انزل دير لايك واركب اقراها
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 ..
.. 🍃 الْحَلْقَة : 🍃 56 ..
__________________
المهم مر الوقت وبهاء جابلهم الماكله ... وتيت السفره ودرننا العشي ودرت لي بهاء عشي تعشي في الدار شويه وجت سيموا وروحت ججاها بوها ❤ ..
الماس بيجي خوها مش يروح وراها .. ✨
اني : شويه انشوف بهاء ونجيك 😼
الماس : ههههه تمام عيوني ❤
ومشيت لي داري شويه قعمزت جنب بهاء شويه وطلعتلها .. واني كيف منخش الصاله نسمعها اتقول .... : لا قلنا اني قعده عندها انروح وانكلمك باش تفهم انت !
تي يا همي اي خديت ، ياربي مصحك تبي خوي يقتلني باهي انروح معاك !
تي خيرك انت برا منسكر عليك خوي خش انتظار رد بالك تتصل وسكرت وردت علي خوها .. ✨
الماس : انعم ننزل ، اوك تمام لالا كنت انكلم في تسنيم !
اوك هي نازله تماام قلنا اوك 😒
وسكرت علي خشتي .. ✨
اني : خيرك تلبسي في وشاحك ^^
الماس : مروحه يا عيوني 😘
اني : من جاك خوك ؟
الماس : اي ههه ❤
اني : شويه انجيب روبي مش انسايرك
الماس : لالامفيش داعي اتعبي روحك 😘
اني : هههه تمام باي عاوديها 😘
الماس : انشاء لله تصبحي علي خير ❤
اني : وانتي بخير 😘
ونزلت ✨
اني خشيت لداري ولوحت روحي عالسرير .. ✨
بهاء : نوضي عيوني عيب متخليش البنت بروحها !
اني : روحت !
بهاء : اها اوك عيوني وين توتو ؟
اني : رقدت من بكري !
بهاء : كويس
اني : امم نحي زيد في مكانك نبي نرقد 😣
بهاء : نوضي بدلي حوايجك به !
اني : به 😔
ونضت بدلت حوايجي ولبست توتي و خشيت رقدت .. ✨
وائل : العرس قررب عاد 😍
اروي : هههه اي
وائل : نستني في ليله العرس بالساعه ودقيقه 😻
اروي : هههه والله ؟
وائل : هههه امممم اي
اروي : مستاحشت تنكيدي اماله ! 😏
وائل : هههه خلاص قاعده زعلانه 😔
اروي : هه مهو انت هكي قولت !
وائل : حليلي منك خلاص اسفين يا ست هانم ❤
اروي : هههه سامحتك ❤
.
.
.
.
.
.
.
جي الصبح 💛
.
.
تالين : ماا مم مااا نوتيي تيته ابي تيتته 😢
يا م مااااماااا 😢
اني : تالين نحي خليني نرقد !
تالين : نبي تيته 😔
اني تنهدت ونضت خديت منها الشيشه و غسلتها ودرتلها حليب و اعطيتهالها وجت رقدت جنبي في السرير وقعدت تلعب بي رجليها واني متكيه .. ✨
فوني رد القيت تالين واخداته وراده .. ✨
تالين : اووو
بهاء : الوو
تالين : باااب ببا
بهاء : ههههه يا عيون بابا وين ماما وين ؟
اني : هاتي !
تالين قعدت تصفق وتضحك .. بااباا هههه بااباا ❤
اني : بيبي ❤
وينك اليوم طالع بكري ؟
بهاء : ماهو عندي خدمه هلبا !
اني : اممم ربي يعاونك فطرت ؟
بهاء : ايح حتي قريب نتغدي 😜
اني : هههههه ❤
بهاء : صوتك كأنك كيف نايضه ؟
اني : هههههه بزبط ❤
ومزال نبي نرقد !
بهاء : ههههه قطوسه ماك 😜
اني : ههههه ❤
شن تبيني انديرلك اليوم غدي ؟
بهاء : اممم خاطري في لازانيا 😻
اني : هههههه حاضر وشن تبي تاني .؟
بهاء : امممم خاطري فيك 😜
اني : ههههه لاااا والله !
بهاء : هههههه اي 😜
اني : هههههه خزيي
بهاء : ههههههه حبيبي سكري شويه ونكلمك ❤
اني : اوك عيوني اصلا منصلي الصبح قبل ما يادن الظهر ❤
وسكرت .. ✨
نضت خشيت الحمام .. وتوضيت وصليت و بديت انضم في الحوش .. ✨
وبعدها دوشت لي توتو وخشيت دوشت وبدلت وبدلت حتي لي توتو اكيد ❤
و فطرنا و قمت الفطور .. و لبست سروال اسود وسوريه بيضه وفوقه فالينيا رصاصيه .. وكبوت اسود طويل وبوتيل اسود قصير و لبست توتو ققطان اسود لي فوق الركبه اسود في الدهبي كم و شخشير اسود و كبوطها وكندرتها .. و فتحتلها شعراتها ❤
شويه وكلمني بهاء .. ✨
اني : ايواا انعم ❤
بهاء : عيوني نبي منك خدمه اتجيبيلي وراقيه نسيتهم عندي بيهم اجتماع مع ال5 !
اني : اما هما !
بهاء : تلقيني حاطهم ورا المترد يلي ع الشكماجه !
اني : اما هما ااه القيتهم انجيبهولك توا !
بهاء : اي توا يا ريت ❤
اني : تمام حبيبي ❤
بهاء : ااوك ❤
وسكرت .. ✨
وخديت الوراقي ودرت برفان ليا ولي بنتي خشيت للاي القيته مهناش عند جارتها .. طلعت ❤
.
.
.
.
.
.
جهاد : يعني تمام قتلك امك ؟
بشري : بس قالت لي يكمل حوشه ولا المكان يلي بيسكنك فيه !
جهاد : حي يا حي تيي نعشقك للنم ❤
بشري : ههههه خزي يا بيئه 😂
جهاد : اااااح ااح نستني في اللحضه هادي في كل دقيقه ! ❤
YOU ARE READING
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"
General Fictionالروايه منقووووله وباللهجه الليبيه
