💕انزل دير لايك واركب اقراها كان ملقيتش تفاعل غدوا مش حنزل 💕
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 ..
.. 🍃 الْحَلْقَة : 🍃53 ..
__________________
ريان كانت اضم في الحوش .. ✨
فجأة الباب يطقطق .. ✨
ريان : منو ؟
وفتحت .. وتلقي ...عزوزتها .. ✨
ريان : ا اللاي ؟
عزوزتها : اي في حاجه غريبه ؟ 😒
حولي حولي خلي انخش ولا مش ناويه تخشاشيني ؟
ريان : لا خشي انتي خليتي منقولك مجال مش انقولك تفضلي !!
عزوزتها : هه ع الاساس منظفه الحوش 😏
ريان في خاطرها اتقيمها وتلوحها .. : شاهي ولا قهوه ؟
عزوزتها : باهي يلي قلتيها قريب نضت ومنديره بروحي !!
ريان : امتي جيتي انتي مش انقولك انديرلك ولا لا !!
عزوزتها : هه خيره لسانك هكي يا قليله التربيه !
انقوللها كلمه تردها عشره !!
ريان : لا حول ولا قوه الا بالله !!
تبي حاجه ؟
شن حايه تبي ؟؟؟
عزوزتها : مش جايه مش نشبح خليقتك اكيده !
جايه نكلمك علي ضرتك نصيب !
ريان ببلعت ريقها : اني مش فاضيه مش نسمع كلام عليها !
عندي ما ندير !!
هي بتقعمزي ولا بتطلعي لاني منكمل ضمان حوشي !!
عزوزتها : خيرك متقويه انتي ؟
ريان : خيرك كارهتيني انتي ؟؟
تي كنتي مش ناخد ولدك قريب تهبلي وتوا جايه ع الاساس بتمني وو ههه
عزوزتها : هه ولدي يلي ختارك وانتي جريتي وراه زي الكلبه !
ولما اتزوجك عليك جيتيه زيك زي الكلبه !!
يا كلبه !!
ريان : يووو ، شن الاسلوب هدا سوري مش مستواي هلبا 😷
وفتحت الباب .. : تفضلي
عزوزتها ناضت .. : تلزي يعني !
وهيا كيف طالعه ننصحك
تاكدي وتقه حيكون هدا حوشها !
وحيرجعلها !
ريان : كان ملعبتيلاش بعقله راهو مخداهاش !
عزوزتها : تي يا صايعه الصايعات اني امه يلي مش متربيه 😠
ريان : هه 😏
نصيحه يا اللاي !
اعتبريها من بنتك !..
شدي سبحتك و صلايتك و معش تتدخلي في حياة ولدك اهي لوحتي المرا مطلقه في حوش بوها !
في رقبتك !!
عزوزتها : حشا بناتي من شكلااتك !
وبعدين ماهو انتي يلي قلتيله طلقها !
ريان : لا قتله ولا شي !
تبي تصدقي صدقي متبيش متصدقيش !
عزوزتها : جدري يرفعك
ونزلت وخلتها ... ✨
ريان : لا حول ولا قوه الا بالله شن هادي 😢
.
.
.
.
اني : طالع ؟
بهاء : اي منمشي للخدمه
اني : شن نديرلك غدي ؟
بهاء يلبس في كندرته : اي شي من تحت يدي حلو ❤
اني : ههههه سلمه ياربي ، باهي متعطلش ❤
بهاء : تمام ❤
وطلع .. ✨
.
.
اني درت دوره ع الحوش .. و فتحت لي تالين تتفرج و خشيت ندير في الغدي .. درت محشي و دجاج مقلي وبطاطا .. ✨
و سكرت عليه ومشيت خشيت دوشت وطلعت القيت تالين راقده غطيتها .. وواسيتها .. ومشيت بدلت لبست قفطان عنابي ماشي مع الجسم كت .. وجففت شعري .. و ودرت لوشن لي جسمي .. شويه هكي ادكرت مصليتش نضت
توضيت وصليت ✨
وبعدها قعمزت فتحت النت .. ✨
جوني هلبا مسجات .. ✨
تسنيم : منديروا يوم ومنجوك راه
الماس : اي اي كان متبيش تعزمنا نعزموا روحنا بروحنا 😂
اني : هههه تعالوا في اي وقت الحوش حوشكم 😂😂
.
.
وشفت المسج يلي بعده .. ✨
فرج : ملوكه شكلك مش ناويه تطلقي براحه لازم لين اني ندخل في الموضوع !
جهزي روحك للايام الجايه مش اتقولي ناسيك كل يوم بايت نحلم بيك جنبي نفيق نتفرج علي صورك ونرجع نرقد 😻
ااخ يناعلي الحب ومايدير ريتي ريتي ❤
اني : اعود بالله منك كل مره طالعلي من رقم !
وبعتله .. : كان ادير فيا خير ومعش تبعتلي مسجات بس ومعش اتكلمني وتتدخل فيا !! 😠
مفاتوش دقايق ورد .. ✨
فرج : منقدرش انطلعك من بالي 💔
وبعتلي صورتي 💔
اني : استغفر الله .. من يبعتلك في صوري ؟
شنن هدااا شن تحساب روحك انت امسح الصوره ! 😠
فرج : هه عندي هلبا صور مش صوره هههه 😜
اني : حرام عليك راني عندي بنت شن مزال تبي مني ؟؟
فرج : نبيك !
اني : انموت ولانرجعلك
تي انت شنوو انتت انسان !!
فرج : متعفلقينيش وتخليني نبعت لي بهاء صورك !
اني انبين في روحي مش خايفه : و قوله !
وبعدين تعرف حتي كان اطلقت اني وبهاء احلم احلم ان نرجعلك حلم بليس في الجنه فااهمم يا #مريض 😠
ودرتله بلوك .. ✨
اني : اعود بالله منه زي الشيطان الرجيم كل مره طالعلي من رقم 😪
وقعمزت .. ياربي من وين يجيب في صوري 😥
ياربي استر عليا ياربي لا اله الا الله علاش حياتنا عداب اني ووخيتي علاش شن مدايرين في دننيتنا 😔
اااخ اااخ لا اله الا الله 😪
.
.
.
.
.
بشري : موده شن تبيي جايه ؟
موده دفتها : حولي شن تشبحي فيه حوش بوك !
بشري : لالا حوش امي !
مبرد وجهك الزفت !
صايعه فاسده ^&*&^%
مدايرتلنا العار يا متاع العار مشوهتيلي سمعتي في كل مكان يا &^%3% يا متاع الفلوس تفو عليك وعلي تربيتك 😡
موده : تي ضمي فمك يا )&^%$##$%^& اقلبي وجهك من قدامي ولا انوض نرتكب فيك جريمه توا !
امها : موده جيتي كيف حالك بنيتي ❤
وينك معش اتباني ؟
موده : ها شن تبي ؟
متبعديش صنتك طبيخه توا تعلقي فيا الصنه !
وخشت دارها .. واخدت سروال وتيشرت وحطتهم في شكاره وطلعت .. ✨
بشري : اضرب عندها حتي سياره جديده هه !
امها : امس بايته عند بوك ! 😢
بشري : شنوو 😳😳
امها : مش عارف مفهمتش كيف نتفاهم معاها هالبنت 😔
بشري : تي خيرها هادي هبلت !!
امها تنهدت ومشت .. بشري جت ضمتها ❤
بشري : ماما متزعليش روحك 😔
خلاص بنت وحده حقيره مينفعش فيها الخير 💔
امها : معش اتقولي علي وخيتك هكي ! 😢
بشري مسحتلها دمعتها : باهي خلاص حاضر غير معش تبكي بس 😔
وخلت امها مقعمزه ومشت كملت طياب الغدي جهاد يتصل اتسكر عليه .. ✨
.
.
جهاد :
" ردي عليا ومعش اتسكري في وجهي 😠 "
.
.
بشري : تيي براا ملح وطلعني من راسك !
واتصل بيها وهيا اتسكر عليه وهو قالك شي ما نمل .. لين تعفلقت بشري وردت .. ✨
بشري : هااا تفضلل شنن تبيي ؟؟؟ 😡
جهاد : خير ام امك مترديش علي امي 😡
بشري : مزااج باهيي !! 😠
جهاد : مزاج امك تي خير عمك انتي ؟؟ 😡
بشري : تي احترم نفسكك ! 😡
جهاد : لما معش اتسكري في وجهي نحترم نفسي 😡
بشري سكرت في وجهه وسكرت فونها زياده .. بدي يتصل بيها مره يجيه خارج التغطيه ومره مقفل .. ✨
.
.
.
.
.
.
.
في مكان تاني .. ✨
لمياء : مروان تعالا تغدا !
مروان : مش فاضي توا !
ايلاف : سن ادير بابا
مروان : نخدم يا بابا نحي
ايلاف : به
ماما بابا يختم
لمياء : به تعالي كولي هي ❤
فافي قامت تيشرت امها : حي ماما عندها بيبي 😍
لمياء : 😳😳
فافي قامت فالينيتها : شوفي حتي اني عندي بيبي 😻
مروان : احترمي نفسك يا صايعه 😠
ايلاف : اسكت إت هادي هزات منات " بنات " 😒
مروان : انجي نوريك شن هما حاجات البنات يا لمياء جيبي الشبشب !
فافي : سن درت اني 😢
مروان : مادرتي الا كل قلة ادب امشي كولي امشي !
فافي : به 😢
ومشت ✨
لمياء : ريتها 😂
مروان : هالصايعه الضايعه ههه 😂
.
.
.
.
.
مر يوم طبيعي و جت الساعه 4 ونص .. ✨
ريان كانت مقعمزه شويه و سمعت صوت الباب .. ✨
ريان : حبيبي جيت ؟
يوسف جي طبس عليها وباسها من رقبتها : اي جيت ❤
اريام : ماما سكلت الدلجه جبت 10 علي 10 😻
شوفي ❤
بابا شرالي شكلاته وباربي 😻
ريان بستها : سلمها بنتي الشاطوره هي امشي بدلي حوايجك واكتبي واجباتك وشويه وندير الغدي هي ❤
اريام : امبه ❤
ومشت تجري لدارها .. ✨
يووسف قعمز ع الصالون حط دجاكته وبعدين مشي لي الدار يبدل.. ✨
ريان قامت الدجاكيت ولحقاته .. : شن جو الخدمه ؟
يوسف : تمام ماشيه !
ريان حطت الدحاكيت في الدولاب وقعمزت ع السرير .. : اليوم جت امك ركبتلي !
يوسف : لالا انشاء لله خير !
ريان : كبرت وبدت تخرف خلاص ! 😷
يوسف : ريان كل شي الا امي !
ريان : اما امك هادي يلي مدمرتلك حياتك !
اني مغلطش فيها اما تركب لي حوشي وتستفزني و تكلمني علي الفاسده ييلي كنت متزووجها هدا مش موضوع بكل خلاص اعيت اني اعيتت خيرها معيتش من يلي دراته !
اقل شي اتشوف لي بنت ولدها !
ولا حتي العشره يلي بينا راهو لينا 5 سنين مع بعض !
وخدت نفس .. لا حول ولا قوه الا بالله 😪
يوسف : توا هيا ركبت مش اتكلمك علي نصيب !
ريان دمعتها في عينها : لا ومش هدا بس ركبت مش اتسمعني كلام اوسخ من الوساخه كلام بيئه !
وركبت مش اتقولي انك حترجع لي نصيب يعني شنو يعني بترجع اتجوزك ليها تاني !!
هه عرفت شنو توا !!
يوسف جي حط ايده علي خدها : به علاش تبكي توا ؟ ❤
وجي باسها من خدها ، خلاص غليتي اني لما تزوجتها كان شويه طيش بس مستحيل نرجعلها تمام !
اسف علي كل شي واسف علي كل دمعه نزلت بسببي ❤
ريان قعدت تبكي اكتر يوسف ضمها .. : خلاص ياعيوني معش تبكي ❤
ريان : معش اتعاود يلي درته اني والله انموت من غيرك منقدرش نكون من غيرك انت الشي الوحيد من بعد ماما وبابا ففضلي 💔
متتعنيش ونبي معش اتخليني بروحي 💔😭
يوسف قعد يشبح لي عيونها ويمسحلها في دموعها .. وتنهد : خلاص غاليتي ❤
وعد نبدوا صفحه جديده ❤
ريان شداته من رقبته وحطت راسها علي صدره : انحبك 😭
يوسف مسح دموعها .. : انموت فيك ❤
.. يوسف بيغيرلها جوها .. : شن مش ناويه اتوكلينا 😜
ريان : ههههه لا اهو نايضه اندير ❤
يوسف قام حاجبه وابتسملها علي جنب : محلا ضحكتك ❤
ريان بساته من خده : انحبك ❤
يوسف : حتي اني نموت فيك ❤
ريان ناضت طلعت من الدار و مشت للمطبخ وتت الغدي ونادتهم ..✨
يوسف : اووهو واخيرا صنة الماكله واصله من بدايه الدار 😍
ريان : ههه صحتين ❤
اريام : جعانه 😻
وقعمزنا ريان صبتلهم وقعمزوا ياكلوا .. ✨
.
.
.
.
جهاد : ياعنبوها 😡
واتصل بيها .. و لاقاها فتحت فونها .. ✨
بشري ردت : شنو تفضل شن تبي تاني ؟
جهاد : طيب فيك رديتي 😡
بشري : ششن تبي ؟؟
جهاد : علاش مترديش !!
بشري : هكي مزااج !
جهاد : تي شن مزاج هدا
بشري : ........
جهاد : ردي عليا ومعش اتخليني نتكلم بروحي
بشري : شن تبي هي ؟
جهاد تنهد : شن اديري ؟
بشري : شي وانت ؟
جهاد : كنت انكلم في وحده ومتبيش اترد عليا !
بشري : اام وشن درتلها انت الوحده !
جهاد : مش عارف ادور في سبل
بشري :
انعم
جهاد : انحبك ❤
بشري : اممم
.
.
.
.
.
.
مر الوقت وايام ومشينا لي حوش اميمه وكانت الدنيا مجتمعه وكان بعد غدوا العيد الكبيره ، طبعا بهاء وسيدي مشوا شروا خرفان .. ❤
ومروان و لمياء روحوا .. ❤
اياد جمعنا وقاللنا ان العرس بيديره بعد العيد .. ونور كانت الفرحه مش سيعاها ❤
.
.
نور : قولي فاسده
تالين : تاتدا
نور : قولي كلبه
تالين : تبه
نور : قولي صايعه
اني : شن اتعلميلي في البنت ناقص لسانها هيا
نور :
محلاها كيف اتقول فيهم
اني : حقيره مصح وجهك
بهاء : ملاك هي نوضي
اياد : غر زيد اقعد
بهاء : لالا منرقد خلاص
وناض هي تصبحوا علي خير ❤
اني نلبس في وشاحي : هي تصبحوا علي خير ❤
اني : هي تالين
تالين اديرلهم في باي : ببحوا هير
نور : ههههه تصبحي علي خير ❤
اميمه : وانتي بخير ههه ❤
عمر قام حاجبه : تبيش تعطي لي خالو بوسه قبل ما تروحي ؟
تالين مشت سلمت عليه وبساته وطلعنا .. ركبنا السياره .. ❤
.
.
.
اني : ريتها بنوتت عمر محلاها
بهاء : اي مشاء الله عليها عيونها كبار ❤
اني : اي ههه ❤
بهاء : انروحوا وديريلنا نتسحروا ❤
اني : تمام عيوني ، منعيدوا اهني ولا في المزرعه ؟
بهاء : علي مزاج عبدالله !
اني : امم كويس وسكتنا .. روحنا الحوش لقينا حوش اللاي مسكر وكللهم راقدين ركبنا درت لي بهاء سحور بدلت لي تالين واني مكانش خاطري شربت طاسه حليب و قعمزت نتفرج .. وبهاء جنبي يتفرج ولاهي في النت .. ✨
واني سرحانه ونفكر كيف بيمر عليا اول عيد من غير بابا وماما واول عيد في حوش راجلي
اااخ يا ربي استاحشتهم وحق ربي
الله يرحمكم ويرحم كل المسلمين ❤
وتنهدت .. ✨
اني : بهاء
بهاء : عيونه ❤
اني : عادي غدوا ترفعني نزور امي وبوي ؟
بهاء : حاضر حبيبتي انشاء لله ❤
اني : اوك شكرا ❤
بهاء : معش تشكريني يا قردتي ❤
اني : تعرف هدا العيد اول عيد انديروه مع بعض ❤
بهاء : هههه بس محسيتش ❤
اني : كيف ؟
بهاء : يبان العيد المليون مع بعض ، تعرفي ربي يخليك ليا مش عارف من غيرك كيف حنكون نحمد ربي ونشكره ان هداك ليا ❤
اني : ههههه حبيبي ❤
وجت تالين تبكي : ماما ديدي
اني : شن هو الديدي يا حبيبتي شن نوظك !
تالين : بتني ماما
اني : تعالي ارقدي عليا هي ❤
ورقدتها علي حجري وقعدت نمسح علي راسها ❤
وبعدها يوصل مسج ... #يتبع ✨
__________
تفاعل ع الحلقة
مش غدوا انزل تاني كان هدا استنوا لي السبت ~
+راقيه باخلاقي
+مذهوبت الشيره
YOU ARE READING
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"
General Fictionالروايه منقووووله وباللهجه الليبيه
