لايك قبل ماتقروها بسرعه يلا ^^ ...
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 ..
.. 🍃 الْحَلْقَة : 🍃 46 ..
__________________
المهم وصلوا ليبيا ونزلوا طلعوا من المطار و جاهم خو سوفي❤
ورفعهم للحوش واول ما خش عبا رصيد و سلم علي امه هو وريان واريام قعدت لوطه وركبوا خش يوسف دوش و بدل و لوح روحه ع السرير ! ..
وريان خشت دوشت وجت جنبه ... ✨
ويوسف لاهي في الفون وخلاص .. ✨
ريان لما جت قعمزت دارت شبحه ع السريع وكان مكتوب في المسج يلي شفاته .. مش توا لي ترقد المصيبه .. 💔
ريان : خشت رقدت وغطت راسه تحت البطانيه وعطاته بالظهر وهو مكلمهاش حتي كلمه وما قاللها شن حالك توا ولا شن حال البيبي متعبك و لا لاا ؟!
خشت ووجعها خاطرها .. شويه وسمعت صوت الباب يطقطق ... ✨
يوسف : رياان رياان 😒
ريان تبكي وتبيش ترد .. ✨
يوسف : ريااان 😠
دمدار .. وناض ✨
وفتح .. ✨
اخته : وسيفه شن الجو 😽
يوسف : اوو تمومي وانتي ؟
اخته : منيح هههه جيت قلت نبي توته لي اريام منبدله منرقدها جنبي اليوم ! ☺
يوسف : خشي هاا
اخته : ههههه هي وخشت .. ✨
دعاء :
اماله وين ريونه ؟
يوسف : راقده
وخشتلها .. ✨
راقده حليلي ترا وين دولابها ؟
يوسف : في الشنطه هديكه قعده مدخلتش الحوايج
دعاء : هههه تمام ☺
وفتحت الشنطه وبدت اطلع ✨
وطلعت .. ✨
دعاء : هي تصبحوا ❤
وطلعت .. ✨
يوسف خش للدار وسكر الباب وطلع للبالكونه متع وسط الحوش ✨
يوسف : الو حبيبي استاحشتك حتي اني موت هههه غدوا نشوفك ❤
.
.
.
.
.
ريان : والله لما انوض انشوفه شن يدير 😢
وناضت ..
لبست روبها وناضت ❤
وفتحت الباب بشويه وطلعت .. دورت في الحوش القت باب البالكونه مفتوح .. ✨
وقفت قدام الباب وهوا كان يدخن .. ويتكلم .. ✨
يوسف : ههههه لا انتي احلا ❤
تي نحبك يا منجوها اي اي انموت فييك ❤
ريان حست في طعنات في قلبها : 😢😢
وبعدين مسحت دموعها ... ✨
ريان بصوت يرجف : ح حبيبي يوسف شن ادير برا صقع عليك عليك 😢
يوسف : 😳😳
اا اوك برو باي باي وسكر .. ✨
يوسف : ااااه شن نوضضك
ريان : منشربب !
يوسف : اااه حبيبي خشي صقع عليك وعلي البيبي .. وباسها من خدها ✨
ريان بلعت ريقها : ا اوك ، بس منو كنت اتكلم ؟
يوسف : ف في الراجل !
ريان : كويس
وخشت الدار .. يوسف خنس منها .. ✨
يوسف : بيبي جعانه !
ريان : لا ، وغطت راسها ورقدت ... او بالاختصار تخمم و قلبها مقبوض وخايفه ان يوسف يسيبها .. ✨
ريان : يوسف سكرالفون ضيه في عيوني !
يوسف : هففف به
وقعد شويه وسكره وعطاها بالظهر .. ✨
ريان زعلت لان ديمه لما اتكون تعبانه يرقدها في حضنه .. وكان يعرف التعب من عيونها 💔 ..
ريان : يوسف
يوسف : همممم
ريان : رقدت ؟
يوسف : منرقد خير شن في ؟
ريان : ااا لالا شي منسالك علي اريام وينها ؟
يوسف : لوطه راقده
ريان بطول معاه الدوه : وعلاش !
يوسف : منعرففشش منرققدد خلالاص استيي الزحح !
ريان : اهممم وصلك مسج ع الفايبر !
يوسف نط وقام فونه وقعمز يقرا فيه ... ✨
ريان : حتي هو من الراجل يلي كنت اتكلم فيه ؟
يوسف : لالا من صاحبتي 😒
خيركك انتيي ؟
ريان : شن قلنا خيرك اتعفلقت !!
يوسف : ونبي الحق مش فيك الحق في يلي راقد معاك !! 😠
و خي بطاننيته ومخدته وفونه وطلع .. ✨
ريان قعمزت في الدار وقعدت تبكي ..... ✨
.
.
.
.
.
.
جي الصبح ☀
عمر راقد .. ✨
مرته : عمررر عممرر اااااااه مشش قاادرهه يااعمرر نوووض منموووتت 😭
ووووك علياااا عمرررر نووووضضض مششش قااادرررهه 😭😭
عمر ناض مخلوع : هاا شنن فييي شننن فيي 😳😳
مرته : اااااااااااااه اااااااااااه 😭
عمر : بسم الله وناض يجري جابلها عبايتها ولبسها وبدل ع السريع وطلع ... ✨
.
.
.
.
.
.
.
المهم احني روحنا المهم دوشنا ورقدنا وجي علينا الصبح ... ✨
اني : اي كله واتي !
بهاء : تمام معناها غر قتلك وتيلي الشنطه ، لي غدوا مش منمشي بريطانيا !
اني : اوك وراه يومين ومنلحقك ☺
بهاء : اوك عمري ❤
انحبك رااه 😘
اني : انموت فيك غير تعالا افطر النسكافي بيبرد 😊
بهاء : هههههه حاضر من عويناتي .. ولبس كندرته ومشي قعمز .. ✨
اني بصوت عالي : بهااااء 😠
بهاء انخلع : ها خيرك شن فيي ؟ 😳
اني : البسااط ابيضض نحيي كندررتتتكك 😡
بهاء : مبردك خلعتيني لالا خلاص لبستها 😒
اني : نحيهاا تواا !
بهاء : ملحي !
اني : هيا يا معفن نحيهاا تلبزه عيب عليك نقعد مطبسه و نظف فيه 😢
بهاء : ايي عاد شن قلنا عليهم الشوارب مغريات معش اديرلهم هكي 😻
اني : هههههههه به خلاص 😻
وناض قعمز في المطبخ .. ✨
بهاء : هي جيبيه في المطبخ !
اني : ووك مبردك 😒
وقعمزنا نفطروا وبهاء ناض خش الدار طلع شويه وراقي وباس تالين وكيف بيطلع .. ✨
بهاء : هي حياتي ماتبي شي ❤
اني : جيت بسته ، سلامتك يا عيوني 😘
بهاء : هي سلامات ❤
اني : في حفظ وصون الله ❤
وطلع ✨
قعمزت انضم في الحوش شويه و ناضت تالين بدلتلها ونزلت لوطه .. وخشيت دوشت ونزلت .. ✨
اني : السلام عليك ❤
اللاي : وعليكم السلام ❤
اروي : ملاك شن الجو ؟
اني من راس خشمي : باهي
شن وين لمياء 😄
اللاي : والله نايض عليها الوحام قريب تموت ركبتلها الفطور امبكري مش قادره تتحرك من مكانها !
اني : اها فافي مشت للحضانه ؟
اروي : اي
شويه ورن فونها وطارت ... ✨
وقعدنا نهدرزوا اني واللاي .. لين خش علينا جهاد .. ✨
جهاد : اوو صباحو ❤
اني واللاي : صباحو ❤
جهاد : شن الجو ؟
اني : تمام ، شن نوضك بكري مش من عوايده !
اللاي : عنده مواعيد 😏
جهاد : اهي فاهمه الوضع 😂
اللاي : غر ديرنا تمره بس !
جهاد : انشاء لله قريب اتشد 😻
اصلا بعدين منكلم بوي منبدا نخدم معاهم في الشركه 😄
اني : اووو لااا من هيا زعماا مكبد عليها تكبيده صح 😂
جهاد : صقع عليك 😼❤
اللاي : اضرب يااا 😂
جهاد : 😂😂
لولي ديريلي ناكل !
لولي : هاضر شن تبي تاكل ؟
جهاد : اي شي !
لولي : اوك
اني : شن سلسبيل واختها روحوا ؟
اللاي : اي جاهم بوهم !
اني : اهاا
.
.
.
.
.
.
.
.
قيس : هيا يا يام نبي نتزوج !
ليلي : به الصبر خالتك متوفيه وراجلها مليشي شهور متوفي !
قيس : تي الزح مانبيشي كبير !
ليلي : كيف كيف عندي راس وليد ومنديرلاش عرسه كبيرر !!
اسكت اسكت زيد شهر تاني ويصير خير !
قيس : الزززح اقعدي فيهاا هيي 😡
وناض طلع ... ✨
.
.
.
.
.
ريان ناضت فطرت ودارت فطور وخلاته ع الطاوله .. ✨
ومشت لي الصالون القت يوسف راقد وفون حاطه تحت المخده ... ✨
ريان .. : يوسفف نووض كوول !
يوسف : به به 💤
وخشت ريان دوشت وطلعت دارت شبحه القاته قاعد راقد ✨
ريان : يووسفف نوووض
😒
يوسف : هي هي 😣
وناض خش للحمام .. ✨
ريان قاامت الفون ودارت الباسورد مباش يجيها طلع مغيره سمعت باب الحمام انفتح ردت الفون ودارت روحها اتنضم في الطاوله واطبق في البطانيه ... ✨
يوسف ناض فطر وخش دوش وقاللها توتيله حوايج ... ✨
طلعتله حوايج .. و خشت .. تجفف في شعرها .. ✨
وبعدها لبست شورت اسود قصيرون و بلوزه شيفون حمرا .. ودارت شعرها كوده .. وقعمزت دارت كريم لجسمها و وجها وايديها ودارت قلوس وماسكرا .. وناضت اضم في الحوش ضمه مش عاديه ... ✨
و يوسف ليس وطلع ... من غير مايفطر .. وهيا كملت ضمان وقعمزت تخمم ... ✨
.
.
.
.
.
عمر : خلاص وصلنا هي 😰
مرته : ااااااااااااه اااااااااااااااه 😭 مششش قاادررهه خلالالالاصصص 😭
المهم وصلوا للمستشفي خشاشوها طول .. ✨
وعمر خايف عليها قريب يموت ... ✨
وخشاشوها العمليات وصارتلها ولاده مبكره والبيبي قاعد عمره 8 شهور .. خلوه في الحضانه .. ✨
عمر روح الحوش جابلهم الفلوس ووقع القاهم كيف مطلعينها وهيا مصخصخه ... المهم ربع ساعه وفاقت .. ✨
مرته : عمرر ويينن بنتتييي 😭
عمر : بيبيي متخاافيشش ففيي الحضاانهه ❤😔
مرته : 😭😭 مزاالل شهرريي مشش تواا نززااللل 😭
عمر : عاديي تصيرر علاشش تبكي ؟
مرته : ماااتت مااااتتت 😭
عمر : لااا لااا بعييد السوو شويه ونرفعك اتشوفيه ❤
سما : به 😢
.
.
.
.
.
.
.
.
شويه هكي وركبت لي حوشي قعمزت درت مكسرات .. و تالين اعطيتلها شيشتها والعابها بزعتهملها .. فتحت التيفي و النت وشديت الريموت والفون وقعدت شويه هكي وشويه هكي ههههه ❤
القيت عمر مكلمني زوز مكالمات والقيت ريان مكلمتني برقم ليبي .. قلت خلي انكلم ريان اكيد عمر متصل مش يقولي ان ريان روحت ❤ ..
.
.
طوووط طووووط طوووط طوو
ريان : الو
اني : ريونتي الحمد الله ع السلالامه شن جوك انتي و سوفه ووالبيبي ❤
واريام 😍
ريان : تمومي الحمد الله شن جوك انتي و توتو بهاء وشن جو عزوزتك والعويله ❤
اني : بخير تمام التمام 😊
ريان : حلو شن راجلك وين ؟
اني : طالع 😄
شن امتي جيتي !
ريان :امس في الليل
اني : اهاا كويس خي علاش مقلتيش
ريان : جت صدفه المرواحه !
اني : ااها خيرك كانك بتقولي حاجه ؟
رياان : اا لا لاا
اني : اممم متأكده !
ريان خنقتها العبره : يوسفف يخوون فيياا 😢
اني : شنووو 😳😳
ريان : يوسف يكلم فيي غيرريي يكلمم فيي وحده تانييه 😭
مشش عارففه شنن منديرر 😭
اني : كيف عرفتي ؟
ريان قعدت تحكيلي !! .. ✨
اني : الحقيرر 😳
واجهيه وقوليله !
ريان : مشش عارففهه 😭
اني : لاززمم !
ريان : الالاااء 😭
اني : شنوو الالاء ؟؟
ريان : شننن انديرر !
اني : متأكده يوسف يوسف مش مصدقه راني !
ريان : ايي ريتيه البهيمم حسبي الله ونعم الوكيل فييه 😭
حي حي منسكر شكله جي وسكرت ✨
مسحت دموعها وكانت باين عليها تبكي والمسكارا سايله .. ✨
يوسف : خيرر انشااء لله خيرك تبكي ؟
ريان : متكلمنيشش !! 😠
يوسف : معشش اتعلي صوتتتك 😠
ريان : منعلييهه !!
يوسف : تيي ضممييليي فممكك وضربهاا كفف ودفها لين طاحت ع الارض .. ✨
ريان : ااااااااااييي يااا حيووااانن يااا مسسخخخخ ااااااييي 😭
يوسف : نوضضيي حداادييليي بدلتيي العربيه نوضيي نبييهاا عنديي فاتحه صااحبيي 😠
رياان : منييششش 😭
يوسف فنص فيها : رياااان 😠
ريان : نقصص صوتتك البنت تشبحللك 😢
وشبحت لي اريام القتها لابده ورا الباب وتبكي وخايفه .. ✨
يوسف شبحلها جي نوض ريان و طلع اريام وقعد يقوللها كنت انبصر مع ماما 💔
ناضت ريان تبكي في دارها ويوسف فتح لي اريان التيفي وخلاها تقعمز تتفرج ... ✨
ويوسف خش داره ✨
القي ريان تبكي ... جي باسها وقعد يراضي فيها وقاللها مش قصدي و دارلها دسكه ضغوطات الخدمه و اعي ما يدحلها ساعه يراضي فيها .. ✨
شويه وناض دوش وخلاها تحددله و طلع لبس و بدلته العربيه والفرمله .. كان محلق و عبا روحه برفان و خدي دخانه وساعته وطلع .. ✨
يوصله مسج .. : ( تي وينك عطلت .. راهو خوتي يستنوا قدام جامع ال#### غيروه مكان الفاتحه ^^ .. )
ريان قامت الفون وقراته سمعت صوت الباب رداته .. خلاته بمشي ولبست عبايتها ونزلت .. ✨
حطت بنتها عند دعاء ومشت طلعت ووقفت تاكسي ... وقالتله علي المكان ... ✨
.
.
.
.
.
اتصلت بي عمر وكلمته قالي ان سما ولدت فرحتلهااا ❤
قتله يجي بهاء ونجيكم ❤
كلمت بهاء وجاني وخليت تالين عند اللاي وطلعت ... ✨
.
.
.
.
.
.
.
.
.
تسنيم : ههههه اي تمام
الماس : اي خلي انكلمها .. ✨
.
.
.
طووط طوووط
اني : الو ❤
الماس : حبي شنن الجو ❤❤
اني : ميمي حياتي شن جوك انتي وسيموا شنن روحتوا ههههه ❤
الماس : هههه اي شن جوكك مستااحشيننك ههه قلنا نشوفها كان في الحوش منجوها ❤
اني : هههه لالا ولله لا اني ماشيه لي عمر في المستشفي سما ولدت !
الماس : مبرووك مبرروك
تسنيم : شن في ؟
الماس : سما ولدت
تسو " سيمو " : ❤ اوووو ❤
مباارك ❤
اني : يبارك فيكم ❤
وقعدنا شويه وسكرنا .. ✨
.
.
.
.
.
.
.
.
.
ريان وصلت قدام الجامع القت في مجموعه رجاله متلقطين ويسلموا علي يوسف قربت شويه وسمعتهم يباركوا لي يوسف .. ✨
في هديكه اللحصه حست قلبها قريب يوقف .. ✨
القت راجل لابس عربي وكيف قاص الجامعه وقفاته وسالاته .. ✨
قتله شن في الجامعه قاللها فيه فاتحت راجل .. ✨
ريان : هادا الطويل يلي واقف بجنب الباب لابس فرمله عنابيه ؟ !
الراجل : اي تعرفيه !
ريان : هه لالا فضول
الراجل : هي نستأدنوا يا حلوه وغمزلها وحطلها الرقم في يدها ... 😉
ريان في هديكه اللحضه اتمنت ان اللارض تنشق وتبلعها حست رجليها تقال ومش قادره اتقيمها وقلبها يرعش .. قربت من الجامع و لما حست الرجاله بيخشوا .. ✨
ريان قدمت قدام الباب .. وقالت وهيا عيونها دموع .. ومنهاره وحاسه روحها بين الحلم و الواقع .. ودقات قلبها ضعيفه .. و حست روحها خلاص .. وقالت .. : يووووسففففف 😭
يوسف : 😳😳 ... #يتبع ✨
_________
نبي تفاعل ع الحلقة ،
YOU ARE READING
.. 🌷 آنْثَي تَـآئِهَـآ فِي مَشَآعِرْ رَجُلْ 🌷 .. "مكتمله"
General Fictionالروايه منقووووله وباللهجه الليبيه
