بنوته عايزه تلتزم ( الجزء الثاني )

الحجاب الشرعي

الحجاب الشرعي الصح 👌

أولا : علشان نبقي علي نور كلنا عارفين أن "الكارينا ، الفيزون ، البلوزة اللي لحد كمر البنطلون ، البنطلون عموما مش حجاب"
لأن الحجاب لا يشمل الرأس فقط بل يشمل الجسد كله

-الطرحة القصيرة اللي لحد الرقبة ومغطياها بالعافية مش حجاب واللي فوق الصدر كمان مش حجاب
ربنا قال ((وليضربن بخمرهن على جيوبهن)) والجيوب هي الصدر يعني لازم خمارك او طرحتك تغطي الصدر 

-البادي الكارينا اللي بيتلبس تحت الدريسات مش حجاب لأنه بيفصل حجم اليد ومن شروط الحجاب الشرعي أنه يكون فضفاض

-الشميز لحد الركبة وتحته بنطلون مش حجاب والله لأنه شايفة رجل حضرتك ومميزها من البنطلون وشايفة حجمها وقولنا فوق ايه ان الحجاب لازم يكون فضفاض

-البنطلون الجيبة مش حجاب لأنه بيفصل من فوق وزيه زي واحدة جابت چيبة وضيقتها اوي من فوق ونزلت بوسع وبيفصل مناطق معينة
وحتي لو بعض المشايخ سمحوا بيه فأتركيه ارضاء لله ولأنه ف موضع شبهة وتذكري ان بعض الصحابة كانوا بيتركوا اشياء مباحة مخافة ان تسوقهم الي ما حرم الله

-البلوزة والجيبة الضيقين مش حجاب لازم يكون فضفاض يا مؤمنة 

-عطر مع حجاب لا مينفعش النبي صلي الله عليه وسلم قال(( أيما امرأة استعطرت فمرت على قوم ليجدوا من ريحها فهي زانية ))
يعني ايه امشي ريحتي وحشة ؟!!
لا مقولتش كده والله فيه اسبريهات طايرة حطي منه قبل ما تخرجي بعشر دقايق عشان ينعش اللبس وريحته متطلعش لما تخرجي

- اللبس الشفاف مش حجاب لأنه بيجذب جدا ومن شروط الحجاب الا يكون شفافا
طيب لو شفاف وتحته بدي كارينه ؟؟
مش حجاب والله بردو لأن كله ظاهر

- الألوان الملفتة زي الفسفوري والبمبي وما علي شاكلتهم من الوان شاذة غير متعارف عليها ف اللبس ومش مشهورة بين الناس مش حجاب والمطرز تطريز ملفت ومليان حاجات بتلمع وتنور مش حجاب لأنه بيجذب النظر ومن شروط الحجاب الا يكون زينة ف نفسه

آخر نقطة بقي "البنطلون"
مش حجاب والله لأنه أولا تشبه بالرجال وتشبه بالكافرات
زينة ف نفسه ، غير فضفاض ومفصل للجسم وملفت للنظر
ولا ينتمي للحجاب الشرعي بصلة

-طيب بعد كل اللي قولتيه ده انا هلبس ايه دلوقتي !! وليه التعقيد ده كله ده ربك رب قلوب واهم شيء القلب وطالما ربنا ف قلبي مش لازم البس لبس شرعي بطلوا تعقيد

= طيب هرد عليكي براحة وهكلمك بالعقل
اولا : عارفة ان ربنا رب قلوب وعارفة ان القلب موضع نظر الله .. بس لو قلبك اتملي بحب ربنا صدقيني هتنفذي أومراه بدون مناقشة هتبذلي الغالي والنفيس في سبيل رضاه بدون ما تجري ورا دنيا وشهوات ولا هتلتفتي ليهم اصلا
عارفة كمان اننا كنساء مجبولات علي حب الزينة واظهارها فما بالك انك بتقاومي فطرة اتفطرتي عليها وبتخبي زينتك وبتصوني نفسك لله وبتقوليله انا همي رضاك وبس يا رب
( لو قلبك اتملي بحب ربنا الحب ده هيظهر علي جوراحك وهتبصي تلاقيكي بتنفذي اوامر ربنا بكل حب بدون ليه واشمعنا لأن القلب ک الأناء وكل أناء ينضح بما فيه )
يعني حب ربنا مش أدعاء وبس ده تنفيذ واستسلام
-ثم يا اختي هي الجنة متستاهلش انك تتركي لبسك غير الشرعي ف سبيل دخولها ده الرسول قال "الا ان سلعة الله غالية"
والله حجابك صيانة ليكي ولأخوكي المسلم وحفظ زينتك لزوجك وبس .. واختبار صدق لـ حبك لربنا ومدي تنفيذك لـ أوامره

#اتحجبي_صح
#صفات_الحجاب_الشرعي