Love Ne Bana Di Jodi

Misunderstanding

Ruhi - Subah se dekh rahi hoo tu bahut gusse me hai. kya hua?

Tiya - Kuch nahi. Tu office ke liye taiyar nahi hui ab tak.

Ruhi - Aaj main leave pe hoo. Tu bata na ki tu kyu itni gusse me hai.

Tiya - Gussa to mujhe itna aa raha hai ki ji kar raha hai uska murder kar du.

Nitya - Kiske murder ka plan bana rahi hai tu?

Tiya - Kal raat ko ek ladke ne mujhe phone kar ke mere sath flirt kiya.

Ruhi - Kya? Kaun tha wo?

Tiya - Pata nahi per usne mujhse itni badtamizi se baat ki itna kuch ulta sidha kaha..

Nitya - To tune use jawab nahi diya.

Tiya - Acche se jawab dene se pehle hi usne phone cut kar diya.

Nitya - To tu phone kar leti use. Phone me balance nahi tha kya?

Tiya - Mazak ke mood me nahi hu main.

Ruhi - Ye koi chhoti baat nahi hai Nitya. Pata hai kitni ladkiyo ke sath ye hota hai. Kuch ladke kahi se bhi unka number hasil kar ke unhe phone pe pareshan karte hai. Vulgar baatein karte hai. Kuch ladkiya ise sehti rehti hai. Per kuch to khud ko nuksan tak pahucha leti hai.

Nitya - Tiya tu phone laga use. Chhodna nahi hai use. Usko pata to chale ki usne  kisase panga liya hai.

Tiya - Usne mera number block kar diya hai. Warna main to use itna sunati itna sunati ki wo bhagwan se pray karta ki use kaan kyu diye.

Ruhi - Tera number block kiya hai na tu use mere number se phone kar le.

Tiya - Lekin. ..

Ruhi - Lekin kya?  Tujhe kya lagta hai mera number uske paas chala gaya to main problem me pad jaungi. Daar mat aaj hum uski aisi khabar lenge ki dubara hume to kya kisi bhi ladki ko phone karne se pehle hazar baar sochega.

Nitya - Tiya fikar mat kar. Number bol Ruhi tu phone laga. Us majnu ki majnugiri nikalte hai.

Ruhi dialed the number , here Aadi received the phone.

Aadi - Hello who is this?

Ruhi - Who is this! Dusro ko phone kar ke jab unhe pareshan karte ho to unhe batate ho who r u?

Aadi - Excuse me.

Nitya - Are wah baatein to dekho jaise kitna sharif ho lafanga kahi ka.

Aadi - Main?

Tiya - Haa tum. Bahut maza aata hai na ladkiyo ko preshan karne me unhe chhedne me. Lekin is baar tumne galat ladki ko choose kiya hai. Tiya hu main.

Aadi - Tum Tiya ho to main kya karu? Or mujhe phone kyu kiya hai?

Nitya - Taki tumhe tumhare kiye ka anjam bata sake. Tumhe sabak sikha sake.

Aadi - Wrong number.

Ruhi - Wrong to tum ho wo bhi insan. Kamine majnu ke khandan ki paidaish agar phir kabhi kisi ladki ko pareshan kiya to beech sadak pe joote se marenge.

Nitya - Tujhe takla kar ke marenge.

Tiya - Tera wo haal karenge ki tu apni shakal khud nahi pehchan payega.

Aadi - Shut up.

Ruhi - Chillao mat. Ek to galti ki uper se chillate ho. Khabardar jo aisi harkat dubara ki jaan le lenge hum tumhari.

Aadi - Tum log pagal ho kya?

Ruhi - Haa pagal hi hai. Or tum jaise logo ko pagal banane ka dum bhi rakhte hai. Dubara aisa kiya to anjam bahut bura hoga samjhe.