.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"

الحلقه 45

لايك قبل ماتقروها .. نبي تفاعل ع الحلقة ❤ لأنو في حلقة تانية😉😉
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. 
.. 🍃 الْحَلْقَة : 🍃 45 ..
__________________
بهاء خش للحوش ويلقي تالين نايضه وتلعب بشعري .. ✨
بهاء جي طبس عليا وباسني وشد تالين وحطها عليا .. ✨
اني : تي اووف هممم هاااا 
بهاء : احم 
اني : تلفتله .. امتي جيت 😏
بهاء : اممم ملياش هلبا 😊
وكيف جاي بيبوسني دفيته .. ✨
بهاء : خيرك ؟ 
اني : مخيرنيش 😠
بهاء : اللطف ياربي خيرك سمله ! 
اني : شيي شيي مدخلكشش ! 
اصلا منكلمش فيك 😒
بهاء : 😂😂
لك يؤبرني الغيور 😜
اني : كخكخكخككخ 😒
بهاء : به تعالي شويه اوقفي 😂
اني ماشيه للدار : برا ملح توا سناء توقفلك 😠
بهاء جي يجري وشدني من خصري ولفني ليه ولصقني في الحيط اني طبست راسي وكان الدخان يطلع منه .. : ههههه اهو علقت عليك 😜
اني : حولل من علييا 😠
بهاء : غايره لي هادي الدرجه ! 
اني : مش غايره هي نحي 
بهاء : ههههه به خلاص والله خلاص كنت انغيض فيك ونبيك تتعفلقي بس 😝
اني : واتقول فيها بكل فخر وجو !!
ااصلا اني مش غايره ! 
بهاء : 😂😂 
حسيت والله 😂
اني : حول به !
بهاء : علاش منحول 
اني : علاش انت بارد هكيي 😢
بهاء : خيرني 
اني : مش قتلك معش اتكلمها بنت عمك وله وانت معدلتش ومست هكي ومست ماطلعت ومعدلتش نحي توا تنفعك تهدريزك و ضمانك ليها نحي 😢
بهاء : والله كنت نختبر في نسبه غيورتك عليا 😂
لكن مكنتش نحسابها لي هادي الدرجه 😂 ❤
اني ومطبسه راسي وقمت فيه عيوني : مبردك 😢
بهاء قاملي راسي وضمني : انحببك انحبك انحبك ❤
اني : هههه حول قتلتني ❤
جت تاالين شاده في رجل بهاء وتحاول توقف .. ❤
اني : 😻😻
شوفها ❤
بهاء قعد يشوفلها : ههههه ❤
اني : حليلي منها تهبلل وطبستلها وشدتلها ايديها ووقفتها ❤
بهاء : حي تمشي ههههه ❤

اني : ههههه اي شفتها ❤
وشديتها وضميتها ❤
بهاء : هههههه وتي روحك خلي نطلعوا ! ❤
اني : ليل غدوا اصلا منرقد !
بهاء : هههه به 
.
.
.
.
.
.
.
.
جي الصبح 🌅
يوسف و ريان 🌷
يوسف : رياان رياان هي نوضي بسرعه خلي نمشوا المطار مش في وقت !
ريان : اممم به 
يوسف : هيا هياا من بكري اتقولي به !
ريان : به معش اتعيط 😢
صبح يا فتاح 
يوسف : اسف به نوضي هي صباح الخير 
ريان : صباح النور 
وناضت خشت الحمام و مشت تلبس في بنتها وبعدها خشت صلت و قعمزت دارت ميكب خفيف ولبست قفطان ماشي مع الجسم فوشي و لبست فوقه ماليه سوده ووشاح مدخدش .. 
و كندره و الشنطه اسود في الفضي ولبست ساعتها ودبلتها .. ✨
وطلعت .. ✨
ريان : حبيبي وتيـ 
يوسف : هههه اي حتي اني هلباااا اني اكترر لاا اني ههههه اوك باي ❤
وسكر ✨
ريان : اا وتيت !
يوسف هارب منه اللون : من امتي انتي اهني ؟
ريان : اا توا جيت 
يوسف : هي اطلعي وين بنتك نزلت الشناطي اني !
ريان : اريام حبيبتي هيا !
وشدتها ونزلوا ❤
.
.
.
.
.
.
.
.
طقطقطقططق ✨
اني : بهااء 😣
بهاء : هممم 
طقطقطقطق ✨
اني : الباب يطقطق من بكري ! 😣
بهاء : به ارقدي ارقدي وغطالي وجهي وعطاني بالظهر .. ✨
اني : يا بهاء نووض 
بهاء : الزززح وناض .. ✨
وكان لابس شورت اسود وخلاص .. ✨
بهاء مسكر عين وفاتح عين .. : هااااا 
سناء : صباحو يا كسول ❤
بهاء بيرقد خلاص : همم شن في ؟
سناء : هههه قالك عمو عبدلله هي نوض وتي روحك انت ومرتك منمشوا للمزرعه !
بهاء : وعلاش ؟
سناء : منعرفش هو قال
بهاء : به اوك 
وسكر الباب .. ✨
وخش الدار ولوح روحه ع السرير .. ✨
اني : منو ؟ 
بهاء : سناء 
اني : خيرها شن جايه تبي ؟
بهاء : بوي قال منمشوا للمزرعه قالت وتوا رواحكم !!
اني : اهاا 
به 
شويه ونضنا و خشنا دوشنا وصلينا و بهاء لبس بدلته العربيه .. واني لبست سروال جسكار اسود و وتي شرت ابيض مكتوف عليه .. وعليها ( I ❤ B ) ✨
بالاسود وتوب اسود ✨
بهاء : اني لوطه باهي 
اني : اوك حبيبي ❤
و مشيت بدلت لي توتو شمالها و دوشتلها ع السريع ولبستلها توب بودري وسروال اسود .. وسبيدروا اديداس بودري ✨
ولبست سبيدروا نايك ابيض وعليه علامه الناسك بالاسود .. ووشاح اسود ✨
ولبست دبلتي و ساعتي ودرت ليا ولي بنتي برفان ونزلنا .. ✨
فافي : ميوكه 😻
اني : حبيبتي ❤
فافي : منمشوا 😻👏
اني : هههه حي وين اميمه وين ؟
فافي : في كوزينا 😝
وشدت تالين وقعدت تلعب معاها واني مشيت لي اللاي .. ✨
اني : صباح الخيرات ❤
الكل : صباح النور 💓
اني : انسادكم في حاجه ؟
اللاي : لالا كل شي واتي هي نادي الولاد ينزلوا الحاجات 
لمياء : هي هي 
اني : اهو توا اناديه 
وطلعت ناديتهم ع المهم نزلوا الحاجات و ركبنا السيارات .. ✨
( اني وبهاء و ايلاف وتالين في سياره ) ✨
( سناء وجهاد و اروي و سلسبيل في سياره ) ✨
( مروان و لمياء و اللاي وسيدي في سياره ) ✨
المهم مشينا و درس بهاء خدالنا شكلاتات و عصيرات .. ✨
وكملنا طريقنا ❤
.
.
.
.
.
.
.
تسنيم : هههههه اي حتي اني ستاحشتها ❤
الماس : اماله اني غدوا نمشولها ❤
تسنيم : اي تمام ههههه بعدين نوصلوا للحوش وانكلمها انقللها روحنا ههههه ❤
الماس : اوك ❤
ويوصل لي الماس مسج ... ✨
( نورتي طرابلس يا سمحه ) ❤
الماس تنحي لونها منها وشاف لي تسو ههه ولا سيموا احلا ❤
والقتها متشبحلهاش سكرت فونها وقعدت تشوف للروشن ✨
.
.
.
.
.
.
نور : ها يا ماما 
ليلي : نوضي يا همم نوضيي يا خميره بوك يبيك ! 
نور : به به 😣
وناضت ومشت لي بوها .. ✨
نور : انعم !
بوها : صباح الخير 
نور : صباح النورات ❤
بوها : خيرك راقده لي توا ؟
نور : هكي امس راقده متأخر !
امها : من النت الازقح !
نور : . 
بوها : هههه به قتلك وتي روحك الساعه 12 و منمشوا نتغدوا برا !
نور : ههههههه بجديات 😍
بوها : اي اي 
نور ضمت بوها : تي تهبلل انت 😘😘
بوها : خههههه به نحي قتلتيلني ! 😂
نور : ههههه خلاص سوري ومشت تجري لي دارها .. ✨
خشت دوشت وطلعت كلمت اياد مردش عليها .. ✨
فتحت الدولاب وطلعت سوريه بربري وسروال دجينز و قندره بيج .. ووشاح بطاطي .. ✨
ودارت ميكب وطلعت سخنت السياره وقعدت تستني في خالتي ليلي مش توته وطلعت ... ✨
.
.
.
.
اني : وصلنا ؟
بهاء : اي 
ووقف وقعد يكلكس فتحله الغفير .. ✨
وخشينا القينا جهاد و يلي معاه كيف نازلين من السياره نزلنا الحاجات و قعدنا نسيقوا ونضفوا في الدنيا جت اللاي القت الدنيا نضيفه .. ✨
قعمزنا قعدنا نوتوا في الفطور فطرنا والرجاله طلعوا للصلاة ❤
وقعدنا انطيبوا في الغداء درنا كسكي بالحوت .. ✨
شويه وجوا الرجاله واللاي تصب في التباسي .. ✨
كملنا وقعدنا نوتوا في السفر حطينا مسير وسلاطه و حكك مشروب ووتينا السفر و جوا الرجاله طلعوه .. ✨
قعمزنا نتغدوا ... ✨
كملنا ماكله واللاي وسيدي خشوا اتكوا واحني البنات قعدنا انضموا في الماعين .. ومهم داروا لفه سريعه ع الحوش وفافي وتالين رقدوا ✨
كملنا بسرعه لان احني هلبا .. ✨
وكان جهاد و مروان و بهاء مقعمزين .. ✨
جينا وقعمزنا جنبهم و لمياء ناضت دارت نسكافي وجابتهالنا سلسبيل و سناء واروي ناضوا يلودوا ❤.. 
شويه وهكي نضنا اني وبهاء منلودوا في المزرعه وناض لميا ومروان حتي هما بيتمشوا .. ✨
جهاد : به واني منتمشي مع مني ؟
بهاء : عول علي روحك 😂
مروان : كتر الله الحيوط 😂
لمياء : خزيي عليك اهو توا انجيبلك اختي ❤😂
جهاد : لاا لاا لاا فكني منكم انتم الشرقاويات ناركم قويه ما تنقربوا 😂
اني : 😂😂 خزيي عليك خيرها لمياء شن قصدك 😂
جهاد : اووو ملوكه خلينا صحاب عاد 😂
اني : هههههه خلاص ها سكتت 😂
ومشينا وقعدنا نتمشوا .. ونهدرزوا ✨
بهاء : اي حقا قتلك !
اني : شنو ؟
بهاء : عندي سفره لي بريطانيا !
اني : لااا وعلاش ؟ 😳
بهاء : خدمه منقعدوا شهر !
اني : اووف مبردها النفخ 😷
بهاء : هههه علاش ؟
اني : كرهتها من شهر البصل يلي درته 😒
بهاء : . عوضتك بيه ولا لااا !
اني : يعني 😌 ديمه النظره الاوله تقعد في راسك ! 😏
بهاء : لاا لاا !
اني : اي 😏
بهاء شدني من خصري وقربني ليه : شنو يعني ؟
اني : اممم شي !
بهاء قربني اكتر ..
اني : حول توا يشوفنا حد 😳
بهاء : ويشوف شن العيب يلي اندير فيه مرتي وحلالي ومنبوسها 😻
اني : تي حول بلا هبال حلالك مش اهـ وباسني ✨❤✨
اني دفيته : امم حول يا صايع توايشوفنا خوك ولا اختك 
وشديت بهاء من رقبته .. : انحبكك هلبااا ❤
وبسته 😽😽
بهاء : 😳
شن جاك 😍😍
سناء : احم ☺
بهاء : اهااا ههههه
تي شعرك كله تراب من بكري انفضلك فيه شي شي 😜
اني : ههههه ❤
سناء : شن اديروا ؟ 
اني : انتي شن اديري 😊
سناء : شي كنت انلود وشبحتكم جيتكم ☺
بهاء : اها تعالي تمشي معانا اماله هههه ❤
سناء : ليش لا ❤
وقعدنا نتمشوا وهوا يهدرز معاها طول الوقت وهيا نفس الشي وتتكلم بدلع بكل  .. شكلها لما دارت اب ديت لجسمها حتي صوتها اندار معاه 😒 😷(😂😂😂)
شويه وبدوا يطقوا فيها بي الطقان وولينا جيهت الحوش خليتهم يخشوا واني نضت وليت وخشيت مبين الشجر .. ✨
وكنت متعفلقه ولقيت دموعي ينزلوا تلقائي منعرفش علاش .. 💔
لين عترت علي شجره قعمزت وقعدت نبكي ... ✨
شويه وما حسيت الا بي واحد قايمني في غمره .. ✨
بهاء : خيرك حبيبي ❤
اني مسححت دموعي : حووول من علياا 😠
بهاء : الا 😽
اني : وقف ونزلني 😠
بهاء : خيرك به ؟
اني : نزلني ! 😡
بهاء : قولي علاش ؟
اني : انتتت عاارفف ولهه ! 
بهاء : لا .
اني : علي خاطر الانسه سناء يلي مولي متقدرش تقعد من غيرها كل شويه نشبحك معااهاا 😭
اصلا انت وليت معش اتحبنيي 😭
حولل من علياا نزلنيي 😭😭
ونزلت وقعدت نمشي ومخلياته واقف وهو منفلق من الضحك .. ✨
اني : وتضحك به به عارف روحك تافه وله 😭
ومشيت وخليته .. ✨
بهاء يجري وراي ومش قادر يتكلم من الضحك .. : غر تعالي يا مهبوله ولله فيوزاتك انضربوا منها تعالي يا مهبوله 😂❤
لين وصلني وشدلي يدي : خيرك 😂
اني : ماخيرنيش 😠
بهاء : تغاري منها لي هالدرجه !!
اني : اي ايي نغاار بهههيي 😡
بهاء عض شاربه : ياحليلي من مرتي يلي تغار 😻
قصدك اني طرف لي الدرجه هادي 😻
اني : كخكخكخ باارد راااك
بهاء : تعالي سخنيني 😒
اني : حول ايدك حول ! 
بهاء : هههه به خلاص خلاص 😂
وقامني : علاش تغاري يا مهبوله اني مستحيل انشوف لي غيرك خلاص بلا هبل والله نمووت فيكك هي وحنكون مهبول 
كان شفت لي غيرك ❤
اني : انشاء لله تموت كان شفت لي غيري 😢
بهاء : بعيد السو 😢
اني شبحتله : شنو ؟
بهاء : امين اجمعين 😔
اني : ههههههههه مبردك ❤
بهاء باسني من .... : اااخ 
اني : وقف عااد 
بهاء : اقسم بربي مغريات مش بيدي 😻
.
.
.
.
.
.
.
.
.
.
ريان : وسيفه 
يوسف من غير نيه : تي هاا شن تبي 😒
ريان : امتي منوصلوا ؟
يوسف : قريب 😒
ريان : منروحوا للحوش طول ؟
يوسف : منعرفش اسكتي وانتي اتقول بالعه راديوا 😒
( المشكله متكلمتش ! )
ريان وجعتها : خيرك انت مش طايقني ! 😢
يوسف : هككي ! 
ريان : تمام تمام 
وسكتت .. ✨
المهم وصلوا ليبيا ونزلوا طلعوا من المطار و جاهم خو سوفي ❤
ورفعهم للحوش واول ما خش عبا رصيد و سلم علي امه هو وريان واريام قعدت لوطه وركبوا خش يوسف دوش و بدل و لوح روحه ع السرير ! .. 
وريان خشت دوشت وجت جنبه ... ✨
ويوسف لاهي في الفون وخلاص .. ✨
ريان لما جت قعمزت دارت شبحه ع السريع وكان مكتوب في المسج يلي شفاته .. مش توا لي ترقد المصيبه .. 💔
ريان : خشت رقدت وغطت راسها تحت البطانيه وعطاته بالظهر وهو مكلمهاش حتي كلمه وما قاللها شن حالك توا ولا شن حال البيبي متعبك و لا لاا ؟!
خشت ووجعها خاطرها .. شويه وسمعت صوت .. #يتبع ✨
__________
تفاعل ع الحلقة 😉