بنوته عايزه تلتزم ( الجزء الثاني )

رمضان ❤😁

الخطه الاولي عباره عن العبادات،،
1: يا ام قلب جميل الصلاه اول حاجه🤭،، الصلاه تكون ف ميعادها مفيش حاجه تتأجل،،مفيش حاجه اسمها هذاكر الحته دي بس واقوم🤨 ،، حطي نقطه وقولي استوب الصلاه ف ميعادها وهتلاقي بركه ف حياتك ووقتك😉،،
2:التراويح متسيبهاش دي بتيجي مره ف السنه بالله نضيعها يعني🤔 ،، هو احنا عارفين هتيجي تاني ولا لاه،، وخليكوا فاكرين التراويح عشان هعيد ذكرها تاني😎،،
3: القيام ،،التراويح تعتبر قيام 😎،، اي صلاه بعد العشاء اسمها قيام وفيه تهجد بيكون قبل الفجر ف الثلث الاخير والتهجد قيام برضو لكن نستغل الشهر ونصلي التروايح والتهجد ،، صلي ركعتين بس🤭 ،،
4: ختم القرآن ،، لازم وحتما ولابد انك تختمي القرآن ف رمضان طب نقول 4 خطط لختم القرآن😎،،
الاولي🙈 تختمي مره ف الشهر وده يعادل جزء كل يوم،، وانتي حائض تقدري تقرأي من الفون او امسكي المصحف بحائل،،
الثانيه🙈 تختمي 3 مرات ف الشهر،، ما يعادل مره كل 10 ايام ودي هتكون ازاي،،هتقرأي جزء بعد الفجر ،، وجزء ع مدار اليوم وجزء بعد التراويح ،،
الثالثه🙈 تختمي كل اسبوع مره ودي هتكون ازاي،،
جزء بعد الفجر،، جزء ع مدار النهار ،،جزء بين المغرب والعشاء،، جزء بعد التراويح كده28 جزء اخر جزئين يوم الجمعه اجازه زودي فيه الجزئين🤭🙈،،
الرابعه🙈 تختمي كل 5 ايام،،ودي هتكون ازاي،، جزئين بعد الفجر،، جزء ع مدار النهار ،، جزء بعد المغرب جزئين بعد التراويح،،
طب الناس اللي بتذاكر وف امتحانات وحاسه انها هتضيع وقت ،، خلي قراءه القرآن راحه بين المذاكره كل ساعه مذاكره مثلا خدي 10 دقايق اقرأي ف المصحف ،، واليوم اللي بتمتحني فيه اقرأي ف المواصلات ،، حتي لو مواصله خمس دقايق،،
5:الذكر،، لسانك لا يخلو من الذكر ،، استغفري وصلي ع النبي وسبحي،، بصي سلحي يومك بالذكر طب هتعمليها ازاي وانا اي وقت هقرأ ف المصحف عشان اخلص اكتر من ختمه ،،وانتي ماشيه مش هتعرفي تقرأي قرآن يبقي اذكري الله،، وانا نازله من المواصله اسكت🤔،، لا طبعا اذكري الله،،طب وانا بركب المواصله،، اذكري الله برضو😂،،
6:نحج ونعمل عمره ف رمضان🙈،،
طب ازاي ،، هقولك ازاي ،،رسولك بيقول من صلي الفجر في جماعه ثم جلس يذكر الله حتي تطلع الشمس ثم صلي ركعتين كتب له كأجر حجه وعمره تامه تامه تامه،،
نختار يوم حلو كده نصلي الفجر ونقعد نذكر ربنا لحد اما تطلع الشمس ونصلي ركعتين بعدها يتكتبلنا حجه وعمره🤭،،
7: الصدقه،،
من غير ما اكتر لان رغيت كتير فوق😂 ،، كل يوم طلعي جنيه بس متخليش يومك يخلو منها ،، طب انا مش هخرج كل يوم ،، طلعي ف اليوم اللي هتخرجي فيه زياده ،، ومننساش الكلمه الطيبه صدقه 😉،،
8:نحط جبر الخواطر كمان،، متقوليش انتي ف امتحانات ولا معلش مش فاضيه افكر ف حد،، لا يا ورد اجبري خاطر الناس اللي حواليكي ربنا يجبر خاطرك،، اجبريهم بكلمه ويبقي ضربتي عصفورين بحجر واحد منها الكلمه الطيبه صدقه وجبر خاطر😉
9: اماه ابتاه ليهم حق عليكي فين بر الوالدين 😍
👈هذا لحد الان ف الخطه الاولي لو افتكرت كمان حاجه هكتبها ف الملحوظات،،
#سمعاكي_يا_اللي_بتقولي_كده🤔
#حاجات_بسيطه_متتخضيش🤭
#رمضان_مختلف🙈💜

_الخطه التانيه ف رمضان،، اسمها الذنوب💔،،
=ايه ده انتي ناويه تخلينا نعمل ذنوب🤔،،
_ذنوب ايه اللي هتعمليها😳،، شكلك هتلبسيني بلوه🙄،،اسمها هنبطل ذنوب
=اه فهمت ،،معلش الحماس اخدني بس🤦‍♀️،،
_طب يلا يا حموسه هانم🤭،،نبدأ المقدمه الثرثاره اللي انا بحب ابدأ بيها😂،،
بما ان انا رافعه شعار السنه دي هاشتاج رمضان مختلف،،فهو فعلا لازم يكون مختلف ،،كلنا بنصوم ف رمضان بس بنصوم عن الاكل والشراب بس ،، مش الشراب اللي بنلبسه ف رجلينا لا 🤦‍♀️،،الشراب اللي بنبلعه🤪،،
=نبطل هزار شويه🤨،،
_حاضر يا ورد متزوقيش،، زي ماقولت كلنا بنصوم عن الاكل بس تلاقي اغلبنا رمضان مصاحبه ذنوب💔 ،، مع ان لو تأملنا شويه كلنا عارفين ان الشياطين متسلسله ف رمضان ،، فيبقي حجه السنه كلها اصل شيطاني غلبني دي ف الطراوه لان الحقيقه بانت اهي والمستخبي هيظهر🤨
=امال لما الشيطان متسلسل انا بعمل ذنوب ف رمضان ليه😳،،
_هقولك يا جميله،، الحقيقه ان النفس اماره بالسوء ،، وان النفس الاماره بالسوء دي عاوزه هلاكنا ،، مع اننا عاوزين لها الخير بس هي بتهيئ لنا الذنوب وتخلي قلوبنا مستعده تعملها بكل اريحيه وبدون تأنيب ضمير ،، لا وبنسمي الحاجات اللي بنعملها اللي ف الحقيقه ذنوب ،، تسالي الصيام🤦‍♀️،،
=انتي هتخنقيني يابنتي ليه،،ما احنا فعلا بنسلي صيامنا ده انتي خنيقه ، هعملك بلوك عشان زهقت😒،،
_طب يا ورد عاوزه افاجئك ان كده مش بتسلي صيامك ده انتي كده بتضيعي صيامك ،، بتضيعي البركه من ايدك💔 ،،
=لا بصي انا شوفت مسلسلات رمضان السنه دي ،، ومش هقدر اضيعها ،،مقدرش اضيع مقالب الواد رامز🥺،، رمضان الجاي هرفع معاكي هشتاج رمضان مختلف،،
_ بالله يا ورد انتي ضامنه تكملي رمضان ده عشان تستني رمضان الجاي،،قوليلي يا ورد هتبيعي جنتك عشان ايه💔 ،، عشان كام مسلسل ولا برنامج ولا ايه بالظبط💔 ،، هتقفي قدام ربنا لما يسألك عملتي ايه ف رمضان ،، هيبقي جوابك ايه💔،،
=انتي عندك حق ،، انا فعلا مش ضامنه ان ادخل رمصان ده يبقي ازاي بقول رمضان الجاي،،انا قررت هرفع هاشتاج رمضان مختلف،، يلا قوليلي الخطه التانيه،،
_ يلا مين مستني مع ورد الخطه التانيه
لرمضان
#يتبع...
#يلا_نقاطع
#رمضان_من_غير_ذنوب
#رمضان مختلف💜