- هي هي لايك قبل ما تقروها 😘
🌷 آنْثَي تَـآئِهَـآ فِي مَشَآعِرْ رَجُلْ 🌷
🍃 الْحَلْقَة : 1 🍃
________________
اني : والله استاحشتها المعفنه
ماما : ههه اي والله كلنا مستاحشينها ريان
اني : حقا ماما بعدين منمشي نقرا عند ازدهار
ماما تسقي في الرز : به انشاء لله ، امشي نوضي بوك خلي يتغدا !
اني : به
ومشيتله
اني : باا باا باااباا
بابا : شنوو 😫
اني : نوض تغدا
بابا : هي جاي
وطلعت ..✨
ماما دارت الغدي قعمزنا تغدينا و ماما و بابا خشوا يقيلوا واني غسلت الماعين ..✨
وخشيت لي داري وكلمت ازدهار وخشيت دوشت وجبدت شعري و درت شويه ميكب و لبست سوريه تايقر ووسروال اسود ووشاح اسود و كندره وشنطه دم غزال ✨
خشيت لي ماما خديت منها فلوس وطرت طلعت لي حوش ازدهار طقطقت وفتحتلي .. ✨
الماس ضمتني : يا كلبه استااحشتتك ❤
اني : حتي اني وحق ربي ❤
شن تسو جت ؟
تسنيم : قبللك 😂
اني : ههههه شن الجو
تسنيم : مليح 😽
وخشينا للصالون .. ✨
وقعدنا نقروا شويه و ناضت ازدهار دارت نسكافي وقعمزنا نقروا .. ✨
تسنيم : استنوا لحضه بس انرد علي حمودي ونجيكم
الماس : حسكه انتي وياه 😒
شويه واتصل صاحب الماس وناضت طول وقعدت تكلم معاه ..✨
اني : شننن يعنيي بنقروا ولا بتقعدوا هكي 😒
تسنيم : قالكش حد تكلميش 😂
اني : 😒😒
عندكمش ضمير تي غوا عندنا تيست !
ازدهار : تست بالجبنه ولا التن 😂
اني : بخفه دمك 😒
نوضي نوضي هياا
الماس : به شويه
تسنيم : ياا حيواانه فضحتيني قدام محمد مزال تتكلمي نخنقك😒
اني : والله لما انروح
الماس : لا لاو نبي خلاص منسكر
وقعدوا شويه يهدورزوا وسكروا .. ✨
الماس : مش ناويه ترتبطي يا فرخه !
اني : نونونو ساد مره وتوبه معش انعاودها ✋
تسنيم : عنسي في حوش بوك اماله
اني : نقعد في حوش بوي معززه مكرمه ولا نندل يا حنه 😏
الماس : ااي صح انتم علاش سيبتوا ؟
اني : ازدهار بليز متفتحيش الموضوع
الماس : به تمام 😒
كملنا قرايتنا وبعدها مع جو الـ7 كلمني بابا وقالي روحي ركبت سيارتي و روحت طول ✨
اني : السلام عليكم ☺
بابا يتفرج ع الـتيفي : وعليكم السلام
اني : وين ماما ؟
بابا : راقده !
اني : وعلاش من توا ؟
بابا : تعبانه قالت
اني : اهاا شن نديرلك تتعشي ؟
بابا : اي شي
اني : اوك نبدل ونجي انديرلك دحيات مطبوخات وهكي
بابا : تمام
وخشيت بدلت ودرت لي بابا عشي نوضت ماما تبيش تاكل .. خشيت داري وقعمزت نقرا وشي مباش يخش لي دماغي شي مع الساعه 3 حسيت راسي استك معش شفت شي قدامي دفيت شيتاتي وخشيت ارقدت ✨
....................................
اني اسمي ملاك .. نقرا في جامعه طرابلس هندسه كمبيوتر ✨
عمري 21 سنه مواصفاتي .. شعري قصتلي لي نص الضهر و عيوني عسليات و بيضه يعني مش هلبا لكن بيضه ..
بابا .. علي عمره 54 سنه و موضيف شركه نفط ✨ ، بابا يحبنا اني واختي انكونوا احسن وحدين و يحب لما يقول كلمه تمشي يعني مووتي انموت و ميحبش من يسكر راسه عليه وواعر وحزار !! ..
ريان .. اختي الكبيره عمرها 25 متزوجه عايشه في كندا راجلها يوسف وعندها بنوته اسمها اريام عمرها سنه ونص ❤
ماما ..حنان عمرها 50 ربت بيت ، وتحبنا اني واختي ع الاخر ومترضاش فينا شي حتي بالتسهويك ..
خوي الصغير : اياد بس مش عايش معانا عايش في حوش جدو .. جوه حلو وكله تمام الا العوج !!
عمره 27 ملامحه اسمراني و نقشه ع الاسود وعيونه عسليات ولحيته مرسومه .. وخشمه واقف ..
حالتنا الماديه عاديه مش اغنياء ومش فقراء ..
خوي الكبير عمر موالد الـ85 متزوج جديد مرته مواليد الـ89 مرته اسمها ياسمين .. يسككن فوقنا ..
.
.
صاحباتي .. الماس و تسنيم ❤
باقي الشخصايات حتعرفوهم مع الوقت ✨
_________________________
ماما : ملاك يا ملاك هي نوضي
اني : هفف شويه بس
ماما : تي امتحانك وقت عليك هي سلم بنيتي
اني : اوووف اوك
نضت ودوشت و بدلت وصليت و حطيت ميكب ودرت منيكير وواخديت شنطي وفوني وطلعت انزلت سخنت السياره القيت
ماما مدايرتلي بريوشه ونسكافي فطرت و طلعت طول للجامعه .. ✨
وصلت وتلاقيت مع البنات ..
الماس : حي علياا جعانه بنموت
تسنيم : سمسام كيف كانت تاكل 😒
اني : سيمو هدي من روعك 😂
تسنيم : 😒
اني : تعرفوا خايفه منجاوبش 😔
سيمو : 😂😂
قويي قلببك ياا بروو شوفيني اني ممقرييتش شي 😂
وجوي مليح 😂
اني: فالحه 😂
الماس : نمشي ناكل ونجيكم
اني : استنيني نبي اميه
تسنيم : حتي اني جعانه 😁
الماس : 😒😒
تسنيم : هي هي عازمتكم علي حساب زيزي
ازهار : لا والله ما صايره 😂
و بدوا الباردات يتسهوكوا لين وصللنا للكافيتريا .. ✨
اخدوا فطور وقعمزا ياكلوا و اني طول الوقت نقرا ..
فطروا ونضنا
اني : هيا عاد معش تتمخطروا سرعوا رجليكم
تسنيم : تيي باهيي شنن تبييني نهرول متلا 😒
اني : 😒😒
وصلنا وكان 10 دقايق و يبدا الامتحان قعمزنا .. و امتحنا وطلعنا .. والحمد الله جاوبت .. ❤
اني : الحمد لله جاوبت ❤
الماس : حتي اني تعرفي ❤
نسميم قامت يديها : تشبحوليش حليتش شي ككتبت اسمي وخلاص 😂✋
ساده 😸
اني : بلا ضميرر رااك 😂
تسنيم : 😂😂
صقع عليك شخصيه نادره ✌
اني : هاهاها
الماس : عندنا محاضره ؟
تسنيم : اي متع الشيباني يلي ديمه يهزب فيا 😒
اني : اووف
تسنيم : فووتوهه ونبي
اني : مصحك 😒
تسنيم : تخلينيش نسب ااه 😒
اني : خلاص طيحيش البرستيج ارجوك 😂-.-
تسنيم : به 😂
الماس : 😳😳
اني : ا ا هدا شنن يديرر وااقف قدام سيارتي ؟
تسنيم : فرج وله !
اني دموعي في عيوني : اي
وكان متكي ع السياره وحاط رجله ع العجله ويدخن .. ✨
الماس : متعدليش عليه متبكيش خلاص بلا جو
اني بنبكي خلاص : لالا منبكيش غر عيوني يوجعوا
ومشيت جنب السياره ومعبرتاش وكيف منركب .. ✨
فرج : يا اهلا يا اهلا 🙏
اني : نحيي اييدك من علي باب السياره !
فرج : مانيش !
اني : بتنحي ولا نعيطط توا !!
فرج : مانيش منحي !
اني : شنن تتبيي ؟؟
شنن مزااال تبيي ؟؟
فرج : انتي !
تسنيم كيف بتتكلم ، الماس سكتتها .. ✨
اني : اني صاار ؟؟
ههه ليش قالولك فندق اتجيني امتي ماتبي وتفوتني امتي ماتبيي انتت معنددكشش ضميرر به نسالك سؤال ضميرك لما تحطراسك علي المخده ميأنبش فيك متقولش ان هدا بيرجع علي اختي بنتي مرتي ؟؟؟
فرج : لا والله ههه
اني : اني مش بيدي شي ولا حنقولك شي بس حسبي الله ونعم الوكيل فيييك ربي ياخد فيك الحق وهي توا نحي !
فرج حطلي ورقه في يدي : هدا رقمي الجديد ، يعني يلي نستعمل فيه وكان تبي اتكلميني ع التاني عادي 😉
اني شركته ولوحته تحت رجلي وشبحتله من فوق لي لوطه ومشيت .. ✨
شدلي يدي وبدي يعيط .. ✨
فرج بصوت عالي : انتتتتيي حتتكووننيي للياااا فاااهممهه ولللههه 😡
اني الناس كلهم يشبحولنا : تيييي مننن انتتت مشش اتكلممننيي بيي ههااديي الطرريققهه انتت مرريضض تيي منن وينن نعررفكك مش اتششد ايديي وهكيي اتكلمننيي 😡
فرج : ردي عليا ع الفون وكان مترديش حتندمي
ومشي وخلاني .. مصدومه .. ✨
مشيت نجري ركبت سيارتي وطلعت من الجامعه تسنيم و الماس يكلموا فيا واني مش معدله عليهم !!
طلعت من باب الجامعه وبنبكي خلاص .. شاده روحي بسيف وهكي 5 دقايق وفوني رن وكان فرج ✨ ..
في الاول مرديتش وبعدين رديتت وسكتت
اني : ........
فرج : بيبي واخيرا رديتي 😻
اني : ........
فرج : سمعيني صوتك ❤
اني : ......
فرج : تعرفي كان متترديش شن يصيرلك نمشي لي بوك وحنحكيله علي كل شي !
اني : ههه وبتقوله وعدتها بالزواج و خليتها توتق فيا مشيت وخليتها ولالا ؟؟
ولا بتقوله كنت انغير بيها في جوي ؟
فرج : لا منقوله ع الصوره يلي بعتيهالي
( عنده صوره وحده .. وطبعا مش اني حتعرفوا منوا ) ... ✨
ومنوريله محادتي اني وياك !
ههه بوك يعرف يقرا ولالا ؟
عادي نعطيه حتي تسجيل صوت !
اني : علاش انتت هكي ؟
فرج : امممم نعرفش 😂
اني : فرج اني شنن درتلكك و صورتي مشش قلت مسحتهاا مشش قتليي مسحتتك منن حيااتي !!
فرج : والله ضربتها شيشه هداكا اليوم 😂
في حد يمسح ملاك يا ملاك ؟
في حد يمسح بنوته اموره زيك هكي من حياته هههههه ؟
اني : المطلوب ؟
فرج : ترجعيلي !
اني : ههع احلمم حلم بليس في الجنه !
فرج : بترجعي ولا ههه
اني : منرجععللكك مشش اتسسيبني منرججعللك مشش تحررقليي قلبيي ولالا مشش تجررحنيي وتعدببنيي ولالا عليي خااطرر شنووو عليي خااطر لعبتليي بمشااعريي وخنتت تقه بابا وماما علي خااطركك ولا منرجعللك علييي خااططر تهزييببك و عياطك عليياا ولا علليي خاطر خياانتتك ليياا ولا ولا عليي خااطرر شنوو بززببطط فهمننيي منرجعلك مش تجرحليي قلبيي و لا ولا مشش تعدبنيي !! 😭
اصلالا انيي معشش نببيكك انيي نكررهكك فااهمم ولالا لوو تكون اخرر بنيي ادمم مش حنااخدك !
فرج : له له له له هدا كله في قلبك يا رسول لله هههههههههههـ يا قلبيي انتتيي جرحتتكك هلباا انيي عارف ههه بس تعرفي علاش بترجعيلي ؟
عليي خااطرر صوو ررتتك عندي وم صوره وحده هههههه هلباا صور روحي الحوش يا حنه وافتحي هداكا النت وتوا يوصلوك 😽
هي ردي علياا باهي 😉
واني متأكد بعد ما تشوفي الصور حترجعيلي 😘😘
تشااوو ياا حبيي 😘😘
وسكر ✨
اني درست السياره وقعدت نبكي ننبكيي مصدوومه منن يليي قااله شنن هداا معقولهه انساانن لا ويهدد 😭
بعد يليي داره هو والوسخه هديكه يهدد 😭
حسبي الله ونعمم الوكيل حسبي الله ونعم الوكيل فيهم 😭
طقطقطق
اني مسحت دموعي وشبحت لي الروشن ونلقا تسنيم ... و الماس ..
تسنيم : افتحيي
اني فتحت الروشن هيا فتحت الباب وركبت هيا والماس .. ✨
تسنيم : هبلتييي هبلتيي اتخلليي فياا نجرريي وراااك يا بهييمه ياا حمااررهه 😡
اني بديت نبكي .. ✨
الماس : علاش تبكي خلاص فرج من الماضي ورقه واطوت واي بنت يصير معاها هكي عادي طيش والولاد كلهم هكي .. علاش مكبرتيه الموضوع عاطيتيه اكتر من حجمه !
اني : لانننن عنننددهه صووررتتيي زيي مااتعررفواا ولالاننه ييههدد فيااا بيي باااابااا لاننن انيي حببييتتتهه وهواا مستتغلننيي عررفتيي للييشش عرفتيي !!
بييجيي ليي حووشنااا !!
وبيقوولل لييي بااابااا لا و بيلعبليي بيي شرفيي وعرضييي !!!!
للييشش انتتمم متتحسوووشش اااه معندككمشش قللبب خلالاص لاززم اتفكروونيي بيي الططاممهه يليي داارها ومشش مستااهلهه قتللكك خلالاصص خلوونيي فيي ححاالييي تررااا انيي ااعييتت طلعتت منن مجاال تخصصي علليي خااطرهه وقااعدد مصرر شوهليي سممعتيي وقااعد مصرر شنن يبيي منييي لييششش يدير هكيي مفهمتتش 😭
تسنيم ضمتني : وراس وخيتيي خلاص 😩
اني : حسبي الله ونعم الوكيل فيهه 😭
تسنيم : ميسو انتي روحي بسيارتك واني خليني معاها !
الماس : تمام
ونزلت ركبت سيارتها وبديت نسوق وسرحانه ونبكي ونفكر .. ✨
تسنيم : سيااااررهه ياا حمااررهه ركززيي
اني : انشووف فيهاا
تسنيم : ارشيقيها فيه وقوليي نشبح فيها 😒
اني : هههههه مبردك
تسنيم : .
وروحنا لي حوشنا
خشينا وقعدنا نهدرزوا ويغيرولي في جوي ماما حطت الغدي ومع الـ 5 روحوا جي بابا .. ونضت سلمت عليه وهدرزت عليه شويه .. وخشيت داري ✨
اني نضت صليت ودعيت لي ربي يسترها عليا وهدا الوقت كله كنت خايفه نفتح النت .. ✨
فتحت النت و اول مسج جاني منه .. وفتحت المسجات و القيت صور لياا وكانو ...... اها اي فوتوشوب .. 💔
اني مصدومه ونشوف .. ✨
فرج بعتلي مسج طول : اووو اخيرا فتحتي شنن قلتي ؟؟
شكلك تتبيش تردي
اسمعي هدا رقم بوك وله 0923756###
ههههه اي شكله هوا اهو منكلمه يا حبي 😘
اني : ياا ربيي استررهاا ياا ريي استررهاا شنن بييدييرر هداا شننن مززااللل يبيي مننننيي 😭
وقعدت هكي ..
وفجاة يخش عليا بابا من دون حتي ما يطقطق اني نطيت ودسيت الفون طول وقعدت نمسح في دموعي .. ✨
بابا : .......😠
اني : 😳😿 ....#يتبع ✨
_____________
انكمل ولالا ؟
رايكم يهمني .. 😘
مش هنزل التانية الا تتفاعلوا ع الأولى😤
أنت تقرأ
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"
قصص عامةالروايه منقووووله وباللهجه الليبيه
