتي لما اتعاكست قالوا اني وحشه ، و حتي البنات ضحكوا وقالوا بيعاكسوها علي ايه دي ، و اترد عليهم اكيد اللي بيعكسوا عمي 😃 ..  

بعيداً عن الستات اللي قالولي مين هيقدملك وانتي قصيرة ، رفيعه ، سمر ، فيكي حروق في وشك ، معندكيش مقياس الجمال ، شكلك مش حلو يعني 😒..
بعيداً عن نظره الخوف من شاب عاوز يتريق عليا !
و نظره أم بتقول يارب يابني ما يرزقك زيها عسل طنط 😂
بعيداً عن حياتي ، وان اهلي حلوين ، واني يا عسل طلعت لمين ، سمعت كلام كتير ، حتي لما تخنت قالوا يا عجله روحي يا عجله تعالي ، ايه ده هي امك عارفه انها خلفت بقرة ، ولما رفعت ، انتي مش عود فرنساوي لا ، انتي عضمه بلاش قرف !!!

حتي البوستات علي الفيس ، كلهم ببتكلم عن الجمال و انه كل حاجة حسيت الدنيا اتقفلت ، حتي الصحاب بقوا يصاحبوا الحلوين لان كده بيزداد حلوتهم اكتر !

انا نكرة ماليش وجود لاني في نظرهم وحشة ، او لاتي مختلفه عنهم ممكن !!

اتعقدت كرهت حياتي ، بقيت مش بطلع من البيت خلاص ، هقعد ليه اطلع اسمع كل ده ، حتي الصحاب مصاحبتش ، عرفت من كلامهم ان مفيش زوج هيعجب بيا مفيش حد هيحبني لاني وحشة !! خلاص واعتزالت العالم كله حتي اهلي  ..

__

في يوم قررت اروح دروس تنميه بشرية ، وعرفت ان هناك دكتور نفساني كمان قولت فرصه اهو اخرج من اللي انا فيه ، ودخلت و كان في قاعة كتير جداً .. و كان لازم مجموعه مننا تحكي عن نفسها ..

لاقيت بنت وقفت، قالت انها متعقدة من قصرها و ان عيروها كتير و تاتيه قالت رفعها و تالته تخنها ،  و قام شاب قال انه عنده بهاق ، وشكله والبنات بتتريق عليه ، و عيونه بكت وهو بيحكي ، و شاب قال انه هو واقف ف فرن بيشتغل علشان المصاريف ، اتحرق  و النار مسكت في ووشه ، و كان بوقه تقريبا وعين سليمة ، كانت عيونه بتحكي عنه والله ، لاقيت كلهم صعبين جداً حكايتهم ، سكت ومعملتش حاجة غير اني فضلت أعيط ، و لكن الغريبه اللي كان معانا ف المحاضرة منتقبه وسالها انتي ايه معقدك : قالت اني كيس زباله ، بصينا كلنا بستغراب قالت سمعت كتير كده ، سمعت اني ارهابيه ، اني بشعه علشان كده لابساه ، اتوجعت اوي ، لاني بعمل حاجة بحبها ،وعاوزة رضا مع ربنا ، مع ذلك  سمعت كلام خلاني اتهد بمعني الكلمة .. وسكتت ..