.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"

الحلقه 54

منقوللكم ان اني امس درت اتلخبيطه في الروايه ايام سو سوري شكله النوم كان مأتر عليا 😷
واتلخبيطه ان كيف ليهم اول عيد مع بعض .. ✨
اني كلمت البنت وسألتها وفهمتني ان اني صح .. كلامي .. ✨
بس وضحتلي جزء ان لما اتزوجت توفت امها .. الله يرحمها 💔
اني قتلك فاتوا شهور .. ومن ضمن هدوكه الشهور شهر رمضان .. تمام .. وهيا محستش فيه ان بيه عيد .. وذالك نظرا لي معامله بهاء ليها و وفاة امها .. واني حاليا تلخبطت في الحسبة✋
وبعدين اني قلت اول عيد انديروا مع بعض .. مقلتش اول عيد من بعد زواجنا مع بعض ! .. 
انشاء لله فهمتوني 😂😂
هي توا انزل دير لايك وارجع اقراها ❤
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. 
.. 🍃 الْحَلْقَة : 🍃 54 ..
__________________
اني : تعرف هدا العيد اول عيد انديروه مع بعض ❤
بهاء : هههه بس محسيتش ❤
اني : كيف ؟
بهاء : يبان العيد المليون مع بعض ، تعرفي ربي يخليك ليا مش عارف من غيرك كيف حنكون نحمد ربي ونشكره ان هداك ليا ❤
اني : ههههه حبيبي ❤
وجت تالين تبكي : ماما ديدي 
اني : شن هو الديدي يا حبيبتي شن نوظك !
تالين : بتني ماما 
اني : تعالي ارقدي عليا هي ❤
ورقدتها علي حجري وقعدت نمسح علي راسها ❤
وبعدها يوصل مسج ... لي بهاء .. من فرج .. ✨
بهاء قام فونه .. ✨
اني : منو ؟
بهاء : فرج !
اني : ااا اه ش شن يبي ؟ 😰
بهاء : هههه يعيد ! 
اني : ا اها 
وبهاء قعد يدردش .. واني نفكر .. ✨
اني : ناقصاتك اني تواا ناقصااتك 😢
جي بهاء وباسني من خدي : الحلو وين سارح ؟
اني : امم لالا شي منرقد ❤
بهاء : هي نوضي نرقدوا ❤
وقام تالين في دارها ونضنا ارقدنا واني بي الاصل مرقدتش كنت انفكر في فرج وشن هيا الطامه يلي بيديرها 💔
لان ديمه يلفط يلقط و ينفجر 💔
وخداني الوقت لين ادن الفجر .. ❤
اني : بهاء بهاء 
بهاء : هممم 😣
اني : هي نوض الفجر ادن ! ❤
بهاء : هي هي 😣
اعود بالله من الشيطان الرجيم 😪
وناض .. ✨
خشينا توضينا وصلينا  ❤

بهاء : وين ماشيه ؟
اني : مننشر الحوايج .
بهاء : به جيبيهم ننشرهم معاك ❤
اني : هههه اوك ❤
وخديت السله وحطيت فيها الحوايج وطلعنا ننشروا فيهم ❤.. 
اني : شكرا حبيبي ^^
بهاء : العفو حياتي ❤
وخشينا ارقدنا ❤ ..
.
.
.
.
.
جي الصبح 🌅
.
.
لمياء : لااا منبيش نفطر !
مروان : هيا علي خاطري عاد !
لمياء : لا نبي انكمل صيامي 😔
مروان : هيا يلعن .. تي هيا حبيبي خودي حبتك وافطري وجهك اصفر !
لمياء : اووف 😔
وعطاها حبتها وفطرت و خشت اتكت .. ✨
فافي : بابا منمسي لي عمو بها
مروان : هني روحك راقد !
فافي : مس راقد !
مروان : راقد بعدين امشيله !
فافي : منسيي 😠
مروان : تمشي عيونك !
فافي : به و و و جهات !
مروان : حتي هو راقد !
قعمزي تفرجي وهني روحك !
فافي : انلالا نبيشش 😠
وقعمزت تلبس في كندرتها ❤ ..
منمسي جدو !
مروان : وراسك يا بنتي كلهم راقدين ! 
الساعه 11 ونص توا
وفتحت الباب .. ✨
مروان : تعالي جاي جدك قاعد راقد !
يا قليله الادب !!
فافي : بلا بلالا 😒😒
اصلا انت مس هللو 😠
وسكرت الباب ونزلت .. ✨
مروان : 😳😳
بنت الـ . .. وفتح الباب ، ايلاف ايلالاف 😠
فافي : جدوو ياا جدوو افتح !
مروان اركبي يا قرده !
فافي : اصلالا اتت شيينن 😠
مس هللو 😠
مروان : به به توا انوريك !!
وخش .. ✨
سيدي فتحلها الباب .. ✨
سيدي : لوفه ❤
ايلاف : جدو 😍
سيدي قامها : شن الجو ؟
ايلاف : همدالله ❤
جدو نبي شكلاته ☺
سيدي : حاضر توا نشريلك شكلاته ❤
اميمه : فافي صباح الخير ❤
ايلاف : سباه النول ❤
.
.
.
.
.
.
.
.
.
.
ياسمين : شن نديرلك فطور ؟
عمر : منمشوا حوش الحاجه !
ياسمين : ااهاا بجديات 
عمر : تعالي سكتي بنتك نفختلي راسي !
ياسمين : هزز بيهاا !
عمر : تعالي رضعيها جعانه !
ياسمين : نكمل مسح وتلميع شويه !
عمر : جيبي اني نمسح وانتي سكتيها راسي بيتفجر ! 😣
ياسمين : هااا !
هووهاا خلاص بنيتي خلاص ❤
ندير بسبوسه ولازانيا و بوريك نرفعوه معانا !
عمر : ديري يلي يريحك ❤
لمياء : هاك جنبك تبكي هز بيها !
عمر : اوك مديلي الريموت !
ياسمين : به
و قعدت ياسمين اضم و كملت و خشت دارت اللازانيا وحطتها ف الكوشه ! ❤
و بعدها لفت البوريك و دارته ودارت البسبوسه وطلعت اللازانيا و خششت البسبوسه ✨
ومشت ادوش .. وطلعت طلعت البسبوسه وسكرت الكوشه و خشوا اتكوا ! ✨
.
.
.
.
.
.
.
يوسف : جيبي ندير معاك عيوني ❤
ريان : به حرك الطنجره الاول ! ❤
اريام : ماما 😔
ريان : كملتي واجباتك ؟!
اريام : اعيت 😢
ريان : بريي من قداامي متكلمينيش لين اتكمليهم !
اريام : 😢😢
.
.
.
.
.
.
اني : اللاي جيبي انقرض معاك المعدنوس ❤
اللاي : لالا هاكك قصي اللحم والكبده ! ❤
اني : اوك هي ☺
و قعمزت انقص .. ✨
لمياء : اللاي تفضلي اغسلتهم المصارين ! ❤
اللاي : هي هي شويه خلي انوض انجيب الرز !
اروي : من يبي اميه 😂
لمياء : جيبي اعطيني حسني عطشت 😂
جهاد : سمم 😒😒
اني : حرام عليكم قريب اتهبلوه 😂
اروي ولمياء : 😂😂
اللاي جت وجابت شكاير الرز و صبت الرز و المعندوس و اللحم والكبده في الليان وخلطتهم وقصينا بصل وحطيناه ودرنا طماطم حكه و فلفل اكحل وملح وبزار وقعمزت اللاي اتخلط فيهم .. ✨
اللاي : ترا لمياء ضوقيه ملحه كويس ؟
لمياء : اي اللاي ❤
وقعمزنا نحشوا في المصارين .. ✨
اروي : ماما الشربه طابت انسكر عليها !
اللاي : اي سكري بنيتي و تعالي لوي البوريك !
وقولي لي لولي تقلي السكالوب !
اروي : حاضر هي ❤
وقعمزت اتلف في البوريك .. ✨
اللاي : شويه ونجيكم خلي انحط الرز الابيض فوق النار ! 
اني : مش لازم اللاي اديري رز اهو رز مش حياكلوه ديري طاجين جبن و لا خبيزه !
اللاي : ههههه درت خبيزه ❤
اني : ههههه مشاء لله 
اللاي : نايضه من ال10 😄
اني ولمياء : يعطيك الصحه ❤
اللاي : سلمكم ❤
وكملنا كل شي مع جو العصر صلينا ❤
وجو الرجاله و ضمينا حوستنا وركبت اني وبهاء و لمياء و مروان .. ✨
.
.
جهاد : ايوا بشري شن الجو ؟
بشري : تمام وانت ؟
جهاد : كويس !
بشري : كل عام وانت بخير ❤
جهاد : وانتي بخير شن اديري ؟
بشري : كيف كنت اندير في الشربه وانت !
جهاد : اها ، نتفرج 
.
.
.
.
.
.
.
.
ياسمين : هيا عمر طلع السواني !
عمر : هي اطلعي طلعتهم !
ياسمين : حود بنتك ! 
عمر : خديتها !
ياسمين : طلعت هي ❤
.
.
.
.
.
.
اني خشيت للشقه : ااخ واخيرا معش قادره نوقف 😣
بهاء : تعبتي ❤
اني : ايي هلبا تعرف 😔
بهاء : محلاها مرتي 😻
حليلي قداش مره انقولك مغريات 😻😻
محلاهمم اااخ 😻
اني ضربته علي كتفه : صيااام صياام ! 😂
بهاء : هدا يلي مصبرني به نوضي منجنبي خير مانفطر عليهم 😻
اني : . 
.
.
.
.
.
.
.
.
نور : جيتوا اهلين اهلين ❤
اياد : هيا جيبوا الصفره متع الحليب مزال 10 دقايق !
عمر : السلام عليكم ❤
الكل : وعليكم السلام ❤
اميمه : كله واتي غر تعالوا طلعوا الصفر !
وجوا طللعوا السفر وقعمزووا كلهم تقعميزه وحده ❤
و شويه وادن المغرب ويلي شرب تمر و لبن ويلي شرب حليب و مالفي ولي شرب حليب اللوز وبسبوسه .. ❤
وناضوا صلوا ورجعوا ع الصفر ... ❤
اميمه : هي بسم الله ❤
مدوا يديكم ❤
عمر : السفر ناقصه بوي وامي الله يرحمهم ❤
خالتي ليلي : اي ولله 😔
اياد : ندكر فيها لما نفطروا مناكلش التمر الا لما يمدهولي هو 💔 
اميمه : وحنونه كانت ديمه كل موسم ادير هداكا العصبان والقلايه 😔
نور : من قال بالله اخي عليها الدنيا 
ياسمين : انشاء لله ربي يرحمهم ❤
.
.
.
.
عندنا احني ادن المغرب ونضنا صلينا ووقعمزنا نفطروا ✨
اني : الطاجين يجنن يسلموا يدياتك يا اللاي زي العسل 😻
اللاي : صحتين ❤
اروي : اي يهبلل 😻
سيدي : هادي شنو كفته ؟
اللاي : كفته اماله شنو 💜
سيدي : كول الكفته من اليدين الزفته 😂
اللاي : مينفعش فيك الخير توا ايديا طلعوا زفتات 😒
سيدي : 😂😂
جهاد : محلاه العصبان 😻
خاطري فيه ليا هلبا ❤
لمياء : كول صحتين 😄
فافي : هاار 😳
اني : اشربي اميه قتلك حار !
توتو هي تعالي خودي بوريكه !
تالين : انلا 
اني : تعالي من الصبح ماككليتي شي !
تالين تلعب بي الايباد : نبيس !
وقعدنا نهدرزوا وقمنا الماعين اللاي حلفتنا مانمسوا شي و خشت فضت الصواني ولولي غسلتهم واللاي .. ✨
ودارت الشاهي وقهوي و الحلويات وجتانا 💜
سيدي : ملوكه اول عيد ليك معانا وله ❤
اني : هههه اي ❤
اللاي : انستينا ❤
اني : مونسه بي اهلها ☺
وكملنا تهدريز ومع ال12 ونص ركبنا .. ✨
اني بدلت ولوحت روحي ع السرير : اااااااه معش قادره 😣
تالين : ماما نبي تيتا 😞
اني : تعالي هي اصلا منغيرلك شمالك 😪
بهاء : وين الوايرس ؟
اني : في مكانه !
بهاء : مش طالعلي ااه لالاا لاا خلاص !
اني بدلت لي تالين و درتلها شيشه ورقدتها وجيت خشيت سريري و رقدت طول من التعب هههههه ❤ ..
.
.
.
ومانضت الا علي صوت .. ✨
بهاء : هيا نوضي بسرعه !
اني : هففف هي نايضه 😫
ونضت .. صباح الخير ❤
بهاء : صباح النور ❤
اني خشيت الحمام دوشت و طلعت المهم لبسنا وقعمزت انمكيج ❤
وبهاء يزن فوق راسي هيا هيا هيا هيا 😷
كملت و نزلت القيناهم كلهم مهناش عدا مروان و لمياء فافي مشت معاهم .. ✨
اني : صباح الخير ❤
كل عام وانتم بخير ❤
لمياء و مروان : وانتي بخير ❤😘
وسلمنا وعيدنا وجي بهاء وعيد ❤
بهاء : شن وينهم ؟
مروان :رفعهم جهاد من بكري !
بهاء : اماله بوي بيهبل هي هي خلي نمشوا !
مروان : هي 😄
وركبنا ومشينا للمزرعه ❤
حطونا وهما مشوا للجامع وجو مع جو الساعه 9 ونص ! .. ✨
روحوا وقعمزنا نفطروا .. ✨
.
.
.
.
ريان : كل سنه وانت بي الف خير ❤
يوسف شدها من خصرها
: وكل عام وانتي معاي ❤
اريام : منعيدووا اهني بابا ❤
يوسف : اي حبيبتي ❤
وقعدت ريان توتي في روحها ❤
يوسف : هي ننزلوا !
ريان : اا اني مش حننزل !
يوسف : لا عاد كيف انزلي عيدي علي امي !
ريان : اوك !
ونزلوا في البدايه خش يوسف و اريام وعيدوا وكانو فيه خوال يوسف .. وخو يوسف ادم ... ✨
عزوزتها : شن وين الست هانم مش ناويه اتعيد !! 😏
وخشت ريان سلمت وعيدت ولما وصلت فيها مدت ايدها ! .. ✨
ريان : كل عام وانتي بخير ❤
مدت ايدها وكيف بطبس مش اتبوسها .. ✨
عزوزتها شافتلها من فوق لي لوطه ومشت .. وكلهم قعدوا يشوفولهم ! .. ✨
ريان قعدت شويه ومعش قدرت ركبت ... ✨
.
.
.
.
.
.
خشوا الرجاله بدلوا و جابوا الخرفان .. ❤
اني : القصاعي الداخل !
اللاي : اي فوق التلاجه !
اني : هي اهو خاشه نجيبهم .. وجبتهم وطلعت ❤
وقعدوا الرجاله يدبحوا في الخرفان .. واني مشيت لان مكنتش نتحمل عندي فوبيه من الدم ، و اصلا مكنتش نتحمل المنظر .. 💔
و دبحوا وجيتهم و قعدنا انضفوا و انقصوا و الرجاله يكسروا .. واحني نغسلوا وانكيسوا ❤ ..
فافي شبحت رسان الحروف ملوحات .. ✨
فافي : شوفي بعيه !
توتو : 😱😱
فافي : دفتها ، مسيهم !
توتو : انلالا 😠 
وضربتها 
فافي : كلبهه 😠
شيننهه اصلالا انتي مش هلوه !
توتو : اصلا انتي بعيه ااع 😷
ايلاف : يااايييااياايياا ييي 
وقعدت تعجب فيها .. ✨
توتو : ياعم بوت يا كبه 😠
اني : 😳😳
كلهم قعدوا يضحكوا : 😂😂
اني : متشوفوليش بوها هادا 😂
ايلاف : حبوانه 😠
بهاء : هي انتي وياه اسكتوا !
اروي : رديفاات للمليون 😂😂
المهم كملنا ضمان و نضت درت قلايه والرجاله داروا مشوي ❤
وقعمزنا ناكلو ❤ .. 
بهاء : افتحي فمك ❤
اني : اممم 
وفتحته .. ✨
بهاء حطلي فيه لحمه ههه ❤
سيدي : هاك ايلاف هاك تالين ❤
جهاد : مروان افتح فمك ! 😂
مروان : اممم هاا 
جهاد حطله فيه ليمه 😂😂
كلهم قعدوا يضحكوا .. ✨
اروي :
تحشمت تحشمت ههههه ❤ 😂
اللاي : خلو المرا والرجال علي راحتهم 😒
بهاء وكلني مره تانيه : متعدليش عليهم حاسدينا 😌
اني انحطيت في موقف محرج للمليون هههه ❤
ومر الوقت وكان اليوم من احلا ايام عمري ❤
وكان اول عيد انديره معاهم ، اول عيد من غير اماليه ❤
اول عيد من غير بابا وماما 💔
صح .. ✨
مر العيد يلي قبله وكانت ماما متوفيه ، بس جي غيره ❤
.
.
.
.
بهاء جي باسني من رقبتي : خيره الحلو مقعمز بروحه ؟
اني مسحت دموعي .. : .......... 
بهاء شاف ولقي في يدي الفون : 😳💔 ... #يتبع ✨
__________ رايكم وتفاعلكم 🌷
+راقيه باخلاقي​
+مذهوبت الشيره​