آنْثَي تَـآئِهَـآ فِي مَشَآعِرْ رَجُلْ 🌷
🍃 الْحَلْقَة : 4 🍃
____________________
واتصلت وجاني مقفل و اتصلت مره تاني رد
بهاء : منوو ؟؟
اني : ااا
نور : تكلمي 😳
بهاء : الووو
اني : ..........
بهاء : تيي منو بتتكلم ولا نسكر ؟
اني سكرت ..
نور : علاش متكلمتيش مبرد !
اني : شن منقول يعيط !!
نور : خشي تمرقدي
اني : 😩😩
نور : ايوا يا عمري
ههههـ لا مصح وجهك اي امله شنو حلوه طلعت 😌
مصح وجهك اماله اكيد قلتلها طلعيني نشابه لي حبيبي 😒
هههههـ عاد مش قتلي اني شينه !!
ههههههـ به به
.
.
.
.
.
ماما : والله رجليا معش قادره نوقف عليهم خلاص فاشله بكل 😣
بابا : بديتتي عزوزه 😂
ماما : ع الاساس 😒
بابا : 😂😂
به غر اسمعي انتي واقفه واقفه جيبي ريموت المكيف والتيفي
ماما : اوك
شن مشيت للمستشفي اليوم ؟
بابا : لا
ماما : علاش ؟
بابا : اعيت فديت كل يوم نفس الموال خلاص معش منمشي ويلي يسخره ربي بيصير والاعمار بيدي الله !
ماما : تيي كيف يا علي !!
بتقتل روحك !!
انت مريض بالكلي ومفروض كل يوم تمشي ادير غسيل !
بابا : حنان بتسكتي ولا نطلع لي الدار التانيه نرقد فيها !
ماما : تي يا علي
بابا : حناان اانتهي الموضوع اسكتي !!
ماما : لا حول ولا قوه الا بالله
.
.
ياسمين و عمر ❤
ياسمين : حبيبي
عمر : عيونه ❤
ياسمين : شن مش نواي ترفعني حوش اماليا ولا كيف ؟
عمر : غدوا غدوا
ياسمين : نفس كلمه كل يوم 😒
عمر: انشاء لله خلاص
ياسمين : توا انشوفوا !
عمر : شن متبيش اديريلي حاجه ناكلها ؟
ياسمين : شن انت تشبعش من الماكله 😂
عمر : ع الاساس انتي تشبعي 😒
ياسمين : .
شن تبي تاكل ؟
عمر : اي حاجه يا عمري 😂❤
ياسمين : به توا انديرلك سندوتش بالجبنه 😂
عمر : سندوتش بي امك 😒
ياسمين : عمر 😳
عمر : 😒😒
ديريلي رز و بطاطا و ودجاج مقلي
ياسمين : وتبي عصير ولا اميه ؟
عمر : يلي يجي منك باهي
ياسمين : قتلي شن تبي بالك وداني يسمعوش باهي !
عمر : رز وبطاطا و دجاج مقلي و بوريك وبس نبيش نكتر عليك 😌
ياسمين : كدااب كداب مقلتش تبي بوريك في الاول 😢
لا والله مكترتش بكل
اصلا انت تبي شندوتش بالتن وعصير ❤
ناض عمر قامها : نبي عينك خلاص طارت النيه توا نبيك انتي وبس 😘
ياسمين : هوا دا الكلام 😂✊
عمر : 😂😂
ياسمين : هههههـ انبصر نزلني وانديرلك كل شي اصلا حتي اني جعانه 😘
عمر : لالا خلاص 😍
ووووووو .........
_________
حوش عبدالله ❤
اسيا : يا اروي
اروي : نعم يا ماما
اسيا : وين جهاد ؟
اروي : نعرفش اسألي نامي
اسيا : بري نادي بهاء خلي منكلمه
اروي : مهناش
اهوا كيف خش بهاء تعالا تبيك امك
بهاء : شنن فيي ؟؟
امه : اطلعي انتي وسكري الباب
اروي : اوك
وطلعت .. ✨
بهاء : خير انشاء لله !
امه : تعالا انوريك البنت !
بهاء : شنن مندير بشبح وجهها اني ؟؟
امه : كيف عيب يا ولدي !
بهاء : تي انتم درتوا العار شن العيب هدا وامي بالله اخطييني اني منبيهاش ورب العزه كان اتزوجتها حتكون زي اروي لا اكتر ولا اقل !!
امه : شنن اتقولل انتت !!
بهاء : يلي سمعتيه !
امه : اسسكتت انتت وبعدينن هديي حتكونن مرت ولادك شأت ام ابيت ، اكيد مش حنولوا في كلمتنا والراجل يعرفه بوك وعطاه كلمه خلاص !!
وبعدين انتت علاش مجيتش بكري مش تلبسها الخاتم شنن تكدبب علياا وقتليي حنجيي !!
بهاء : امي مطوله دوتك ؟
امه : اي كان عجبك !
ياولدي انت بتقعد بر من بيعانيك !
من بيطيبلك بحددلك ، خلاص بوك بيبعتك الايام الجايه كيف بتقعد بروحك ، طيب من حتي بونسك !
بيهون عليك تعبك !
بهاء : النم كمم مره انقوللك انيي عنديي وحده منتزووجهاا نبيهاا منبيشش هاديي تماام اني نحبب وحده تانيه منحبشش هااديي !!
خيرككمم انتتم الزحح لازم نفقشهاا معااكمم !!
النم باش تفهمووا !! 😡
امه : ياا قليل الادب ادوي باهي لما تتكلم معاي !
والعرس الايام الجايه هي اطلع كان بتطلع
بهاء : الله ما طولك يا روح نفهم منك مش حنتزوج يلي نبيها ونتزوج علي مزاجكم ؟؟
امه : ايوا بزبط !
بهاء : واني مش حنتزوجها وكان اتزوجتها مش حنعبرها تمام هكي !!
بوه : حتتزوجها غصبا عنك !
اول شي وتاني شي حتتعود عليها في الحوش وتالت شي كان سمعت يوم وجت تشكي منك ماتلوم روحك يا بهاء ورابع شي البنت يلي تبيها والله ماك واخدها وكان حتاخدها ماني راضي عليك 😡 !!
بهاء : يعنيي تتحكمواا فياا !!
اني رااجلل وللد مشش ارويي تتحكموا فيها اني عمريي 28 عاام يعنيي مشش عييلل !!
امه قطعت عليه : انتت ولديي وبنتحكم فيكك وانتت ساكت
بهاء : والله العظيم مانبي انعاندكم وطز في رضاكم كان عليا !
لكن استغفر الله للاسف رضاكم من رضي ربي !!
و هدا يلي مخليني ساكت
لانك انت بوي وانتي امي !
واني قلت لي عندي تمام حنتزوجها و مش حتستني مني شي تمام !
وحتكون زي اروي !!
وطلع وقربع الباب ✨
ومشي خش داره .. ✨
ولوح روحه ع السرير ..
واتصل بي صاحبته .. ✨
بهاء : حبيبي
بشري : بهاء شن الجو دوده جنب بابا شويه واتجي
بهاء : اها اوك شن جوك انتي ؟
بشري : الحمد الله وانت
بهاء : ماشيه شن بديتي في القرايه ؟
بشري : لالا مزال
بهاء : اها ، اوك يا بقره لما اتجي اختك قوليلها اتكلمني
بشري : ههههـ تمام يا تور
بهاء : هههه تمام
وسكر
نحي تيشرته و اتكي ع السرير وقعد يشوف للسقف .. ✨
بهاء : ما نبيهاش يا ناس بسيف هيا الحكايه الزففتت
طقطقطقططقطقطقق
بهاء : منوو ؟
جهاد فتح شويه من الباب : منخشباهي 😼
بهاء : من امتي تعلمت الاحترام وبديت اطقطق 😒
جهاد : به يا حيوان الحق مش فيك مفروض خشيت بالفقع 😒
بهاء : شنن تبي 😒
جهاد : منهدرز عليك 😌
بهاء : ونبي متدوي علي اما وحده متنفخليش راسي لان والله ما ناقص !
جهاد : مصح وجهك مانبي منك شي غر منقولك نوسه عيد ميلادها غدوا ومعرفتش شن نشريلها !!
بهاء : عنشكلك نوض من قدامي
جهاد : تي خيرك النم الحق مش فيك
بهاء : اي الحق فيك هي نوض وريلي مشيتك 😒
جهاد : بهيم وحقير باهي
ااه بوجه انت برا اوك هي اني نازلك تم يا برو تشاو 😽
بهاء : فرج ؟
جهاد : ايي
بهاء : لوطه
جهاد : اي النم
بهاء يلبس في تيشرته : مننزله
جهاد يواسي في شعره قدام المرايا : شن شادك اني ؟؟ 😒
بهاء : 😒
.
ونزل .. ✨
بهاء : فروج 👋
فرج : ااوو ياحبي شن الجو
بهاء : تمام الحمد الله وانت ؟
فرج : اهو مليح شن شن مداير
فرج : اهو حال الكساد
جهاد : اوو مرتي شن الجو 😂
فرج : مرت بوك يا حيوان 😂
جهاد : 😂😂
شن الجو
فرج : مليح وانت شن الجو
جهاد : مليح هلبا اسمع منكلمك عرفتها نوسه هديكه يلي عيونها خضر
فرج : في هلبا عيونهم خضر 😂😂
جهاد : تي بنت عم ميس
فرج : بنت عيلة اي خيرها
جهاد : غدوا عيد ميلادها قولي شن نشريلها !
الحق والله انعزها البنت 😔
بهاء ضربه علي ضهره : ياا خفييفف خفيف الزح 😣
جهاد : شنن دخلك 😒😒
بهاء كيف بيتكلم فونه رن مشي من جنبهم .. ✨
بهاء : اهلين حبيبتي شن الجو تمام باهي مليح شن جو العيوله ؟
اها كويس .... ههه اي مستاحشك ❤
لااا والله ههههـ انحبك اي ههههههـ هلباا ❤
.
.
.
.
.
اني : اووف مش جايني نوم
نور تبربش في الفون : علاش ؟
اني : زعما كويس ؟
نور : انتي صليتي ركعتين وتوكلتي علي ربي خلاص
اني : اووف كان يطلعلي زي فرج !
راه هدا مش حيكون صاحبي حيكون راجلي !
نور : لالا ربي يقدم لي فيه الخير انشاء لله ❤
وياربي كان هوا خير ليك ققربه ليها وكان العكس ابعده عليها 🙌
اني : انشاء الله ... هي تصبحي علي خير
نور : وانتي بخير 😽
.
.
.
.
.
جي الصبح ☀
ماما : ملاك نور هي نوضوا
نور : وراس حنونه خلينا شويه بس 😫
ماما : نوضوا خلاص منطلعوا منشروا حاجات
نور : به نايضين شويه 💤
ماما فتححت الروشن وسكرت المكيف و فتحت الضي وجبدت البطانيات
ماما : هي نووضواا بسرعه
اني : اوووف ياا مااماا نايضينن هي
ونضت خشيت الحمام و نور طلعت خشت للحمام التاني .. ✨
طلعت من الحمام .. ✨
خشيت للدار بدلت حوايجي وقعمزت اندير في مرطب لي وجهي ..
نور : اوووف بكل امك 😒
اني : مديلي فوني
نور : هاااك
اني : مشاء لله من متفكرني ومتصل بيا 20 مكامه 😂😂
هدا كله علي خاطر ارقدت بكري 😂
😳😳
لا مش ههكيي مصحح وجههاا
وحطيت ايدي علي وجهيي ، تي هدا رقمه والله العظيم رقمه نهااار الاحرف 😭
نور : خيرك تحرفينا في نهارنا !
ناقصين
اني : تعااليي شووفيي خخلاصص مشش قاادره هدا بني ادمم هدا !!
نور : هدا رقم خطيبك ؟
اني : اي هواا 😢
نور : نهاار مشطشط 😱
اني : شنن انديرر ؟؟
نور : كلميه وقوليله شن يبيي منكك هدا لو يبعتله الصور حتضيعي !
اني : تيي بيقولي نبيك وجوو !!
قالي وقت تفكري تردي عليا كلميني نبيك في موضوع ..
نور : كلميه !
اني : ترا شوفي ماما وين ؟
نور : مش اهني اهو انسكر الباب بالمفتاح كلميه هي !
اني : خايفه تعرفي بطني بدت توجع 😣
واتصلت بيه .. ✨
فرج بصوت ناعس : ايوا 😫
اني : شنن تبيي منيي ؟؟
فرج : اووو امي داعيتلي بالخير شكله متصبح علي صوتك 🌹❤
اني : شنن تبيي قلناا !!
فرج : خطيبك يسلم عليك امس ههههه
اني : فرج متكترش الدوه شنن تبيي ؟
فرج : والله خلاص اتصلت منقولك اعطيني رقم بو ولا ام ولا اي حد يقرب للـحقيره موده !!
اني : ليش قالولك شركه الاتصالات اني ؟
فرج : مش هكي ، لكن موده طلعت وحده *
زي ماقلتي !
اني : هه توا زي ماقلت !
ههههه بععد ماعيت منهاا بعد ما قتلتني بعد ما خنتني معاهاا !
فرج : والله اسف وراس ملاكي سامحيني ❤
اني : فرج معش تبي اتقول شي ؟
فرج : صورك عندي بس !!
اني : بالله عليك اامسحهمم فرجج ونبي بالله عليك 😢
فرج : مستحيل لين اتكوني حلالي هداكا الوقت حننمسحهم ونصوروا مع بعض ههههههه
علي فكره وصلوني صور البيان متعك ههههـ قفطانك الابيض طالع يهبل اعليك 😍
اني : 😳😳
ا ابيض شن و ؟
فرج :تي الابيض الطويل لحضه توا نبعتهولك ع الفايبر هي خليك ع الخط ... اممم وصلك ؟
اني : فررج منن وينن اخدييته !!
فرج : العصفوره جابتهولي هههههه
اني : فرج بلا حقاره تكلم !!
فرج : سرر سر هههه
هي باي يا عمري منكمل نومي 😽
وسكر .. ✨
اني لوحت الفون وقعمزت نبكي نبكي ومصدومه من وين حصل صورتي ! ..
قلبي قابضني ع الاخر .. شكيت في اقرب وابعد الناس ليا جاني ع الوتر الحساس .. 💔
كنت خاايفه خايفه هلبااا كان كل مايجي يكلمني يبعتلي صوره جديده مع العلم ان كانت عنده صوره وحده ليا !!
وبعتتهوله الخاينه #موده 💔
( حتعرفوا كيف دارتلي الخونه وكل شي بالتفصيل مع الحلقات ) 💔
نور : خيرك ؟
اني : شي شيي خلييني 😭
وقعدت نبكي شويه وهديت وحكيت لي نور كل شي
وورريتلها الصوره ونصدمت اكتر مني ممكن .. ✨
.
.
.
.
فاتوا ايام وماما و اسيا حددوا العرس وكان بعد شهر ... ❤
كلمت ريان وباركتلي وفرحتلي هلبا بس اني فرحت اكتر لان بتروح مستاحشتها مش انشوفها 😍
لكن يلي كان كل ما نفرح يطيرلي في فرحتي # فرج وكان يهدد فيا وكل مره يكلمني فيها كنت انخاف اكتر من يلي يقبلها لان تهديداته كبروا بكل ووصل حتي في حاجات ع العيله كبيره بكل .. 💔
بابا كان يمشي مره مره يدير في غسيل .. وطبعا قاعد ماقالناش بكل ماما وعبدالله بس يلي يندروا .. ✨
.
.
.
.
.
مروا ايام وفاتت الحفله و وجي يوم الفاتحه .. وكانو العيله كلها بايته عندنا .. نضت الصبح خشيت دوشت وجبدت شعري و طلعت من الدار نسمع في بابا يتكلم في الفون و يقول .. ✨
بابا : كيف يا عبدلله ..#يتبع ✨
__________
YOU ARE READING
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"
General Fictionالروايه منقووووله وباللهجه الليبيه
