-هي حبايبي انزلوا ديروا لايك وارقوا اقروها 😍❤ ..
🌷 آنْثَي تَـآئِهَـآ فِي مَشَآعِرْ رَجُلْ 🌷
🍃 الْحَلْقَة : 8🍃
____________________
فرج : به يركب راجلك ونوريه الصور وتوا انقولك بعدها هههههه
شنن راايك توا نمشيي بييك ونهربواا هههه ومعش انجوهم بكل وطلع بابوره من جيبه ... جايب حتي باسبوري هههه
اني : فررج شننن اتقوول فررج اتكللمم منن عطاك الصور !! 😠
فرج : انحبك 😽
اني : فرججج 😡
وفي هديكه اللحضه يرن فون فرج ..
فرج خش في بعضه ..
اني قعدت نشبحله ..
فرج حط فونه في جيبه ..
اني : ممكن اتنادي بهاء ؟
فرج : متبيش تعرفي من كلمني توا ؟
اني : اوووف 😒
فرج : انحبك والله العظيم خيرك هكي انتي ؟
اني : فرج الموضوع مش مكانه اهني !
فرج : به انحبك !
شن مندير !
والله سيبتها موده طلعت اتخون فيا اتكلم في غيري ياريتني سمعت كلامك كان هدا توا اني وياك مع بعض واحني يلي مسافرين مع بعض !
اني : كلمة ياريت متعمرش بيت !
بهاء فتح باب السياره : اوك تمام اماله نوصل وتوا انكلمك هي سلامات ✋
وركب .. ✨
فرج : طيب فيك يا راجل
بهاء : مش قتلي خود راحتك 😂
فرج : مش هكي عاد 😂
ومشينا ..
فرج : شن المطار ؟
بهاء : لا لا امشي لي $$$#$$
فرج : اوك امتي طيارتكم ؟
بهاء يشوف لي الساعه : مع الـ4 ونص
وتوا الـ11
فرج : اها كويس
وقعد يشوفلي في المرايا ويهدرزوا .. ✨
تبوا الحق كان عندي فون راه صورتهم الزوز مع بعض راجلي و حبيبي السابق راكبه معاهم في السياره 😂🙋
ااخ مصغرك يا دنيا .. ✨
ووصلنا للحوش ونزلت .. القيت الباب مسكر .. ✨
اني : كلمهم يفتحوا الباب 😒
بهاء : باهي 😒
و كلم بابا وجي وفتحلنا يوسف .. ✨
اني ضميته طول : استااحشتكك يا معففن ههههه
يوسف : اني معفن توا مصح الله وجهك شن الجو
اني : هههه مليح تيي وين وين اتهيج في ماليزيا وجو مليح و معش تبي اتروحلنا بي اختنا هههه
يوسف : خههه قتلك تعالي ماتبيش
اني : هههه وين اريام ؟
يوسف : فوق ههه
وقعد يسلم وهدرزوا هوا و بهاء .. واني ركبت
اني في الدروج : ماما انيي جييتت 😻
وخيتلهم
ماما جت حضنتني طوول : حبيبتي استااحشتكك
اني نمسح في دمعتي : واانيي اكتتر 😢
هههه معش نبي انروح نبي نقعد معاكم ❤
ريان : حولي يا ماما خليني نسلم حتي اني
اني : ههههه ريوننه استااحشتتك هلباااا 😭
ريان : حتي اني يا حيواانه 😭
اني : علاش متجيش الا في المناسبات يا كلبه مستاحشاتك ها ريتي توا مالحقتش انهدرز عليك ومنقولك شي 😭
ريان : مصح لله وجهك مستاحشتيني مش اتهدرزي عليا هههه هاك اتزوجتي انفخي لي راجلك راسه 😂
وكان بهاء كيف خاش الحوش اني شبحتله وهوا شبحلي .. ✨
و قعد يسلم
خشت مرت خويي ياسمين .. ✨
اني ضميتها : سيموو يا قرده شن الجو ❤
ياسمين : باهي مليح ههه شن جوك انتي ؟
انيي : الحمد الله
ياسمين : كيف حالك بهاء ؟
بهاء : بخير
و قعدنا نهدرزوا وقطع تهدريزنا فون بهاء ..
وكان فروجه رد ..
بهاء : ااه فروجه وين اوك به تمام متعطلش به به بسرعه بس وقت ع الطياره !
وسكر .. ✨
ريان شبحتلي اني قعدت انرقصلها في حواجبي وانفلقت من الضحك .. ✨
ريان : كيف كيف 😂
لالا نوضي نوضي احكيلي 😂
اني فنصت فيها وكنت راقده علي رجلين ماما ومضبتتها : نوضي جيبيلي اريام الاول هههه
ريان : حقيره هههه
اني : طالعتلك ، سيمو شن وين مروان ؟
ياسمين : في الخدمه
اني : حيي كبرتت محلالاهاا يا ربيي 😘
ريان : ريتي وله 😍
محلاها بنيتي ❤
اني : يا تقه 😒
تشبه لي خالتها
يوسف : لا هدا يلي كان ناقص ههههه تبيها غوريلا امله 😂🙋
اني : مصحك هههه
وشبحت لي بهاء القيته يضحك .. ✨
ياسمين : اي حقا خيره فونك مسكر ؟
اني : اني ؟
م ماهو ماهو طاح مني وفسد
ياسمين : اها
اني : اي
وقعدت انلعب في اريام
شويه وقالي بهاء هي نوضي .. ✨
اني نضت سلمت عليهم كلهم ولما وصلت في ماما قعدت نبكي .. ✨
اني : ماما نبييشش نمشيي نبيي نقعدد معاااك مستااحشااتكك 😭😭
ماما : خلاص حبيبتي 😢
ريان : ايي عااد خلاص علاش تبكوا 😢
اني نمسح في دموعي : نوصل غادي ونكلمكم 😢
ماما : تمام حبيبتي ❤
اني : سلمولي علي بابا ومروان ❤
وطلعت واني نمسح في دموعي 💔
بهاء في دروج : علاش مش محترمه نفسك ولا محترمتيني معقوله هكي تضبتي راجل اختك خيرك مكرشتيش في رقبته !
اني : مخصكش وشوف منوصل غادي بتخلقلي فون وشفره تمام !!
وطلعت قدامه ✨
بهاء : يا ربي الهمني الصبر مش منقتلهاش
و طلعنا ركبنا السياره ومشينا .. ✨
وصلنا المطار ونزلنا .. ✨
المهم درتنا الاجراءات وركبنا نستنوا .. ✨
و بعدها نادوا علي رحلتنا و مشينا ركبنا .. ✨
خشينا قعمزنا و قعدنا نستنوا في الطياره امتي تقلع .. ✨
اني : وين منمشوا ؟
بهاء يبعت في مسجات في فونه : لندن
اني : اوووف امتي منروحوا ؟
بهاء : يوم بتتطلقي فيه
اني بلعت ريقي وسكتت وقعدت نشبح لي جيهت الروشن .. ✨
بهاء :
( هههههه اي اني توا في الطياره منمشي لي بريطانيا )
موده :
( معااها ؟؟ )
بهاء :
( ايي معاها )
موده :
( بهااء شنن اتقولل كيف هكي ؟؟
شنن قتلليي انتت مشش بطلقهاا !
شنن متوفييش بوعددك انتت !! )
بهاء :
( يا حبيبتي والله منطلقها غر انفوت الفتره هادي بس وانقوللهم متفقناش ! )
موده :
( اوك يا عمري ، هيا بنت الـ###$# وله !)
بهاء :
( اي هيا )
موده :
( تعرف هدي البنت كانت تقرا معايفي الجامعه وعليك اخلاق و تربيه زفته !!
تعرف الدكتور لما اتخش يلز فيها !!
متع سيارات !
من سياره لي سياره تعرف !!
يلا فكنا من سيرتها )
بهاء :
( هي بتقلع الطياره باي توا )
موده :
( باي حبيبي انحبك 😍😘)
بهاء :
( انموت فيك يا قلبي 😘😘 )
وسكر النت والفون
و شويه وطارت الطياره .. ✨
.
.
.
.
موده : ههههه تملح تيي تشووف هالحقيره مستحيل اتعيش احسن مني شنن نااقصنيي انيي مش اتكون ااحسن منيي !!
بشري : لا ااا شي ههههه
موده : خلي انكلم حمادي توا هههههه
بشري : هخهههه بالصحه عليك 😂
.
.
.
حوش عزوزتي
عبدالله : مشو ؟
عزوزتي : تي اي
اروي : ماما شننو تبيش تمشي لي خالتي ؟
عزوزتي : هي هي جيبي جلابيتي
جهاد : وين انشاء لله ؟
اروي : حوش خالتي
جهاد : اممم
اروي : خيرك ؟
جهاد : شي 😒
اروي : حقا بابا اعطيني فلوس نشري شويه حاجات توموروا البنات بيجوني
جهاد : من هما ؟
عبدالله : شنن دخلك انت 😒
جهاد : ماهو مرات مينفعوش .
اروي : ليش ااماله فاتح مكتب متعرف عليه ع البنات كلهم 😂
عزوزتي : لا وياريت داير تمره 😂
جهاد : لا بلحه 😼
لمياء : خيركم خيركم علي جهاد منزوجه لي اختي ههه متشدوهاش وراه
جهاد : 😂😂
لالا فكني منها حرفه بكل نوعيتها اتهزب 🙋
انتم الشرقاويات حرفات 🙋
لمياء : هههههه حقير شن قصدك اني حرفه ؟
جهاد : وين نندري وين مروان خلي يقولنا 😂
لمياء : اصلا انتم تمشوش الا بالعين الحمراء 😂
جهاد : لا الخضراء 😂
لمياء : مبردك 😂
جهاد : لالا نبي فافي اني 😍
وله حبيبت عمو 😽.
.
.
تسنيم و الماس في الجامعه .. ✨
تسنيم : خلت مكانها الكلبه 😭
الماس : ايي هلبا تعرفيي 😔
تسنيم : هيا اليوم مسافره
الماس : من قالك ؟
تسنيم : منزله ستيت ع الفييسبوك
الماس : اها
تسنيم : اووف تعالي نمشوا الكافيتريا نبي ناكل هههه
الماس : مفجوعه بكل 😂
تسنيم ههههه خزي
ومشوا للكافيتريا .. ✨
تسنيم : اني بيجيني محمد منتلاقوا اليوم 😍
الله مستاحشاته تعرفي 😍
الماس : مش زي الابله يلي عندي ركيك بكل مولي معقد 😒
تسنيم : حمودي فيش منه تنين 😍
الماس : سحكه انتي وياه 😒
.
.
.
.
.
عندي اني في الطياره .. ✨
كنت مقعمزه نقرا في كتاب .. ✨
( احببتك اكتر مما ينبغني ) 🌹💔
شويه ونحس بشي طاح علي كتافي ههه وكان بهاء راقد وحاط راسه علي كتفي ههه .. ✨
واسيتله رقبته و وقعدت نشبحله ونتأمل فيه .. ✨
اني : اووف انتت علاش هكي اديرلي به كان اتحب غيري علاش متزوجني ؟
به علاش تكرهني شن دنبي اني ؟
ياربي سامحني كان جي يوم و كنت اني سبب يلي فرقتهم 💔
و نزلت دمعتي علي وجهه بهاء اني مسحتهها طول .. ✨
بهاء فتح عين : هممم شن في ؟
اني : شي شي ارقد ❤
وكمل نومه وطول الوقت نتأمل فيه .. ❤
وقعد نتدكر في كلمته لما تتطلقي 💔
وجعتني بكل 💔😔
وصلنا في الليل بكل وهو ههه قاعد راقد ..
اني : بهاء بهاء هي نوض
بهاء : شنوو 😣
اني : نوض هيا وصلنا
بهاء : اوووف هي نايض
وناض ونزلنا .. ✨
طلعنا من المطار وقف تاكسي ومشينا للهوتيل .. ✨
خشنا بهاء عطي اسمه ودخلوه ع الكمبيوتر وطول طلعت فيه غرفه محجوزه لينا .. علي حساب الشركه ✨
مع ان بهاء كان يبي يطلب غرفتين .. ✨
خشينا .. ✨
بهاء : اااخ يا رقبتي 😣
اني : طول الطياره وانت معوجها وتبيهاش توجعك 😌
بهاء : جعانه ؟
اني : شويه
بهاء : خشي دوشي وننزلوا ناكلوا
اني : اوك
وخشيت دوشت و خش هو وانزلنا كلينا وركبنا اني فتحت اللابتوب وفتحت النت وهوا القيته ارقد .. ✨
اني جبدت الشرشاف و خشيت ارقدت ع الصالون .. ✨
.
.
.
.
ناض بهاء تاني يوم مخلوع ههه وحمد ربي ملقانيش معاه وشبح للصالون القاني راقده عليه ناض دوش و لبس .. ✨
اني: صباح الخير
بهاء : صباح النور
اني : كان بتطلع جيبلي شفره وفون
بهاء : به
.
.
.
.
ومرو يوم ورا يوم ههه وباهي لي بهاء بدي يكلم فيا مره مره لكن مش ديمه مشينا لي شقه .. وكل واحد خدي دار .. و كان كل يوم يطلع لللخدمه .. ومنشوفش فيه الا في الليل ..
منندريش عليه وين يمشي بعد الخدمه .. ✨
جي يوم و اني خلاص طفح الكيل من تسرفاته ديمه كنت انكلم في ماما وصاحباتي ونشكيلهم و يهدوا فيا وينصحوا فيا .. ✨
في يوم كنت عطشانه نضت منشرب اميه خشيت للمطبخ شربت القيت ضي الصالون مفتوح مشيت منسكره اني خشيت والقيت بهاء فيه .. ✨
جيت قعمزت جنبه .. وقتله .. ✨
اني : ممكن انكلمك ؟
بهاء : شنن تبيي ؟؟
اني : حط الفون وكلمني من بعد ادننك وانت قريب تعمي عيونك بيه 😒
بهاء : وشنن دخللك انتيي شنن تبيي هي اختصريي ؟؟
اني بنبكي خلاص : ................
بهاء قعد يشوفلي ومصدوم وقالي : ...........
#يتبع ✨
___________
رايكم في الحلقة .. وتوقعاتكم للحلقة الجايه .. ✨
![](https://img.wattpad.com/cover/179462366-288-k808314.jpg)
YOU ARE READING
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"
General Fictionالروايه منقووووله وباللهجه الليبيه