.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"

الحلقه 20

. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. 
.. 🍃 الْحَلْقَة : 🍃 20 .. 
____________________
ادن الفجر و نضت واني نتكسل مش انصلي .. ✨
نضت بالشويه وخشيت اتوضيت و صليت وبعدها قعمزت علي طرف السرير مش انوض بهاء يصلي .. ✨
اني حطيت ايدي علي خده : بهاء هي نوض صلـ 😱😱 
بهاء حبيبي خ خيرك ؟
بهاء كان كله يرعش مع بعضه ويصب في اميه .. ✨
اني شديته وبديت نقرا عليه في قرأن .. ✨
و مسيتله جبهته وكان زي النار .. مشيت درتله كمدات وعطيته ادويه شويه وهدي وناضوا عليه ايديه يسطروا فيه عطيته حبوبه وشي شي .. ✨
المهم قعدت معاه للصبح .. وهوا كان تعبان هلبا هلبا .. هكي مع الـ8ونص رقد ورقدت جنبه ومره مره انوض نتفقد فيه .. ✨
جي اليوم التاني اني نضت دوشت و طلعت درتله فطور وجيت انوض فيه .. ✨
اني : بيبي ❤
بهاء : امممم 
اني بسته : هي نوض حياتي ❤
بهاء : شويه 
اني : هيا هيا توا يبرد الفطور نوض صلي الصبح هي نستنا فيك 😘
بهاء : اوك اوك 
وناض خش التواليت واني درت دوره ع الحوش بسرعه بسرعه وكنسته .. ✨
وقعمزنا نفطروا .. ✨
بهاء : الحمد الله 
اني : كول شن كليت انت !
بهاء : مش خاطري 
اني : لالا كول مش تاخد دواك ❤
هيا علي خاطري ، افتح فمك هي ❤
بهاء : اوك 
وبديت انوكل فيه ومرات ياكل هو .. ✨
اني : عيوني منمشي لي بابا بعدين عادي ؟
بهاء : اوك ❤
وناض .. ✨
بهاء : اليوم شنو ؟
اني : اربعاء !
بهاء : احي تعالي حداديلي حوايجي في اجتماع اليوم 
اني : لا يا بهاء يدك توجع فيك متطلعش توا اتنوض عليك !
بهاء : هيا عااد 
اني : اووف شويه خلي انحط الماعين في الغساله 
بهاء : اوك نطلع من الوش نلقاهم واتيات 
اني : حاضر 
وهوا خش دوش واني حطيت الماعين في الغساله .. ✨
ومشيت طلعتله سروال دجينز و سوريه ودجاكه 
بهاء طلع من الدوش ولاف الفوطه علي خسره 
اني : نعيمه ❤
بهاء : ينعم عليك ❤
اني : بلييت يدك ؟
بهاء : شويه
اني : نهارك  مش مهتم بكل 
بهاء : علي كيفها 
و لبس و قعدت انساعد فيه وجيت درتله رقبته .. ✨
و طقطق الباب .. قعمز يلبس في كندرته واني فتحت الباب ..✨
اني : اهلين اهلين 😘
كيف الحال ❤
اللاي : الحمد الله بخير بخير بشوفتك ❤
مشاء لله الحوش منور 😍
اني : سلمها ❤
اللاي : اووو ضميتي الحوش بروحك و بهاء مخليه زي الجيفه ههه تعرفي اقسم بالله امس كنت منركبله اني ولولي
اني : لالا عادي 
بهاء يدير في شعره : صباح الخير امي 
امه : صباح النور 
خيره مراية الانتري مكسره !
بهاء : منحط المزهريه اتكسرت !
اني : خشي خشي تفضلي اللاي 
اللاي : هي هي 
وخشت شويه وركب سيدي واروي ولمياء نزلت هيا وفافي ..✨
اني خشيت درت شاهي وقهوه وحلويات وجيت قعمزت جنبهم وجبت لي فافي تاسه عصير .. ✨
اللاي : غر علاش متعبه روحك 
اني : شن فيها من تعب حاجه الله كبيره ❤
لمياء : صحيتي 😘
اني : سلمك غزالتي 😘
اللاي : شن بنت ولا ولد ؟
اني : هههه بنوته !
سيدي : لااا هكي مش تمام معقوله زوز بنات
اللاي : ماعندي ما ندير بيهم الولاد 😒
جهاد : اوووو شن قصدك ااه ؟
اللاي : ضم فمك انت مافالح غير في الدوه 
جهاد : . 
بهاء يلعب في ايلاف علي حجره : اي صح شن منديروا بيهم الولاد البنات احسن 😍
سيدي : المره جايه ولد انشاء لله واحد انت وواحد مروان وواحد القرد هداكا 😒
جهاد قام يديه : اعفوني منيش متزوج 
اللاي : طول الليل يلودلي في الشارع ويكلملي في البنات كلهم ويريته يدير في تمره 😒
جهاد : لا اندير في بلحه 😂
اني : خليه مزال صغير 😄
جهاد : اهي الناس يلي تفهم 
لمياء : علاش اللطف الزواج حلوا والله ❤
جهاد : بالله عليك يا مروان مش كان متزوجتش خير ! 
مروان : لاا لااا 
جهاد : حي يا حي تعرفي يا لمياء والله الا ديمه يقولي ياريتني ماتزوجتها الشرقاويه الحرفه هادي 😝
لمياء شبحت لي مروان : حق 
مروان : اتصدقي فيه توا !
جهاد : وانتي تعرفي يا ميمي شن يقولي !
يقولي كان متزوجتش احسن 😒 النساوين الحرف مايجيبوا من وراهم الا وجع الراس 😔
اني : لا حول ولا قوه الا بالله 😂
اللاي : وانت تعرف كان متسكرش فمك شن منديرلك ؟
جهاد : شنو 😁
امه : منوض نعطيك كف مقوم 😒
جهاد : سوري يا نبع الحنان 😂
اللاي : 😳😳
بهاء خيرها يدك ؟
بهاء : اتكسرت عليها الصونيه !
اللاي : لا حول ولا قوه الا بالله ، لالا امتي صار وعلاش مقتليش 
بهاء : مصار شي 
ايلاف : عمو تلفعني معااك ☺
بهاء : توا نمشي الخدمه وبعدين نرفعك 😽
فافي : شكرا 😚
بهاء : ههه من وين جاها الاحترام هادي 
لمياء : هاها غير تحساب تعرف زي اليهوديه تركب فوق تعيا ما تسب فيكم 😂
جهاد : مش عارف طالعه لي منو 😂
لمياء : اكيد لي عمها 😂
جهاد : شنن دخلني في عمها اني شن اني ولدتها 😌
اللاي : غير كان مفيكش هالشنابات واللحيه راه قلت انت والدها 😒
جهاد : لالا شكلها طالعه لي امي 😒
اروي : مصحك 😂
لمياء : حشااهاا 😂
وقعدوا شويه وناض بهاء وسيدي و مروان .. مشوا للشركه ... ✨
اما جهاد طلع يهيج .. ✨
شويه وفون اللاي شرين .. ✨
اللاي : الوو 
سعاد : اهلين يا اسيا اني سعاد الـ####
اللاي : الله الله عاش من سمع صوتك كيف حالك وكيف حال الصحه !
سعاد : الله الحمد الله شن حالك انتي وشن خبارك ؟
اللاي : والله الحمد الله ❤
سعاد : مش تتفضلي غدوا انتي وكناينك وبنيتك في صالة الهناء عرس بنيتي خلود ☺
اللاي : انشاء الله انشاء الله ❤
سعاد : راه مش تعفسي عاد مستاحشينك انتي وتهدريزك والله ❤
اللاي : انشاء الله الله حبيبه 😄
سعاد : اوك تمام 
سلام 
اللاي : سلام 
وسكرت 
اروي : منو ؟
اللاي : هدا سعاد جارتنا غدوا قتلك عرس خلود 
اروي : لالا 
اللاي : اي ريت هالمسافه يلي بينه قتلك مستاحشينك يا عليك كدب وخلاص 😒
اروي : رااه منمشوا بلا جو ايوا نمشوا نتعشوا وانروحوا 😂
لمياء : حقيره 😂😂
اللاي : اي مش توتوا روحكم حتي انتم عازمتكم 
لمياء و اني : انشاء لله ❤
اروي : وخيرها هيا اتقول في اخر لحضه هالدراه الكبد 😒
اللاي : لالا بعتت كروت دعوه هداكا اليوم وحده لينا و حده لمياء و ملاك 
اروي : اها 😸
وقعدوا شويه يهدرزوا وبعدها كل وحده مشت ركبت شقتها ونضت اني انقيم في الماعين شويه وجتني اروي قتلي منطلعوا اني وياك ولمياء و ماما مناخدوا قفاطين المهم خشيت لبست عبايه خليجيه .. وكعب و درت ميكب خفيف .. ودرت برفان .. ولبست دبلتي و ساعتي رولكس 😻 واخديت شنطي وطلعت .. ✨
وانزلت القيت اللاي ولمياء واتين و اروي تلبس في وشاحها .. ✨
طلعنا مشينا قعدنا انلودوا ومن مكان لي مكان خدت لمياء لي بنتها قفطان ابيض فوق الركبه مفرفر من تحت و اخدتلها كندره بيضه معاه .. ✨
اما لمياء خدت قفطان اسود طويل وماشي مع الجسم .. وكعب اسود ✨
واللاي اخدت بدله قونه للركبه و بلوزه 
واروي اخدت قفطان قصيرون احمر .. 
و اني اخديت قفطان بيج ماشي مع الجسم وفوقه زي القماشه المشبكه سوده و رقبته مفتوحه واخديت معاه كندره عاليه .. ✨
المهم كملنا دورتنا وروحنا .. ✨
مع المغرب كان بهاء مزال مجاش .. ✨ 
اني خشيت بدلت و كنت تعبانه هلبا من المشي 
( اتغدينا برا ) ✨
نحيت الكعب و عبايتي و لوحت روحي ع السرير .. ✨
شويه وقمت فوني وكلمت الكوافيره .. واخديت موعد .. ✨
شويه وخش بهاء وفي ايده شكاير .. ✨
بهاء : السلام 
اني : وعليكم السلام 
بهاء : شن وين كنتي ؟
اني : طلعت اني وامك واختك ومرت خوك 
بهاء : اها خديتوا قفاطين ؟
اني : ايي 
بهاء : ترا وريني ❤
اني : ههههه اوك 
ونضت ووريتهوله 
بهاء : ترا البسيه 
اني : ههههه به هي اطلع 
بهاء : لالا عادي شن فيها كان قعدت 😜
اني : بهاااء 
بهاء : ههههه به خلاص 
وطلع ✨
اني لبسته و طلعت ووريته لي بهاء عجبه هلباا هلباا عيونه ولوا قلوب قلوب .. ✨
بهاء : حياتي
اني : انعم 
بهاء : هي تعالي كولي 
اني : اوك شويه بس 
بهاء : تعالي توا
اني : جيت حيت حيي قداش ليا خاطري بيتزا 😻
بهاء : ههههههه صحتين ❤
وقعمزنا ناكلوا وهوا يهدرزلي ع الشغل .. ✨ 
وقعدت شويه ونضنا ارقدنا .. ✨
نضت الصبح خشيت دوشت و درت الفطور نوضت بهاء خش دوش وطلع بفطر .. ✨
اني : بيبي اني منمشي للكوافير باهي !
بهاء : توا نرفعك اني امشي البسي 
اني : حاضر يا عيوني ❤
ونضت طلعتله حوايجه و لبس ولبست حطني عند الكوافير و مشي .. ✨
.
.
.
اميمه : لالا !!
ليلي : والله العظيم 
اميمه : امتي صار من وراي !!
ليلي : اي يا ياام ههه 
اميمه : ههههه امتي به ؟
ليلي : توا بعدين انكلم ملاك مش غدوا اتجي 😄
اميمه : اي اي 
نور : امييي هياا معشش وقتت
ليلي : هي هي اطلعي 
اميمه : هدا يلي فالحه فيه بنات اخر زمن 😒
نور : اميمه فكينا من الجو ايوا 
اميمه : قليله ادب 
.
.
.
.
.
.
فرج : اي والله يا راجل !
اياد : لا حول ولا قوه الا بالله !
تعرفهم انتت !
فرج : اي اماله شنو 
اياد : به غر اسمع اني مروح للحوش بعدين نتلاقوا 
فرج : تم تم ❤
.
.
.
.
.
.
.
.
ياسمين : حبيبي خلاص بعد غدوا منرووا وله !
عمر : اي انشاء لله ❤
ياسمين : به شن رايك نطلعوا توا مش نشروا حاجات لي بوك و العيله !
عمر : اوك تمام 😘
.
.
.
.
.
.
.
.
المهم اني كملت و اتصلت بي بهاء .. هكي ربع ساعه وجاني ... ✨
كلمني وقالي اطلعي .. خلصتها وطلعت .. ✨
اني : السلام ❤
بهاء : وعليكم السلام ❤ 
شن خلصتيها ولا نعطيك ؟
اني : لالا خلصتها ❤
بهاء : به قيمي ام الوشاح علي خليقتك !!
اني : علاش مفيش حد و اصلا منحبش شي يغملي وجهي !!
بهاء : لالا توا اتحبي مصح وجههك 😒 
وقام الوشاح وحطه علي وجههي 
و طول الوقت يسأل فيا واني نرد وخلاص وصلنا الحوش القي ولد جيرانهم برا قعمز يهدرز معاه واني ركبت انوتي في روحي .. ✨
شويه و سمعت الباب انفتح .. ✨
اني : بهاء 
بهاء : انعم 
اني : ونبي تعالي سكري القفطان من تالي 
بهاء : هي هي ❤
وجي وسكره .. وقعمز ع السرير ✨
بهاء : 😻😻
خيره طالعه حلوه اول مره انشوفك بالحلاوه هادي 😻 
اني نواسي في شعري : ههههه بجديات 😍
بهاء : والله العظيم 😻
ومالقيته الا جاي وراي وموقفني وحط عيني في عينه .. ✨
بهاء : ااااخ مححلالاك محلالاك 😍
اني : هههه بعد به 
بهاء شدلي خصري : مش قادر 😻
اني : بهاء بعدين نحيي 
بهاء : 😘
اني : امم نحي توا تلبزني 😂
بهاء : بعدين نتفاهموا 
شويه وامه وقفت تنادي اني لبست عبايتي وطلعت .. ✨
المهم مشينا العرس ورفعنا مروان ❤
وصلنا للصاله ونزلنا .. ✨
واللاي اعيت ما تلود بيا اني ولمياء و تتجكتر بينا 😂
المهم خشت العروسه وبدي جو العراس ومع الـ10 ونص جي العريس وطار بيها .. ✨
وبعدها جي جهاد وروح بينا .. ✨
اني ركبت لي شقتي .. القيت بهاء مقعمز في وسط الحوش خشيت بالشويه وجيت بسته من تالي من خده 
بهاء انخلع : يا قرده جيتي ❤
اني : هههههه اي جيت 
بهاء : واخيرا من بكري ونلهي في روحي 😂
اني : صايع هههه
بهاء : مع مرتي عادي 😝
اني : بهاء 😳
بهاء : هههههه خيرك ؟
اني : . منخش منبدل 
وخشيت للدار نحيت تاكمي وخواتمي و قعدت نفك في تسريحتي .. شويه وهكي خش عليا بهاء .. ✨
بهاء : شنوو ؟
اني : شن شنو ؟
بهاء : نبيك اليوم ❤
اني : هههه شن تبي ؟
بهاء جي شدلي من خصري وجي حط فمه جنب ودني .. ✨
بهاء : منقولك حاجه 😍
اني : هههه شنو ❤
بهاء قامني وقعد يلود بيا : انحببك انحببك انحببكك 😘😘😘
اني كنت فرحان قريب انطير تي بهاء قالي انحبك اول مره في التاريخ من اول ما تزوجنا توا كيف سمعتها منه 😻 : انموتت فيك غر نزلني دوختني وتوا توجعك ايدك 
بهاء حطني ع السرير : لا 😜
اني : بيبي 😔
بهاء : ملحي 
ووووووووو ...... 💃
ومع الـ3 في الليل فوني رن وكان اياد !!
اني ضرب في راسي فرج طول .. ✨
اني : بهاء ترا حول شويه 
بهاء : لااا 
اني : حبيبي وراسك شويه ونرجع
بهاء :مبردك بسرعه به 
😒
اني : به 😁
ونضت لبست روبي وطلعت برا الدار .. ✨
اني : الو 😰
اياد : ........... 😠 .. #يتبع ✨
رايكم وتوقعاتكم ✨