4 ـ الشاعر عارف مأمون ألرمغشغش / ذي قار
* ومضات
١ـ
كتله عقلك خله ميزان العقل
هز بيده وكال عقلي
انه شالع من زغر سن العقل٢ـ
واعدتني الساعة بالخمسة العصر
ومن رحت ماكو أثر ألهه لكيت
بب ألكيت العصر واكف ينتظر* دارميات
١ ـ الشغلة مو نسيان حتى اكدر أنساك
حسبت حياة و موت هذا انه بجفاك٢ـ انه مت أكلك زين صدكني موزين
بس من فرحتي ألبيك ما تدمع العين٣ـ يصح رجل كلش زين بس عايز ألسان
وتصح لسن وتشوف ما بيهن أنسان* ابوذيات
١ ـ خفيف أتكول ريشه أشبيك درزن
وأذا تثكل ألك ميزان درزن
همومك موش درزن فوك درزن
درازن تنكطف وشمر بدية٢ـ بقفص صدري أضمك كون بليل
وأشوفن ياهو بذنك حجي بليل
أحبك بل أموت أعليك بليل
أمسودن و الخلك بين عليه٣ ـ بعوز ألحجي و ألساني يبلعوم
شجاك و تغرك بجيحة يبلعوم
ألزمها ولا تخليها يبلعوم
الكلمة التجي بالمنه عليه٤ ـ كلك حلو من راسك لجد ماك
وعلى مرسى الكلب بيدي لجد ماك
افتر بالدرب كصدا لجد ماك
وأخبرهه أشفلك ذبت عليه
YOU ARE READING
إضاءات الشعر الكريم
Non-Fictionهذا كتابي الثاني الذي يختص بالشعر الشعبي العراقي و الذي سيتطرق لذكر العديد من الشعراء هذه المرة و ابرز ما قدموه لساحة الشعرية و اقصد انه يتناول ابرز الابوذيات و الدارميات التي علقت في ذاكرة الشعرية ..